متاهة مشاعر

البارت 31

متاهة مشاعر
للكاتبة مهرة :

چنت ناويه أبقى بعد كم يوم بس والله متحملت ، تعودت عليهم وأحس مكاني صار هناك ويم اهلي خطار ، ويزن أذاني يستغرب من اهلي وبس يبچي ، خابرت عمو گُتله يجيني ، بعدين عمو رجع خابرني گال عمو عُمر يمرلچ بـ ١٢

:صح عندي شغل ابغداد وچنت ناوي نهاية الأسبوع اروح بس من سمعت مخابره أبويه تريد تجي حچيت گدام أبويه حتى يگلي چيبها وياك ، شيخلص هاي الليلة والله مشتاگلها ، ماريد شي بس تبقى گدام عيني هذا يكفيني .
گعدت الصبح اهلي نايمين سبحت وبدلت وطلعت لبغداد
دخلت بغداد احساس جديد عليه اول مره ادخلها وأحس بيها شي الي ، رحت للشركة مالتنه اريد أكملولشغلي بسرعة حتى اروحلها ، صارت الساعة ١١ ونص طلعت ، وصلت راس الفرع مالتهم دحگتها تمشي وانه عيوني صارن براسي وگفت السيارة هي دحگت عليّ
صحت بيها
وين ؟!
:گالت
حروح اشتري حليب ليزن من هذا المحل واجي
:و انتي يايوم خليناچ تطلعين للمحلات تشترين هااا امشي ارجعي لا احش رجليچ والله ، انه رايح اجيبلو

: بدلت ليزن و داحضر بغراضي انتبهت حليب يزن مخلص ، ماما دتخبز فماكو احد يجيبلي گالت ماما دروحي انتي المحل برأس الفرع مو بعيد ، اني لابسه ردائي أصلا متحضره طلعت وصلت راس الفرع وشفت سيارة عُمر ، يربي هسه هذا شيسوي بيه اني هناك باب البيت ما اشوفه ، هو شافني وخزرني و صاح بيه
وين !!!
اني نشف الدم بعروگي من الخوفه ، هذا شيفهما !!!
أكلتلي رزاله و رجعت ، گلت لماما عُمر اجه حروح خسلت اديها وطلعتله سلمت عليه وطلعت غراضي اني شلت يزن وطلعت وجهه ميگصه السيف بس اجه أخذ يزن مني شاله بوسه ويشم بي
:حبيبي عمو شتاگتلك
:ودعت ماما و صعدت بالسيارة، عطره تارس السيارة هو انطاني يزن وصعد و مشينه ساكت ميحچي بالچذب مَسلم عليه ، بس الرزايل محصلتها منه
طلعنه من بغداد مشغل راديو طلعت أعينه خليجيه هو مندمج وياها ويباوعي بطرف عينه ، ما اعرف شيقصد بنظراته !
(اسمعو الاغنيه )

