متاهة مشاعر

البارت 27

متاهة مشاعر
للكاتبة مهرة

م#متاهة_مشاعر
من طلع عُمر عمو أجاني للغرفه
:سارة ابنيتي تره عُمر من يصيح عليچ مو قصده ايهينچ ؛ بس هو هذا طبعه حتى ويا اخواته  مايحب غريب يشوفهن ، وانه منتبه عليج متجنبته ليش شنو التغير احنه گبل مو عايشين سوه هسه من يگعد يمنه تطلعين
: عمو والله هو ما اعرف شبي ويايه قبل ميروح لبغداد چنت انظف بغرفته هو شافني وطردني و اليوم يصيح عليه اني شنو الي سويته حتى صار يضوج مني
:ميخالف ابنيتي انتي هم اتحملي وانه من يجي احجي ويا ، ما اريد بيناتكم يصير حقد و كره ،گدامنه عمر انعيشه سويه ، ماشي ابنيتي
:صار عمو هاي هيه احاول اتعامل ويا مثل قبل

:عمها بأسها على راسها و گالها عفيه بأم يزن
:انتظرنه عُمر للوحدة و بعد مراجع عمتي گالت يمه صبي غده و عُمر من يجي نصبله
تغدينه وشربنه چاي  وعمو و عمتي راحو نامو و اني نيمت يزن و عُمر ماكو ، رحت للمطبخ داخسل بالمواعين سمعت صوت سيارة عرفته رجع دخل للمطبخ عاقد حواجبه و چكارته بيده گلت خل احچي ويا هاي مو حاله نبقى هشكل واحد مطايق الثاني فات يمشي مشيت وگفت بوجهه و گُتله
: اني اسفه وبعد ما اطلع للسطح بلا حجاب هو بتسم و بعدين گال مو بكيفچ  غصبن عليچ واحشها لرگبتچ إذا سويتيها مرة ثانية
ومشى گُتله اصبلك غده ؟
:اي عجل اموت جوع من وراچ،  ابدل و انزل
:رجع يفشل بيه مثل قبل چنت خلصانه 😒

:رحت البيت عمي وحچيت ويا نور حتى باچر نبدي نمشي بعقد المحكمة لحت عليه حتى ادخل بس ما دخلت گتلها باچر الصبح امرلچ رجعت للبيت بس بعدها القهره بيه دخلت للمطبخ هي واگفه ع سنك فتت چان تچي توگف گدمي گالت اني اسفه وبعد ما اطلع للسطح بلا حجاب دحگتها شكلها مثل الطفلة المذنبة و واگفه تعتذر من ابوها أبتسمت على شكلها النوب شتاقيت أستفزها بالحچي مثل قبل هههههه هي بقت اتدردم عفتها وصعدت ابدل

:نزل اتغده و صبيتله چاي و عفته و رحت نمت

:صارت الساعة بالخمسة اريد اطلع فتحت كنتوري قمصاني ماكو نزلت صحت على امي
يوم شو قمصاني ماكو
طلعت سارة من المطبخ گالت كويتهم و علگتهم بكنتور عمو
بس اريد افتهم هنه  القمصان الي لو لعمو !؟

:اي غير أنت متقبل ادخل غرفتك
:ههه انه صدگ ضحكت ، سمعتها تحچي وراي  گالت
:هذا الرجال اعتقد عنده انفصام بالشخصية
: 😡 شلون شلون عيديها ما سمعت (حچه بعصبيه
ابو عُمَر : شكو شبيكم صايرين مثل النار و البارود
:ماكو شي يابه بس اخر اكتشافات الست طلعتني مخبل
: ههههههه اي عجل اكتشافها صح ابنيتي ما تغلط بشي
:اي شجعها مو هاي المدللـه مالتك
:اي عمو هو مو طر.... بعدني ممكمله الكلمة لتفت عليه و خزرني اني خفت انهزمت للمطبخ بعد ما حچيت
#متاهة_مشاعر
للكاتبة _مهرة
@mohra_9_30
ثاني يوم  زيوني گاعد بس اني بعدني نعسانه ما بيه حيل أگعد دخلت علينه عمتي يمه حبيبي گاعد وسارة مخليتك وحدك أخذته تبوس بي وطلعت
اني گعدت خسلت وطلعت حضرت الريوگ و گعدنه نتريگ
:يمه اليوم تعقد بالمحكمة ان شاء الله
:اي يوم هسه ابدل و اروح امر على نور
:بيها الخير يمه الله يسعدك

