مشاعر خارج دائرة الصمت

البارت ٢٠

الدكتورة:ماشي ماشي لاتخافين تصير وينهة
ريام:هنا دكتورة تفضلي واول ما شافتهة انصدمت مثلنة وباوعتلي وكالت

الدكتورة:عررروس ريااام هذا اغتصاب شتحجين

ريام:لا والله دكتورة متزوجين وداعت ابني بس صار سوء فهم ووصلت لهدرجة

ام ايسر:دكتورة ابوس ايدج عالجيهة لا تموت وابني اني اعرف شلون اربي لهالطايح الحظ لان الظاهر ماعرفت اربي عدل

الدكتورة:اعالجهة بس مااسكت خلي يكون بعلمكم وهسة روحي ريام دبريلي هالمواد احتاجهن وكتبتهن بورقة
ريام:ثواني اكو صيدليات قريبة ونزلت عالسريع جبت التحتاجة الدكتورة وصعدت انطيتهن الهة

الدكتورة:انطيني شاش بسرعة
ريام:اخذتهن الدكتورة وفحصت رغد وباوعتلي وكالت لو حيوان مينتهكون جسمة بهالشكل يحتاجلهة خياط مجروحة جرح قوي خلي اشوف شغلي

رغد:كل الصار جنت اسمعة بس مااكدر انطي اي رد فعل احس مخدرة من الالم وكل شوية الم شكل حتى من خيطتني الدكتورة ما حسيت كدما متاذية حسيتة الم مهم جنت كارهة روحي واليوم الصرت بي ولعنت حضي والدنيا الجارت علية وخلتني يتيمة انذل وانهان وانضرب واسكت لان ببساطة مالي سند جانت بس دموعي تشرح ضعفي وحالتي وخالة ام ايسر لازمة ايدي وتبوس براسي وتمسح بدموعي وتكلي هين اكسر راسه وداعتج بس اصبري
الدكتورة:هاي كملت وخيطت الجرح لازم تهتمين بي حتى لايلتهب وهاي شديتلج كانيولا لازم تكملين ذني الابر الراح اكتبهن الج واكلي زين حتى تعوض الدم ومن ترتاحين اريدلج تحجيلي الصار،دقيقة هذا شنو الشاش الي حول رقبتج

ريام:رغد سويتي عملية لصوتج

رغد:ما رديت عليهم مااكدر وضايجة منهم لان همة اهلة

الدكتورة:ومتحجي شاكول على اخوج بس حسبي الله عليه وعلى ظلمة خلي اشوفة حبيبتي،،،،،،،،،

رغد:شافتة الدكتورة وجنت خايفة لاتكلي تضرر الجرح او العملية جنت مستعدة اتحمل كل الفات ولاتكلي صوتج ممكن ميرجع او اتاثرت العملية لان حسيت صدك هو هذا سلاحي الادافع وارد بي عن كل اتهام محد بثورة غضبة مستعد يفهم اشاراتي لو ينتظرني اكتبلة فصوتي هو سلاحي الي ارفعة بوجه اي احد يظلمني كالت الدكتورة لا ماكو ضرر شوية نازف الجرح بس ماكو ضرر ان شاء الله تنجح عمليتج ويرجع صوتج واني وانتي نروح نشتكي على زوجج بس ارتاحي وباجر امرلج
ايسر:اتوووقع دكتوورة هذا شي ميحقلج تتدخلين بي اني وزوجتي نحلهة وهسة اذا كملتي تفضلي وياية
الدكتورة:اتخوفني عود هه اذا انتة مستقوي على هالمسكينة اني اسندهة

ايسر"ماتلاحظين انتي تتدخلين هواية ثانيا احنة مو بالمستشفى حتى تسويلهة تقرير يعني خارج نطاق تحكمج انتي فاذا كملتي اتفضلي اتعابج وخلص واجبج وشكرا

الدكتورة:مستغل رتبتك الظاهر بس لاتتوقع اسكتلك الا اخليهة تشتكي عليك عديم الانسانية
ريام:دكتورة ميقصد هو اعصاب احسبيهة علية واتفضلي نتفاهم برة

ام ايسر:شرجعك مو رحت لاعبالك اعوفهة يمك

ايسر:منا متطلع الا اذا ناوية تاخذيهة بتابوت ولاعبالج عقابي لهنا وخلص اني اعرف شلون اكرهة بية من كل قلبهة