:حيييل ضجت من شفتها طالعه وحدها ، هي يمنه ابد ما تطلع الي تحتاجه يوصلها للبيت ، اخذتها وطلعنه رغم مقهور منها بس احس روحي ردتلي وهي گاعده يمي بالسيارة ، بس ما حاچتها ، شغلت الراديو طلعت أغنيه حيييل حلوة حسيتها تحچي الي بداخلي دحگتها بطرف عيني ، زين مني منتبه للطريق وهي يمي ، بس احسها تعبت لان يزن نايم بحضنها تعبها گتلها خل أخليه ع الكشن الوره تعبج ، نزلت فتحت الباب اخذه منها ، من گربت منها اشيلو احسها قلصت جسمها شلت راسي صارت عيني بعينها ، شلون انه ويه هاي لعيون ،
خليتو ليوره وصعدت كملت طريقنه صارت بالوحدة ونص رگنت السيارة ع الطريق أكيد جاعت وهذا المطعم دائما ناخذ منو إذا چنه مسافرين ، التفتت عليها گتلها اي سارة أن شاء الله مخليتي سوگ أو محل يعتب عليچ ؟
هي دارت جسمها عليه وصايره عصبيه وشالت اصبعها
گالت شوف عُمٓرّررر
هي نطقت اسمي وانه وگف عقلي اول مره اسمعه منها ، ابد مسامعها تنطقه ، لا والنوب شلون تگولو تجرو الار ما سمعتها شحچت بعد ، الي آبالي هسه سيارتي مضلله، مال اجرم بيها هسه على نبرتها باسمي ، جريتها بيد وحده من خصرها الي والأيد الثانية لزمت أيدها وأخذت شفايفها ابوسه ، اريد أخذو لطعم اسمي من شفايفها ، بقيت اجر بشفتها ، ، هاي سارة بين اديه الي كل قوانين العقل صارت تنلغي من اشوفها ، تركت شفتها بس ما بتعدت بعدني لازمها النوب ثنينه نلهث
گالت بصوت ناصي عُمٓرّرر الي دسوي ،
مخليتها تكمل كلمتها ، رجعت أبوس بيها بشراسه أكبر هي تجاوبت وياي صارت البوسه بعد احلى احس جسمي گام يغلي ، لو بغير مكان چان ملختها ، تركت شفتها دحگتها وجهه صاير احمر وترجف ، من احسها ترجف ،أرغبها أكثر ، ابتسمت على شكلها ..
گتلها
، ديري بالچ تصحيلي باسمي گدام احد لان ما اظمن الأسوي ، نزلت من السيارة اريد الهوى البارد يضرب جسمي ، وبعدني افكر ارجع عليها

ركن السيارة وندر يگُلي ، ان شاء الله مخليتي سوگ أو محل يعتب عليچ ، قهرني شنو اشايفني افتر بالشوارع ، وليش عصبيته بس عليه ؟!
گُتله شوف عُمٓرّرر اني مو زغيره واعرف الصح من الخطا
اشو هذا باقي صافن بوجهي ما حسيت إلا جارني لحضنه وبده يبوس بشفتي بحيث انگطعت أنفاسي ،
ترك شفتي وخله گصته على گصتي وخشمه يم خشمي ويحرگ رأسه على كيف ، بس چنه سكران
تأثير قربه عليه عطر و دفو حضنه گوه أگدر احچي اريد گُتله عُمٓرّرر الي دسوي مو صحيح مخلاني اكمل كلامي رجع يبوس بيه بس هل مره أقوى عض شفتي اني متحملت بسته ، نسيت نفسي واحنه وين وشلون صار هشكل مگدرت اقاومنه ، جسمي يرجف وأحس وجهي صخن ، ابتعد شويه باوعلي وبتسم گال
ديري بالچ تنطقين بأسمه گدام احد ، صح اني اول مره اصيحله باسمه و اني احجي ويا بس هسه يله ستوعبت شيقصد
ابد ما چنت أگدر اصيحله باسمه ما اعرف ليش چنت اخاف أنطق اسمه
نزل من السيارة ربع ساعة و رجع چايب علاگه بيها لفات و عصاير انطانيها وحرك السيارة ما فتحت الأكل
:ول أبويه تره انه ما جبت الأكل حتى اندحگ عليه ليضوگ العسل يجوع
:اني اصدمت من جرائته وهو بحچي و مبتسم ، طلعتله لفه و عصير انطيته آللفه اخذها و خليتله العصير يمه
:شنو انتي متاكلين ؟
:ما اريد ممشتهيه
:إذا ما اكلتي والله هسه اركن السيارة وانتي تعرفين شاقصد
و بتسامته تارسه وجهه
: ادري بي يسويها ، طلعت لفه وبديت أكُل
:انه لو بمكانچ ما اكل ههههههه
:عُمٓرّررر ررر صحت بي هو خرب من الضحك
:ول ابويه رحمه لهلچ لا تنطقين بسمي خل نوصل اهلنه سالمين هههههههه
:وصلنه للبيت بتلاثة دخلنه البيت هدوء أكيد عمو و عمتي نايمين هو راد يصعد لغرفته واني متجه الغرفتي لتفت عليه غمزلي اني خزرته صعد وهو يضحك
تعبت من الطريق ومن شد العصاب الي صار وياي دخلت غرفتي خليت بزن بسريره و بدلت و نمت
#متاهة_مشاعر
للكاتبة _مهرة
@mohra_9_30