مشاعر خارج دائرة الصمت

البارت ١

ابو رغد:والله ياسيدي جابوني باطل وزور اقسم بالله اني رجال على كد حالي جنت اسير ومن رجعت كمت اشتغل حارس بشركة صارلي سنين حارس بهالشركة واهلهة ناس خيرين مثل وجهك واليطلعلي قانع بي ومكفيني اني وبنتي الوحيدة وماعندي احد زوجتي انطتك عمرهة بس قبل شهرين اهل الشركة باعوهة لغير ناس وهالناس شرانين ومكضيهة مشاكل وية كل واحد طابلهم متعاركين ياسيدي اول البارحة رحت لزمت حراساي بالليل مثل كل ليلة وشفت ولد عمهم قريبن عالشرمة رحت اسألهم اذا محتاجين شي شخطوا سيارتهم وحركوا كملت شغلي وصار الصبح اجة الخارس النهاري سلمتة الشغل واتوكلت بس حضي خلاني اجيبلي حافظة اكل مرات اجوع ويهبط سكري بالليل ياسيدي اخذت العلاكة البيهة الحافضة ورجعت لبيتي نمتلي ساعتين ومااحس الااندفرت الباب والشرطة مجتفيني وبنتي ياسيدي بنص هالشزلم ودموعهة تصب والله ماخفت على روحي بكدماخفت ياذوهة وهي مريضة ولاحول ولاقوة

ايسر:يعني مريضة تكدر تتحرك تخدم نفسهة احد يمهة يتفقدهة لو صارلهة يومين وحدهة بالبيت

ابو رغد:لاسيدي تكدر تتحرك وقايمة بواجبي وشايلة البيت الحمد لله بس مااريد ادوخك بقصتهة ياسيدي

ايسر:اتأثرت على بنتة وماحبيت اتدخل بتفاصيل حياتهم واحرجة خطية كتلة كملي حجي سالفتك 1

ابو رغد:اعتذر منك سيدي، والله ياسيدي ماحسيت الا واني هنا وهمة تاهميني انه اني بايكهم وهذا الحارس النهاري شاهد اني من مشيت شايل علاكة بيدي لعد لو بايكهم ارد انام ببيتي

ايسر:ماكو دليل قوي انتة البايكهم ليش يحبسوك بعد هسة اكتبلك تطلع بس شرط تظل ببيتك وشوكت منحتاجك اندز عليك وهاي اجة الريوك اتفضل اتريك وتوكل

ابورغد:الله يوفقك سيدي ويوكفلك اولاد الحلال بطريقك
الشرطي:الووو راح يطلعوه تعالوا

مهاب:السلام عليكم سيدي

ايسر:وعليكم السلام اتفضل منو حضرتك

ابو رغد:هلا عمي ابو مصطفى
مهاب:اسكت مااتشرف تكلي عمي وانتة واحد حرامي مسوي روحك خييير وانتة واحد نصاب

ابو رغد:الله يسامحك عمي صارلي سنين اني حارس بهالشركة ماانباك بسمار تالي عمري اخسر اخرتي على وصخ دنيا

مهاب:جذب بعد وبيعهن علينة هي هاي سوالفكم

ايسر:بسسسسسس احترم نفسك وين كاعد انتة بمكتب محترم بعدين منو انطاك الحق تتهم الرجال انتة تمثل جهة قانونية حتى تفتي من كيفك

مهاب:اسف سيدي ماقصدي بس كلبي محترك باكو اوراق مناقصة بملايين
ايسر:مو موضوعي موضوعي انتة اجيت لهنا شرايد

مهاب:سيدي اريدك تطلعلي حقي بالقانون من هالرجال

ايسر:وانتة ليش متأكد هالرجال هو الباكم معقولة ماعندكم اعداء احد طمعان بالمناقصة

مهاب:سيدي اني ماكلت باك الاوراق واخذهن الة بس باكهن ووصلهن لشركة منافسة والي هي لولد عمي والا ليش الكامرات صورت سيارتهم قريبة عالشركة بليلتهة واستفاد بشكم فلس

