مشاعر خارج دائرة الصمت

البارت ١١

ايسر:بيج حيل نروح للحجية لو تعبانة اليوم
رغد:🖐لا عادي راح المرض🤕

ايسر:يلا لعد كملي ريوكج حتى اوصلج بطريقي لبيتنة ذاك وانتظريني من اكمل دوامي العصر اخابرج اطلعيلي ارجعج هنا
رغد: اووف هذا ماراح يفك مني ويخليني ارجع لبيت ام احمد ولو هسة اني مثكلة عالناس وهذا بيتي هسة موجاي اداري الحجية اقل شي اكعد هنا لما الكالي مكان او شغل طلعت موبايلي وكتبتلة اروح لبيت ام احمد اجيب ملابسي وتعالي هناك وانطيتة الة قراه وعقد حواجبة بغضب وكال

ايسر:اني شنو كلت البارحة انتي متفهمين شلون اخليج تصعدين تكسي وحدج هيج ماعندي غيرة مخلي مرتي صاعدة وحدة وية السواق شمدريني التصعدين وياه شنو ومنو هاي السالفة متسويهة بعد عرفتي

رغد:هزيت راسي بتململ

ايسر:حتى لو ماعاجبج غصبا عليج تنفذين من جان ابوج عايش يخليج تطلعين وحدج؟

رغد:هزيت راسي بنفي واشرتلة وية خالة ام احمد

ايسر:لعد ليش بنضرج اني قليل غيرة لو ماعندي حرص والدج عليج ليش عبالج اني ما اهتملج انتي بعد صرتي باسمي ولازم تقدرين هالشي

رغد:مااعرف ليش نبرة صوتة وهو يحجي وياية ويبينلي انه يحرص علية مثل والدي خلت شي غريب بداخلي يتحرك حسيت بامان غريب اول مرة احس وياه هيج شعور اكتفيت باشارة تبين موافقتي وسكوتي وكام هوة وكاللي ارجع اخذج لبيت ام احمد وارجعج لهنا وراح غسل ورتب نفسة كمت لميت السفرة عالسريع وغسلت وبدلت ومكياج مااخلي اني كالعادة لفيت شالي وطلعت لكيتة كاعد عالتخم ويكلب بموبايلة وكفت كبالة واشرتلة كملت
يسر:هيج بسرعة كملتي والله عمي انطيتج ربع ساعة كلت زين لو خلصت يلا لعد امشي كدامي

رغد:مشيت كدامة وصلت الباب وحاجاني ايسر
ايسر:اخذتي علاجج وياج حتى تاخذي هناك

رغد:التفتت عليه واشرتلة لا

ايسر:ولا هسة اخذتي

رغد:😁👌اي

ايسر:مبارك علية زهايمر مبكر يلا كدامي روحي اشربي وخلي بجنطتج

رغد:رحت اخذت علاجي ونزلنة صعدت بالسيارة شوية والتفتلي ايسر

ايسر:اكلج من اجيتي البارحة ورجعتي وحدج شلون كلتي للسايق وين يوصلج شلون دليتي

رغد:طلعت موبايلي واشرتلة انه كتبتلة بالموبايل

ايسر:لا صدددك تحجين انتي😡من كل عقلج اليشوفج تعبرين موبايلج للسايق شيكوووول ماراح يكول هاي تنطي رقمهة لو تاخذ رقمة شلون تفكرين هيج تسوين
رغد: هذا شلون يفكر والله عندة سوالف هاي كل الضباط يفتحون هيج تحقيقات وهيج يفكرون لو بس هوة درت وجهي عالجامة ماعجبني كلامة😒 صدفت وكفنة باشارة وبجهتي سيارة بيها شباب ثنين شو هذا رأسا عاط بية هييييي وين تباوعين ديري وجهج لهنا متشوفين ذولة المسقطين بصفج
ايسر:اتعصبت منهة من كالتلي شلون توصف للسواق وتنطيهم موبايلهة ضجت كلش منهة شجابرهة على هالطيحان الحظ يعني هالعناد شنو وعليمن صح حقهة تزعل وتضوج بس هية هم ما حابتني ومتعلقة بية واني صديت حبهة هالفرصة الي والهة حتى نتعود على بعض كانما فترة خطوبة بس هي كبل دخلتهة بكرامة واذية وضلم طلعتني مجرم من خلال مسجاتهة الوصلتني انوب انتبهت بالاشارة سيارة بصفنة بيهة شباب ثنين ورغد عينهة عالجامة صح ما باوعوا لان لو مباوعين اسحلهم بنص الشارع بس استفزتني هي من مادارت وجهة عاد عطت بيهة وكتلهة ديري وجهج هي فزت من صوتي الظاهر جانت صافنة بغير شي بس خليهة تتعلم طبعي وصلتهة للبيت ونزلت فتحو الباب ودخلت هية واني وراهة اتكلتني سهى بالباب ووباوعت رغد وياية

سهى:وين جنت بايت البارحة ورجعت باوعت لرغد هاية شجابهة وياك منو وصلهة انتة مووو
ايسر:اششش ولا كلام سوايتج مال البارحة ماناسيهة لهسة وماعليج ابات وين مايعجبني اصلا ما طايق اباوع لخلقتج وخري لاااذيج وخرتهة من طريقي وفتت

رغد:بس دخل اني دخلت وراه خفت من هاي زوجتة وهي تباوعلي بحقد دخلت الحجية نايمة بعدهة كعدت بالصالة وطب ايسر لامة اسمعة يوصي بيهة علية لان صحتي مو زينة كلش وسهى شافتنة سوة لا تاذيني وطلع ودعني بابتسامة لان سهى تحوس فوك صوت خطواتهة مااعرف ليش ضجت منة واتنرفزت الى متى يبقى ضامني اني جريمة فاصلا درت وجهي ما رديت عليه تنهد وطلع بس طلع نزلت ست سهى استلمتني تحقيق اخر شي كتبتلهة انه ابو التكسي ذبني وية جيت ايسر فدخلنة سوة سكتت بس مااقتنعت اخر شي كالت ممكن تساعديني بالبيت لان حامل وتعبانة اليوم ابداخلي استخطيتهة وكلت هم اكضي وكت على ماتكعد الحجية شو هاي ماصدكت استلمتني اكس مربع بالشغل وشكو شغل بيومهة طلعتة بحيث وصخ البيت كلة اتذكرتة من شافتني واني اهون روحي واكول صيري بت اصول وطلبت مساعدتج والحجية كل شوية تمدح بية وبشغلي ونظافتة والبيت هسة مريح ونظيف اخر شي صارت الصلاة صليت ورجعت باقي كم ماعون عالسنك جاي اغسلهم كلت عملت باصلي وسويت فضل خل اكملة للاخر واسمع اندكت الباب رحت للحجية اشرتلهة تطلع جانت تصلي تالي طلعت سهى الظاهر جارتهم ضلت واكفة تسولف هي وسهى فترة وانوب باوعتلي من الشباك وابستمتلي اني هم ابتسمت الهة ورجعت اغسل بالمواعين وارتب اسمعهة تسال سهى منو هاي اقاربكم والله حلوة ماشايفتهة..

الكاتبة ايه.... يتبع