متاهة مشاعر

البارت 22

متاهة مشاعر
للكاتبة مهرة

في يومٍ مُمطر على العاشقِ أن يعتزلَ العالمُ ويحضى بخلوه بين أحضان معشوقته وليستمع لموسيقى المطر مع أرتعاشت الحَلَق .

اليوم الجو بارد كُلش و مطر قوي خلصنه غده والچاي كالعادة ع النار و دالم بالمواعين
:سارة بنيتي راح اتمدد بالفراش جيبلي چاي للغرفه
:صار عمو بس خل يخدر زين و أجيبلك
خسلت المواعين و داصب چاي لعمو صاح أحمد من الغرفه
: سارة وينچ ؟
: جايه حبيبي أصبرلي شويه
أخذت الچاي لعمو و عمتي
ورجعت صبيت كوبين الي ولأحمد
دخلت لغرفتي أحمد گاعد بالگاع گبال الصوبة ومتجي ظهره ع السرير و رافع رجل،  والثانية امددها
:تعالي حبيبي
خليت صينيت الچاي بصفه و گعدت بحضنه بردانه اريد ادفأ
:لميتها بديه ول حبيبي ليش ملابسچ هيچ خفيفه
:حبيبي أتضايق من الملابس الثخينة خله رأسه برگبتي وباسها بعدين خله كوب الچاي بيدي وبدينه نشرب و احنه ساكتين
جر المخده و البطانية من السرير وخلاهم بالگاع
:گال خل أنام گبال الصوبة
:خليتها بحضني فتحت السحاب قمصلت تراكي وخلت راسها بصدري تمرغه بصدري و تشم بيه
:حبيبي هم راح أشبع من ريحتك !!؟
:ههه ما اريدچ تشبعين حتى تبقين تشتاگيلي  دائما ول حبيبي يمته يشرف أبنه واحطكم ثنينكم بحضني
: هذا مكاني ماخلي حتى أبنه إينام بي
:هههههه ول حبيبي تغارين عليه من أبنه
: حبيبي إلا حضنك هذا مكاني والي وحدي
: اوووف حضنتها حيييل وبست گصتها وعيونها متريد احد يشاركها حضني وانه لو بيدي أدخلهابگلبي بين اضلوعي
ول حبيبي يمته نعرف بيج ولد لو بنيه
:حبيبي الدكتوره گالت من تكملين الرابع واني هستوني ابدايته
بقينه نسولف لحد ما غفينه ونمنه

:فزيت على صوت أمي
:يمه أحمد عمك صباح هين ما تگعد
:أي يوم گعدت
سارة حبيبي شو گعدي
:گاعده حبيبي
طلع أحمد و اني گمت خسلت وجهي ورحت سلمت على عمو صباح
شلونك عمو
هلا ببنيتي الحلوة أنتي شلونج
شنو هل غيبه عمو والله مشتاقيلك لا تمر ولا تسأل
والله عمي دائما أسأل عليچ عجل أحمد مايگلج
أحمد : ول حبيبي هل أجه وعاف عمتي أم كنعان بهيچ جو مايتفوت
:عاد عمتك شلونها ،شومخلصتها عليه تعبانه و مابيه حيل
أحنه متنه ضحك عليه
والله عمو أنت يرادلك اتجدد
:ول حبيبي إذا سمعت عمتي غير تجي اتنحنح اعظامج هههههه شو استري علينه وكومي سويلنه چاي
: يله گايمه وتره أني ما أخاف من أحد 
أبو عُمر :يول أحمد شو ناوشني التلفون أخبر أم كنعان
رحت چلبت بيد عمو
يا على بختك عمو والله أتشاقه صُدُگ تحچي
ماتو ضحك عليه
:ول حبيبي طلعتي بس لسان ههههههه
:ههههه حبيبي گدام أم كنعان حتى لسان ميطلعلي
للكاتبة _مهرة
@mohra_9_30
خليت القوري ع النار طلعت الكيك الصبح سويته لان حمودي يحبه
أفتح باب المطبخ  هذا عُمر !!
:السلام عليكم
: وعليكم السلام الحمد لله ع السلامة
: الله يسلمج
: شجابك من بغداد والدنيا تمطر من الصبح لهسه
:ول أبويه الله الحافظ هذا انه هل وصلت
:شلونه أبنه  لبالطريق ؟
: زين ويسأل عليك
يمشي ويضحك وگال
:يول أم لسان لتصيرين چذابه هههههه
:يله تعودت على تفشيلاتك ههههه
:اي تعودي أحسن ههه
دخل ع الهول واني شايله الصينيه و امشي ورا سلم عليهم
أم عُمر :يمه شجابك بهل مطر !!
:يمه  أنتي متفقه ويا أم لسان على نفس الجملة ههههه
: شوفي عمه لان اني هم گتله شجابك بهل مطر مقابل يگُلي ول أبوبه الله الحافظ واقلد بصوته ، النوب يسميني أم لسان
خربو ضحك لان قلدت صوته وهو يخزر بيه
النوب عمو يگُلي راحمه لأهلج عيديها ويضحكون
أني شفت عُمر عصب ختلت وره أحمد
حبيبي فدوه عوف الضحك تره راح اتكفخ
باوعت لعُمر و گتله والله مو قصدي اضحكهم بس ردت أقلد صوتك
اجه عليه،  احمد خلاني جوه ايده وحضن راسي
:يول انطني خل اكفخها أنت ما مكفخها قبل
:الله عليك عُمر بس خليها تعيدها مره وحدة
:اكصو للسانها غير بس خل تجرب
:لا والله بعد ما أعيدها
:دكومي سويلي غده ممتغدي مو جايبتلنه كيك و چاي
دفعت الصينيه لعمتي تصبلهم چاي وگمت گُتله : تره مچنت حاسبه حسابك بالكيك
:راد يگوملي نهزمت للمطبخ هههه
صاح أحمد : ول حبيبي لتركضين
:حبيبي والله نسيت
رحت صبيتله غده وجبته و بقينه هم سوالف وضحك