طلعوا عمو و عُمر واني بديت أنظف نفس الروتين اليومي بالعشرة دگ تليفوني سرى تتصل بيه
:الووو
:صباح الخير سارة
:صباح النور حبيبتي شلونج
:يول سارة اني حامل
: الف مبروك حبيبتي ،عمه سرى حامل
:الله يبشرج بالخير يا يمه شو انطيني خل احاچيها
:الووو ها يمه الله يتمملچ على خير أحبيبتي ول يمه ديري بالچ على نفسچ و لا تشيلين ثگل خل يركد حملچ يمه
:فرحنه بحمل سرى صار هواي ننتظر هذا الخبر
ركبنه الغده اني و عمتي و خلصنه شغلنه عمتي گاعده دتطعم زيوني تريد تعلمه ع الأكل واني گاعده يمها
سمعت باب الشارع انفتح و دخلت نور سلمت علينه و گعدت
أم عُمر : عمه عجل عُمر وين شو وحدچ
: هين عمه بس راح يشتري چكاير
: اني صبيتلها عصير وخليتها گدامها هي گاعده على ميز الطعام
:شنو انه خطار و تضيفيني
:لا حبيبتي البيت بيتچ بس الجو حار العصير ينعشچ
:لا احبيبه ما اريد عُمر جابلي للسيارة
: گُتلها براحتج اخذت العصير و گمت أشرب بي و منتچيه ع الكاونتر
دخل عُمر سلم و جر العصير من يدي و گام يشرب
نور : اوووي عُمر شلون تشرب من حلگ لحلگ
: عُمر ما حاچاها أخذ العصير و طلع لغرفته
:يمه انه اروح اصلي من رخصتچ
نور : أخذي راحتچ عمه انه مو غريبه
:نزل عُمر لابس دشداشه و غتره و عگال گال النور يله امشي ،
:أني أحچي ويه نفسي وين طالع وبعد شويه ويوصل عمو بس ما سألته گلت لا يفشلني  گدام ست الحسن  خل اسكُت احسن
نور طلعت تمشي گدامه هو لتفت عليه مبتسم گال انه معزوم يم جماعتي
: گُتله واني شعليه قابل سألتك هو گام يضحك و طلع لحگ نور
للعصر عمو و عمتي راحو لسرى يشوفوها
ويباركولها  و اخذو يزن وياهم عمتي تحب تطلعه وياها
عُمر بعده مراجع بقيت وحدي بالبيت رحت لغرفتي فتحت الكنتور اعزله اخلص وقت بي ذبيت الملابس و رجعت صفطتهم لگيت ضرف مكتوب عليه حبيبي بس قرص CD أخذته  كملت تعزيلت الملابس ورحت للأستقبال الجهاز بيها دخلت القرص و گعدت گلت خل اشوفه شنو هذا شويه و بدأ المونتاج صور أني و أحمد أني شفته و أحس گلبي راح يوگف بعدين طلع تصوير اني و أحمد بالحديقة أتذكرته بها چان عصريه هذا أحمد صوته وهو يضحك و نتشاقه اني ويا فرفحت من البچي واني و حدي بالبيت عليت الصوت اريد صوته يملي عليه البيت ، وينك حبيبي ليش عفتني ورحت بقيت اتفرج و ابچي بحرگه
: دخلت للبيت محد بي بس اسمع صوت بالأستقبال ليش هيچ معلين الصوت قبل ما افتح الباب ، هذي نبرت صوت أحمد فتحت الباب بسرعة لگيت سارة شبعانه بچي  و تدحگ بالتلفزيون تصوير الها و للمرحوم طفيته تبچي و منهارنه شكلها يمرد الگلب
ول أبويه ليش هيچ تسوين بنفسچ ليش تعذبين نفسچ 
حرام عليچ عيونچ راح تعمه  بوگت مغربيه و أنتي هذي حالتچ ، شو گومي غسلي
وجهچ يله  گامت انه اخذت القرص من الجهاز
رجعت ألتفتت عليه گالت
:أخذني ازور قبره والله بس من اروحله يله ارتاح

:باچر أخذج بس لا تگولين لمي ما اريدها تجي ويانه و تشبع بچي

:لا ما أكول الأحد
يله فوتي غسلي و روحي ارتاحي

#متاهة_مشاعر
للكاتبة _مهرة
@mohra_9_30