متاهة مشاعر

البارت الرابع عشر

متاهة مشاعر
للكاتبة مهرة

سارة : صبح جفلت من البرد  الغرفه كلش بارده من المكيف گعدت باوعت الساعة ثمانية و نص
أحمد نايم و أني صار عندي أدمان أباوع لوجهه وهو نايم أمشي أيدي على وجهه بلگي يگعد بعدين جريت خشمه فز و عاقج حواجبه
: حبيبي تردين أعاقبج من الصبح بعدني محچيه عضني من خدي
:لااااا حبيبي توجع شوف الساعة ثمانية ونص
: ول حبيبي يا شغل شو تعالي نرجع أنام
: جرني الحضنه وني نهزمت منه لبست و طلعت يله حبيبي أسبح وتعال لح أحضرلك الريوك
لگيت عمتي هستوها گاعدة
صباح الخير عمه
: صباح النور يمه
دخلت للمطبخ خليت القوري ع النار و سويت الريوك وعمو يرش بالحديقة
حضرت كُلشي ع الميز طلعت العموللحديقة صباح الخير عمو
: صباح النور بنيتي
: تعال تريك عمو
: رجعت على أحمد هم بعده نايم رحت جبت گلاص مي هههه حتى صُدُك أصحي بس والله مهان عليه أجفله
رحت بست گصته بكثر ما أحبه أحس بس هاي البوسه لان أشوفه هو نعمه من النعم الي هداها الي رب العالمين يله حبيبي شنو كل شويه أگعدك
يحچي وهو مغمض والله إذا تبقين تبوسين بيه ما أگعد
: يعني شلون مو گلاص المي هذا هو ضحك وگعد
بديت أنظف بالبيت
عمتي راحت لجوارينه مسويه عملية
أني مدنگه أكنس بالهول الداخلي نزل عُمر گال صباح الخير رديت عليه صباح النور بس أني من أشوفه ما اعرف شيصير بيه أرتبك ما اعرف أخاف ،أخجل من أحساسي الي حسيته أله رغم أنو هذا الشئ محد يعرف بي بيني وبين نفسي ، هو يمشي و گال ول أبويه شبيچ من تشوفيني ينخطف لونچ تره أنه ما أخوف حچاها و ضحك أني بقيت ساكته
عُمر : عجل وين أمي
: عمتي راحت لجارتها مسويه عملية عقچ حواجبه گال منو هاي گتله ما اعرف
دخل للمطبخ فتح الثلاجة طلع أجبان و أني خليت القوري ع النار صبيتله و گعد يتريك
أني رحت أكمل شغلي
هو خلص و صعد لغرفته نزل مبدل و كاشخ أني بالمطبخ
أني ما اعرف شجاني سألته وين رايح
باوعلي ومراضي گال وليش تسألين
گتله لا والله مو قصدي بس خاف عمتي تسألني
گال أنه محد يسألني وين رايح وين چنت
گتله أسفة و دنگت هوطلع ركب سيارته
سارة : بس أني متت بدمي هسه أني شعليه و سألت ليش شجاني
للكاتبة _مهرة
@mohra_9_30
عُمر : زوجت أحمد من تشوفني ترتبك خطية هههه لاحضت هذا الشي يمكن لان ممتعوده على وجودي وياهم لان هي و أبويه صايره ميانه وضحك وشقا
من ردت أطلع سألتني وين رايح أني ردت أخبث عليها و أحرجها گُتلها أنه محد يسألني وين أروح وين چنت
بس خطية حيل خجلت ويمكن لعنت اليوم الأسود الي سألت بيه هههههههه
رجعت عمتي گالت ها يمه عُمر گعد گُتلها أي عمه وتريك و طلع گالت وين راح
گُتلها ما اعرف
بدينه نحضر للغده
بالوحدة مثل كل يوم عمو و أحمد يرجعون
دخل أحمد أني واگفه ع السنك من أشوفه گلبي يرجف
عليه
: هلا بحبيبي
أجه حضني من ظهري و باسني بخدي گال تطلبيني بوسات الصبح واني ما أحب أبقى مديون
دخل عمو
: ها الله يساعدهم
:هلا عمو الله يساعدك
باوع لأحمد و گاله ها يابه تاخذ فيتامينات
ههههههه أي والله يابه معوز فيتامينات
عمتي سمعتنه و دخلت للمطبخ عمو باوع عليها وگال
يول خل أخذ فيتامينات عجل بس أحمد
أم عُمر : والله انتو راح تخبلون الرجال عليه
بس أحنه متنه ضحك
راحو عمو و أحمد سبحو
:عمه أنصب غده لو نتاني عُمر
:لا يمه نصب جايين تعبانين و جوعانيين عُمر من يجي يتغده
رتبت الغده ع الميز وبدينه نتغده
(سوده عليه حمودي جوعان ههههه رونزهـ )

دخل عُمر وهما يتغدون
عُمر :السلام عليكم
الكل :وعليكم السلام
عُمر : أي والله مشتهيها للباميه
گعد
وسارة صبت مواعين وحطتها گدامه
أم عُمر : يمه وين رحت اليوم
سارة رفعت راسها من سألت أم عُمر
: يگول محد يسأله
عُمر : أبتسم  عُمر ،يوم رحت للبنات شفتهن

خلصنه غده
قوري الچاي ع النار عمو بس يخلص لغده لازم الچاي حاضر
صبيت الچاي وأخذته ألهم بالهول
ورجعت لميت الميز و وگفت ع السنك أخسل وره شويه صاح أحمد من الغرفه حبيبي وينج
أخسل بأديه و أصيحله جايه حبيبي جايه نداريت و أشوف عُمر فتح الثلاجة أني بقيت جامده بمكاني هو ضحك عليه لان كل ما أشوفه أجفل
رحت للغرفة الظهر أحنه كلنه بالبيت أنام والبيت هدوء
سبحت وطلعت دامشط بشعري نداريت على أحمد
: حبيبي
: عيونه
: هو أخوك صُدُگ يخوف لو أني جبانه
أشو هذا خرب من الضحك
:ول حبيبي تخافين منه
:أي والله كل ما أشوفه أجفل
: أي حبيبي هذا عُمر يكل بشر حتى عظامهم يگرطها هههههههههه
أجه حضني حبيبي بس انه ما أخوف
:اوووو حبيبي أنت كلشي عندك ضحك
:ههه لا حبيبي بس لان بعدج ممتعوده عليه بس هو شخصيته تخلي الي ميعرفه يهابه عُمر روحه حلوة

گعدنه العصر عمو راد چاي و كعك سويته و جبت الصينيه و گعدنه كُلنه بالهول دناكُل
دگ تلفون عمو
:هلا أبو كنعان شخبارك
:تمام الحمد لله
:يمته ، والله خوش فكره خل نخلص الجمعة هناك
الله وياك
أحنه منتبهن على عمو شحيگول
أبو گنعان يريدنه ننجمع بالبستان مالته باچر خل نروح نغير جو وبيت أبو خالد هم ويانه
حضرو نفسكم باچر الصبح نطلع
أم عُمر : عجل بالليل أنحضر گدر دولمه
للكاتبة _مهرة
@mohra_9_30

🥀
سمراء واكفه ويه أحمد
سمراء : أحمد يعني نسيتني