متاهة مشاعر

البارت 35

متاهة مشاعر
للكاتبة مهرة

اخذت جنطتي وطلعت ورا للسيارة خالد و اگف يحچي وياه صعدت وهو هم صعد وحرك السيارة يسوق بسرعة جنونيه اباوعله عاقچ حواچبه و ومبين صاير نار و چگارته بيده ، اباوع ايده ترجف من العصبية واني اخاف من السرعة خليت ايدي على ايده وهو يسوق
: نظراتو لسارة ماتروح من بالي احس دمي يغلي بركان حتى الطريق ما منتبهلو هلگد ما صاير نار ، ما حسيت على نفسي إلا لمن خلت يدها على ايدي وانه اسوق گالت
: عُمر فدوه خفف سرعتك والله اخاف
: دحگتها خايفه خليت ايدي بيدها ما اريد ادحگ نظرة خوف بعيونها
:عُمر ليش تعركت ويه ابن عمك على شنو صار هشكل مو طبعك هشكل تتعصب !!
احچي وياه ركن السيارة و لتفت عليه
:شلون ما اتعصب وانه اشوفو يدحگ لحلالي سارة أنتي الي وحدي ما اتحمل احد يدحگ عليج ، والله لو ما عيونو لعمي عرضن جدامي لا إلا أطلع عيونو بصابعي .
: محچيت شي لان اعرف كلامه صحيح و نظرات كنعان الي العصر مچانت طبيعية ، بس حسيت بفرحه ملت گلبي واني اشوفه هشكل يغار عليه ، حرك السيارة وشال ايدي لشفايفه وباسها و بقى مخلي ايدي بيده

: وصلنه البيت الوقت متأخر تقريبا ب ١٢ دخلت السيارة ونزلنه البيت من الداخل اضويتو طافية بس اضويت الطرم مشتغله ، فتحت باب الكلدور و دخلنه سديت الباب هي رادت تفوت ع الاستقبال جريتها من أيدها لصدري حضنتها حيييل لو بيدي ادخلها بصدري وما اطلعها وتدحگها عيون غير عيوني، نزعت حجابها شمرتو ، خليت راسي برگبتها وبقيت اشم بيها ، حسيت برجفتها
: اول مدخلنه الكلدور سد الباب وسحبني لصدره حضني حيل حسيت اعظامي حتتكسر من قوة حضنته ، ريحته و دفو صدره دماررر ، سحب حجابي و ذبه ، خله رأسه برگبتي و يشم بيه ، اني بين اديده تاخذني الرجفه ، حس برجفتي ، حچه بصوت ناصي
:سارتي حبيبتي ليش ترجفين ماتعودتي على گربي
: الكلدور بي ضوا خفيف بس الضوا الي يدخل من الطرم على شباك الكلدور ، لزم راسي بديه و گام يبوس بشفايفي ، بهذا الجو البارد وشفايفه نااار احس يدفء جسمي گُله من تلتقي شفايفنه ، اني مقاومتي أله صارت بخبر كانَ ، صرت اعشق ريحته ، صعب أبتعد عنه ، ذبت بين اديه ، خليت ايدي على صدره دگم الدشداشه مالته مفتوحه خليت اصابيعي بشعر صدره وهو گام يبوسي بجنون أحسه يريد يأكلني بعد شفايفه مني وباوعي عيونه صايرات نار گلي

: كل ما اتگرب منها ترجف بين اديه ،اتخبلني برجفتها ، ادحگ شفايفها من البارحة مضايگهن صار عندي ادمان عليهم ، ابوسها واتحصر ، شلون بيه أنه ، حلالي مالتي وابوگو بالتختل ، النوب حسيت اصابعها بصدري وانه جمرت عليها ، عضيت شفتها عص من حرگت گلبي تركت شفايفها ونزلت الرگبتها اريد اضوگها بطريقتي ، انه أبوس بيها وهي ذابت بين اديه سمعتها تهمس باسمي ، خرررب أهلچ على هل صوت شلت راسي
:سارة تعالي وياي لغرفتي ، اشو هاي جمدت بمكانها ، يول والله بعد ما اتحمل انتي حلالي لاتنسين ،
:عُمر شبيك شنو أنت متفكر ؟!!
:يول انتي خليتي بيه عگل حتى افكر اخذتها من أيدها اريدها تمشي وياي گالت
: عُمر فدوه لا ، عمو و عمتي شيگولون علينه إذا حسو بالي ديصير
: يول انتي شگاعد تحچين !! ، انتي مرتي
: عُمر اترك ايدي روح نام وبعدين نگعُد ونحچي
: ما تركت أيدها اليوم قافل عليها ، يول شبيچ خايفه ، انه وياچ وتخافين ، يول اريدچ تعرفين شنو يعني اريدچ ..
: بسته من صدره عُمر فدوه تركني
: ما اتحمل أشوفها هيچ خايفه هي هم حقها ادري تصرفي مو صحيح بس حبها خبلني ، تركت أيدها بستها من راسها اوووف ، يله فوتي گدامي ، انه الي الله
: هو تركني واني ركض للغرفه قفلت الباب عليه ههه اخاف يرجع بحچايته