باعشره بالليل عمو و أحمد گعدو يشتغلون أحمد بيده سجل  حسابات و اقساط مال سيارات و عُمر هم گعد يمهم
واني سويت العشا وجبته
:عمو عوفوا الشغل هسه اتعشوا ورجعو كملو شغلكم تعشوا وصبت الچاي وجبته
اني رحت لغرفتي غيرت ملابسي وبقيت أگلب بالقنوات
لحد ما غفيت
فزيت بالوحدة أحمد گاعد گبال الصوبة وصافن
حبيبي
:عيونه
:فدوه لعيونك ، ليش گاعد وحدك و صافن
:تعالي حبيبي
:نزلت من فراشي و گعدت بحضنه و حضني
شبيك حبيبي ؟!!
:مابيه شي حبيبي بس اكو خطاء بالحسابات و دايخ بيهن
:دخلت للغرفه لگيت سارة نايمه والتلفزيون مشتغل طفيته وگعدت گبال الصوبة ما ادري شبيه أحس نفسي مخنوگ ردت أگعدها احس نفسي مشتاگلها بس استخطيتها لان حامل تنام هواي وبقيت گاعد شويه وهي فزت وحست بيه شي سألتني بس ما گتلها احس نفسي مخنوگ صحتها أجت گعدت بحضني حضنتها أدحك بعيونها اريد اشبع منهن بوستهن بست گصتها شميتها بستها من شفايفها حضنت شفايفها شفايفي و النفس اليطلع منها اسحبه الصدري اريد اشبع منها
:حبيبي والله احس بيك شي
:ول حبيبي مابيه شي بس خل اشبع منج كلشي ما اريد من هل دنيا
گومي خل أنام بفراشنه
:والله احس حبيبي بي شي شنو ما اعرف أحمد والله صرت حافظته  حتلوا ميحچي افهم من عيونه من حركاته
:خليتها بحضني وبقينه للفجر احس نفسي مشتاگلها من راسها لجدامها اريد اشبع منها بست كلشي بيها اريد اترس ريتي برحتها بقينه لحد ما تعب السهر منه و غفينه
للكاتبة _مهرة
@mohra_9_30
گعدت الصبح على صوت عمتي اتدُك ع الباب احمد هماتين فز وگام
:ول حبيبي لا تگعدين البارحة سهرتج وياي
:لا حبيبي عو الظهر أنام خل اگوم اسويلكم ريوگ
:عجل انه راح اسبح واجي
:ماشي حبيبي
طلعت سويت الريوگ و گعدو اتريگو و طلعوا عمو و احمد
اني رحت سبحت وبديت اشتغل بالبيت بس بالي يم أحمد لازم صاير ويا شي و ميگُلي
خلصت تنظيف وبدينه اني و عمتي نحضر للغده يمته تجي الوحدة حتى يرجعون للبيت احس الساعة مدتمشي
ركبنه وطفيت اللگدور و اني گلبي مثل النار بس اريد اشوف احمد بقيت و اگفه بالطمة الجو بارد اني لابسه چاكيت ثخين وهم بعدني ارجف ما ادري برد لو من التوتر سمعت صوت السيارة وگفت بالباب مال الشارع
رحت امشي سريع دخل عمو
:ها عمي شمطلعچ بهل برد
:عمو احمد وين
:هذا احمد وراي شجاچ يا بنيتي
:ول حبيبي ليش و گفه هين و الدنيا تكتل برد
:اني شفته واسمعه يحچي وحس روحي ردتلي بس ما ردت أبينله خوفي
حضنته وگُتله يعني شسوي لأبنك إذا اشتها ريحتك !!؟
حضني حيل وبعدين خله ايديه على اخدودي
:ول حبيبي خدودج صايرات ثلج شو امشي گدامي
دخلنه صبت الغده دخل عُمر هم صبيتله ويانه راحو بدلوا ملابسهم و اجوا
دنتغده وتلفون احمد دگ
هلا رائد
ماشي اكمل غده و راجعلك
سد التلفون و لتفت لعمو يابه وصلت السيارات الي موصين عليهن راح اروح استلمهن
:ماشي يابه بس افحضهن خاف بيهن ضربات لان گالو كله نضيف
:أن شاء الله
خلصنه غده وشربو چاي
أحمد دخل يبدل رحت ورا ديدگم بالقميص لزمت اديه وخبرتهم بعده ممدگم الفوگ بست صدره و شميته وكملتهم اله حضني باسني بگصتي و بعيوني ثنينهم و گادني شال البطانية گال يله حبيبي نامي و رتاحي ادري البارحة مخليتج تنامين
بقيت أباوع عليه لبس جواريبه و حذائه وقبل ميطلع رجع بوسني 
:نامي حبيبي ارتاحي
:طفا الأضويه وسد الباب و راااااح ...

نمت يمكن ساعة وفزيت مخنوگه گوه أجر النفس گمت من فراشي رحت شربت مي أحمد بعده مجاي
للكاتبة _مهرة
@mohra_9_30