متاهة مشاعر
للكاتبة مهرة
طلع عمي من غرفته بس وجهه ما يتفسر مبين القلق عليه صاح عُمر عُمر
أم عُمر : محمد شبيك شصاير
عُمر نزل ركض من الدرج ها يابه شكو
:روح بدل وانزل بسرعة
وراح عمو يبدل
:يابه شصاير
:يول بعدك واكف يله (بصيحه )
:أني حلگي يبس وكمت ارجف
عمو فدوه شصاير ما يحچي
نزل عُمر يلبس بقمصلته
أم عُمر : محمد فدوه شصاير بس احچي
:عمو فدوه أحمد صاير بي شي
اباوع لعمو گام يرجف أخذ تلفونه ومحفظته و ما حچه عافونه و طلعو
رحت لتلفوني اتصلت على احمد يكُلي الجهاز مغلق
بقيت مثل الطير المذبوح مفرفحه اني وعمتي
عمه أحمد جهازه مغلق
:يايمه وليدي ربي احفظ بحفظك
ولچ يمه وجهچ صار اصفر أگعدي انتي حامل ان شاء الله ماكو شي
عمه شگعد وهما خلونه و طلعوا ما نعرف شصاير
بقينه نلوب أني وعمتي
للكاتبة _مهرة
@mohra_9_30
رنا : اجه خالد يصيح و مخبوص وعيونه حمر
خالد :رنا البسي بسرعة وخابري سرى تحضر نفسها
رنا : شكو خالد شصاير
:ولج يله
شويه و دخلن البنات علينه وهم نفس حالتنه الوانهن مخطوفه
:يمه أبويه و اخوني وينهم شصاير
: يمه ماندري ابوج خابرو وأخذ عُمر وطلع
سارة تفتر متگدر تگعد تلوب وتلفونها بيدها وتخابر
:عمه محد يجاوب
گامت تبچي وتصيح وين راح أحمد ليش مرجع
سرى : سارة حبيبتي اذكري الله ان شاء ماكو شي
سمعنه صوت هوسه بالباب طلعنه كُلنه للطرمة دخل عُمر عيونه حمر من شفته گلبي أنعصر حضن عمتي ويبچي
:يمه وين اخوك
دخل عمو ركضتله
عمو وين أحمد
گعد بالگاع وخله رأسه بين اديه
گمت اضرب على وجهي و اگلهم وين احمد ليش متحچون اچاني عمو صباح حضني وگام يبچي
لا عمو فدوه إلا أحمد چيبليا وابوس بيده فدوه عمو أبوس يدك چيبه وينه أحمد
أحمددددد
عمتي تصيح يمه وليدي وينه
البنات يبچون
كلها تصرخ وتبچي
يعني أحمد راح بعد ميرجعلي يوميه أنتظره بهذا المكان ويدخل عليه بطوله واحضنه وينه اليوم
لتمت علينه الناس دخلوا أحمد بتابوت عليه احس رجليه بعد ما أگدر اوگف عليهن وگعت على رگبي واني أشوفهم شايلين التابوت
عمو صاح طبن چوه اريد اگوم ما أگدر أجاني عمو صباح وگومي حضني واني اصرح بسم أحمد
دخلوه بالأستقبال
:عمو فدوه طلعو خل اشوفه
:خالد عمي طلعو خل يشوفنه
: طلعوه
:گمت ما اسمع صوت كل البچي الي داير ميدور ما اسمعه
دنگت على رأسه ملفوف بشاش
أحمد حبيبي تريد تعوفني مو گتلي ما تفوفني و ما أتخلي دمعتي تنزل احچي ودموعي تنزل على وجهه بست رأسه ،حبيبي يوجعك !!
شو افتحلي عيونك خل أشوفهن
حضنت صدره وشميته حبيبي والله ريحتك نفسها بس ليش هيچ بارد صدرگ ما متعوده عليه بارد حبيبي شو أگعد ماتريد تنتظر ابنك ؟!!
واني شلون بيه تدري ما متعوده على فراگك شلون أعيش بدونك ما فكرت بيه ؟!!
بست عيونه حبيبي ليش متجاوبني يا يوم حچيت وياك و ما جاوبتني ؟!