رغد:باوعتلة بحقد وكره

ايسر:لاترفعين عينج بعيني حيووووانة

ريام:ايسر شبيك انجنيت شوف شمسوي بيهة كااافي  تظلم بهاليتيمة لو الهة اهل تسوي هيج انتة مو طلعت شرجعك

ايسر:سيارتي انضربت وادك على زوجج ميرد اريد ناخذهة لابن عمة يصلحه
ريام:هاي حوبت المسكينة

ام ايسر:رياااام الزمي لسانج اخوج تحترمي غصبا عليج

ايسر:يمةةة
ام ايسر:اششششش لااني امك ولااعرفك اني الربيتة ابن عاقل مو مجرم لساني ما يطخ لسانك لحدما ترجع لعقلك وتبطل ظلم وخبال جررت على البنية لان عبالك يتيمة لا اني اوكفلك وهسة اطلع من عندنة مااشوفك هنا لحدما تتعافى البنية وانتة تعقل ونحجي عود

ايسر:لا يمةةة محد يظل يمهة تظل هنا وحدهة مثل الجلب ولو تحسنت نحجي بمصيرهة ولخاطرج اعوفج بس الليلة يمهة لان متستاهل واحد يداريهة
ام ايسر:انشووف ريااام تعالي عاونيني نكومهة تسبح

ايسر:محد يدخل وياهة انتي تعباانة وريام حامل كوووومي للحمام

رغد :ما احس الا اتقرب يمي وجر الغطا حيل وملخني من ايدي عود يكومني وهي مخلوعة من وكفنة بالطريق شهكت من الالم ولزمت ايدة حيللل

ايسر:كل نارغضبي طفت من لزمت ايدة احس كهربااء وسرت بكل جسمي من لمستهة باوعت عيونهة تصررخ الم ومغوركة دمووع حاولت اخفي ضعفي وياهة بصوتي العالي كتلهةةة يللللااا بلا عيااارة للحمام سندتهة من ايدهة الثانية وكمت امشي بيهةة وصلتهة للحمام وردت ادخل وياهة ماقبلت ودفعتني عطت بيهة ويطبج طوووب مو صوجج

رياام:اسبحج اني

رغد :هزيت راسي برفض لان استحي منهم ثنينهم ودخلت وحدي فتحت المي ووازنتة صار دافي اني دخلت جواه لو احس ملح وذبيتة على جروحي اتاذيت كلش وكمت اوون من الالم وابجي سمعت صووت ريام تدك الباب وتسال بيج شي رغد تسمعيني دكيتلهة الباب حتى تعرف مابية شي وكوة كملت وطلعت تفاجأت بايسر بالباب حاول يسندني عفتة وتجيت عالحايط كوة امشي

ايسر:عصرت كلبي من سمعت شهكاتهة جوة المي من المهة كلت لريام اتشوفهة مااريد احاجيهة ابد لهسة كلبي شاايل وهواي طلعت وتفاجأت الظاهر بية انسحبت من يمي وانتجت عالحايط كوة تمشي جاان جسمهة الطالع مشوه بالضرب استحقرت نفسي لان استقويت عليهة بس اكو شي بداخلي يصررخ تستاهل كلمااتذكر الصار وعلاقتهة بغيري انجن وبودي ارجع اضربهة بكد ذاك الضربةهاااية مالتي محد يتجرأ يباوعلهة غيري رحت للغرفة وكلت لريام يلا زوجج جوة نوصلج ونطلع للمصلح اذب سيارتي يمة

ريام:اظل هنا

ايسر:ما لازم امي هنا رجعي لزوجج وبيتج انتي هم وضعج مو تمام يلا بلاااا نقاش ترة صاير نااار نزلنة وصعدت ريام وزوجهة ولحكتهم بسيارتي الي طارت صفحتهة بسبب حادث من طلعت وصلنة ريام وطلعت وديتهة للمصلح ورجعت اخذت علاج امي وعشا ورجعت للشقة خليتهن ورجعت يم سهى

سهى:وين جنت من الظهر اتصل ومترد وامك من العصر عافتني وراحت لريام دكولوا متت عدلت احتااج شي
ايسر:سهههههى تعبااااان ومالي خلك ررروحي جوزي مني لا انكلب عليج..

الكاتبة ايه.... يتبع