متاهة مشاعر
للكاتبة مهرة
ثاني يوم مثل ما وعدني عُمر يأخذني لقبر أحمد عُمر گال لعمتي رنا خابرتني تريد سارة و هو مخابر رنا متفق وياها نخلي يزن يمها اتغدينه و شربنه چاي و خلينه عمو و عمتي يدخلون ينامون گال
: يله تحضرني حتى نطلع راح ابدل وانزل
: حضرت زيون و خليت الحليب مالته و اغراض اله بجنطه لان يبقى يم رنا لبست ردائي و حجابي وطلعنه
مرنه على رنا انطيتها زيون و كملنه طريقنه للمقبرة
كل ما نتقرب احس نفسي مخنوگة؟ ليش أحمد جوه التراب ؟!
ليش ربي ما موتتني وره ، لمن ظليت اني ، منو الي ،
وصلنه قبر احمد نزلت خليت راسي على قبرة و ظليت أصرخ باسمه ، ليش هانت عليك دمعتي ، المن خليتني ، شلون گدرت على فراگي ، حبيبي ليش حتى بحلم ما تجيني ، والله شتاقيت لطولك ، بقيت ابجي وطلعت كلشي بگلبي ...
: من نزلنه وهي گامت تصرخ بأسم احمد عفتها و رحت گعدت بالسيارة وعيني عليها ، خلتها تطلع كل البگلبها نص ساعة و نزلت
يله سارة كافي خل انروح قريناله الفاتحة وأخذتها للسيارة انطيتها مي غسلت وجهه و رجعنه وبقت الطريق كله تبچي مردت گلبي أبچيها
:رجعنه واني الطريق كله افكر شلون عفته وراي جوه التراب ، استغفرت ربي ، هذا امر ربي شأگدر اسوي ، شلون أتعود على فراكه ؟!!!
وصلنه رنا عُمر نزل يجيب يزن اني ما نزلت مالي خلگ اشوف احد هو بس نزل جابه و اجه
دخلنه البيت عمتي گاعده بالمطبخ گالت وين چنتوا ؟
: يوم مو گنالچ راح انروح لرنا
:لا إنتوا رحتوا لقبر احمد مو ؟
: احنا ما حچينه بقينه ساكتين
: يمه ليش تعذبينه بدموعچ عبالچ الميت ما يتعذب من يشوف أهله متعذبين لفرگه ، هسه گعدت و اچاني بالمنام يگُلي يوم والله دموع سارة عذبتني گوليلها انه زين ليش هيچ تبچي وتعذبني
:سارة گامت تبچي گالت عمه والله فراگه صعب
:ول يمه من تذكرينه صلي اله ركعتين هم ثواب اله وهم يبرد گلبچ تره انه أمه و فراگه مثلچ مو سهل عليه
سوي مثلي يمه صلي اله و الله يبرد گلبچ عليه
:اني سويت مثل ما گالت عمتي گمت من اشتاقله ما ابچي افرش سجادتي واصلي اله ما أريده يتعذب بسببي
ومشت حياتي على هذا المنوال و الأيام تمر و الأشهر مرت تعودت ماكو شي ينغص حياتي ولا فرحة دخلت گلبي كلشي بعيني اشوفه لون واحد ...
:يمه سارة ما تگعدين الساعة صارت بالتسعة
:عمه گاعده من زمان بس والله ما أگدر أگوم احس بطني تتملخ من الألم
:خير يمه شبيچ
:ما اعرف عمه ما ادري شبيه
خلت أيدها على گصتي
:ول يمه شو مصخنه خل اخابر رنا تجي تاخذچ للطبيب
:بقيت ألوب من الوجع حتى زيون ما ادري بي أخذته عمتي وبقت خطيه كل شويه وتجي تشوفني جابتلي أكل ما اشتهي أكُل
: گعدنه الصبح سارة ما طلعت امي هي الي سوتنه الريوگ من رجعنه هم ماكو أبويه واصل قبلي صعدت بدلت و نزلت امي خلتنه الغده و يزن يمنه و سارة ماكو
: يوم سارة وين ؟
:هين يمه وين تروح بس مريضه خطيه ما شالت راسها
أبو عُمر : خلي رنا تجي تأخذها للطبيب
:رنا ما تگدر خالد عازم جماعته اليوم و سرى حامل منو ياخذها ؟! إذا اخذها انه يزن وين اخلي ؟!
:عجل شلون انه مواعد جماعة يجون يستلمون سياراتهم
: يابه عُمر أنت اخذها خطيه
:ميخالف يابه انه اخذها تصير بثلاثه و اخذها
:دخلت عليه عمتي شو يمه گومي عُمر ياخذچ للطبيب
اني بعد ما أتحمل الألم اريد بس شي يهدء الألم تأذيت حييل بدلت و طلعت عُمر نزل مبدل و طلعنه
أنت تقرأ
متاهة مشاعر
Romanceگعدت واني مدنگه ما اعرف شبيه عبالك اول مره أشوفه لو أگعُد مقابيله و أكُل ، حاولت أتجاهل وجوده ، بس وين واني أحسن نبضات گلبي يدُگن بإذاني ، داحس عيونه عليه تراقبني ، اريد اكذب إحساسي ، رفعت راسي ، وطلع إحساسي ميكذب ، شفت عيونه عليه ، تمنيتكم تشوفون...