شلون أفارگ حضنك و ريحتك تدري ما انام إلا على ريحتك
خليت راسي على صدره وحضنته ،حبيبي أبچي على صدرك وأنت ما تگعد ليش حبيبي
اجه عمو بصفي انبهت ،باسه و گال يله عمي شو گومي
:وين اگوم عمو وين اروح حضنه مكاني وين تريد اروح
جرني عمو واني اريد ارجع لحضن أحمد
گالهم يله خل نشيله
اتخبلت يردون ياخذو مني يعني بعد ما اشوفه
فدوه عمو لا تاخذونه، لزمني النسوان واني اصرخ لا تاخذون حبيبي وين تردون بي
شفتهم شالو واني وگعت وبعد ما دريت شصار
للكاتبة _مهرة
@mohra_9_30
أبو كنعان : نور بابا جيبي مي ذبي عليها حاولي تصحيها هاي حامل لا يصير بيها شي لو تاخذونها للمستشفى
عُمر : كنعان احنه رايحين أنت روح دبر دكتوره تجي وياك للبيت لا تطلعونها للمستشفى
راحو وبقت بس النسوان بالبيت سارة شالوها لغرفتها و مصحت اجتها الدكتوره وانطتها منوم خفيف لان حامل
نسوان الجيران و الگرايب التمن على أم عُمر و بناتها گاعدات يمها
سمعن صرخه عرفنها سارة صحت
أم عُمر :يمه گوملها هاي حبيبة اخوچن لا تخلنها وحدها
گامن سرى و رنا ودموعهن تجري دخلن على سارة تصرخ وتبچي حضنتها رنا وتهدي بيها و تبچي وياها و عليها
:رنا سمعته يصيحلي حبيبي وينج هذا صوته بإذني
سارة حبيبتي اذكري الله ادعيله بالرحمة
تراكه بعده ع السرير جرته سارة وتشم بي هاي ملابسه بعدني ما شايلتهن گلي حبيبي نامي ارتاحي
احمد يا نوم و راحه من دونك
:سرى روحي انتي يم امي اني أبقى يمها
حاضنتها رنا وتقره عليها من القرآن حتى تهدء شويه
رجعو من الدفن بالليل بقو بس اقاربهم يمهم أبو عُمر دخل للبيت أم عُمر شافته و گامت تبچي سارة سمعتهم
وگامت من حضن رنا طلعت لعمها
عمو عفت احمد وحده عمو والله ما يحب يبقى وحده أخذني يمه ،حضنها عمها و گام يبچي گالها أبنيتي هذا أمر رب العالمين ما نعترض على حكمه وهو يصبرنه على فرگه ادعيله بالجنه ابنيتي، كل الموجودين يسمعون ويبچون ساره حضنت عمها و بقت تبچي
مرت أيام الغزه بخزن و ألم على الكل سارة تغفه من التعب وتفز تصرخ بأسمه اجت أمها وبقت يمها و سارة لا اكل و لا شرب عايشه ع المغذيات
بعد ما مرت سبعة أيام أهل سارة قررو يأخذون سارة وياهم لان تعبت كُلش و خافو عليها وكلشي يذكرها بأحمد بهذا البيت و أهل احمد ما عترضو لان هما هم يخافون عليها و على طفلها عسى و لعل تبعد وتنسى شويه
سارة گاعده على سريرها متوشحا بالسواد و متحچي بس ادموعها تجري ما نشفت دمعتها ابد حاضنه ملابس أحمد و تشمهم وتبچي أمها تلم بأغراضها وتخلي بالجنطه
يله ماما سارة گومي البسي خل نمشي گامت سارة لبست وطلعت من غرفتها ودموعها ما وگفن
حضنها عمها و ودعها راحت حضنت عمتها وثنينهن يبچن ، يمه سارة ما اوصيچ على نفسج وعلى ابنج تره بس هو بقى من ريحت أحمد ديري بالج على الي ابطنج
ودعتهم وطلعت ويه أمها و ابوها رجعت لبغداد جسد بلا روح روحها ضلت هناك يم أحمد
للكاتبة _مهرة
@mohra_9_30
ملاحظة مهمة
⭐️⭐️⭐️⭐️⭐️⭐️⭐️
وفاة أحمد كانت بحادث سيارة ، وحبت تعرفون انو رواياتي من وحي الخيال ، لا اكتب القصص الحقيقية
CZYTASZ
متاهة مشاعر
Romansگعدت واني مدنگه ما اعرف شبيه عبالك اول مره أشوفه لو أگعُد مقابيله و أكُل ، حاولت أتجاهل وجوده ، بس وين واني أحسن نبضات گلبي يدُگن بإذاني ، داحس عيونه عليه تراقبني ، اريد اكذب إحساسي ، رفعت راسي ، وطلع إحساسي ميكذب ، شفت عيونه عليه ، تمنيتكم تشوفون...