ايسر:مو دليل قوي شركتكم متروسة موضفين والحارس النهاري يكدر يسوي نفس الشغلة ليش ما تهمتوا مو على مااعتقد يستلم قبل دوام الموضفين بساعة

مهاب:هااا والله ماخطرت ابالي بعدين هو كال شفت بيد ابو رغد علامة من مشة

ايسر:انطيني عنوانة وناديت طلعت قوة ورحنة لبيتة طلعتلي زوجتة وكالت سافر لسليمانية يومين صديقة متمرض ورايح وياه علاج ههههه ضحكت لداخلي ايباه شلون درب كتلهة سويلي مجال افتش البيت وصدك دخلنة ولكيناه خاتل جوة كتلة شوكت رجعت من سليمانية وصحت للشرطة ياخذوه اخذناه للمركز واول راشديين كتهن كلهن وجررنا ولد عمهم وطبعا نكروا كلشي وضل التحقيق مفتوح المهم اني كلت لابو رغد هاي هية حجي توكل كتبتلك اخلاء سبيل وانسدت منا طلع وهو يدعيلي مدري ليش كسر كلبي رجال وحداني بهالعمر اخذت مهاب على صفحة وكتلة لا تبطلة خطية رجال على باب الله وامين وهالوكت صعبة الامانة 1
مهاب:لاهاي هية سيدي كتلة يرجع من باجر وان شاء الله ازيدلة راتبة واخلي واحد يعاونة لان ورة هالطلابة راح تزيد المشاكل متنقص،

ايسر :هاي هية اخذ راحتك وشوية كملت اوراق وطلعت ورة تقريب نص ساعة مشيت مسافة بسيارتي ووكفت يم تقاطع ازدحام وباوعت هذا ابو رغد كاعد عالرصيف ويمة ابو المرور شايل بطل مي وانطاه الة صفيت سيارتي على صفحة ورجعتلة خير حجي شو هنا

ابو المرور:تعرفة سيدي،جان يمشي وفجأة كعد واتخربط يمكن كلبة
ايسر:كوم حجي اخذك للمستشفى ووراهة عود اوصلك لبيتك

ابو رغد:لا سيدي مااريد اتعبك بس وكفلي تكسي واني اروح

ايسر:والله هالرجال شايل عزة نفس كتلة لاحجي اعتبرني مثل ابنك وكوة صعدتة لسيارة واخذتة للمستشفى وفحوصات وتحاليل تالي اخذني الدكتور على صفحة وكاللي عندة السكر مرتفع وبداية جلطة خفيفة صدك انقهرت على حالتة ورأسا خطرت ببالي بنتة منو الهة لومات ابوهة وهو ماعندة لااهل ولا ولد طلعتة من المستشفى وكتلة يدليني بيتة لحد ما وصلنة جان بيت متواضع وصغير يجوز١٠٠ متر كتلة حجي انطيني رقمك وهذا رقمي خاف تحتاج شي اني مثل ابنك وان شاء الله امرلك باجر اشوفك ونزل وهو يدعيلي خطية ثاني يوم كملت دوامي واتسوكت مسواك كامل ورحت لبيت ابو رغد خابرتة مارد كلت يجوز نايم انزل انطيهم الغراض واتوكل لبيتي دكيت الباب مرة..مرتين جان ينفتح شوية وبنية مدت راسهة محجبة من ورة الباب اني هنا دخت وضليت صافن بوجهة الي جان لوحة ومرسوومة بعناية الرحمن شوية وانتبهت لنفسي ودنكت وكتلهة ابو رغد موجود شو هاي ماجاوبتني وطبت ضجت منهة ومن اسلوبهة متعرف بالاصول شنو شوية وطلعلي ابو رغد 2
ابو رغد:صدك جذب سيدي مكلف روحك وجايني للبيت والله زارتنة البركة اتفضل وفتحتلة الباب

ايسر:لا حجي ابو رغد مستعجل اريد ارجع لبيتي وتعبان بس كلت اتطمن عليكم وبدربي مريت اتسوكتلك ماتكدر تطلع انتة تعبان ونزلت العلاليك والرجال كوة قبل ياخذهن ويتوسل يجيبلي فلوسهن اخر شي..

الكاتبة ايه.... يتبع