متاهة مشاعر

تكملت البارت 42

#متاهة_مشاعر
گعدت من النوم مالگيتها بحضني بس عطرها بفراشي وملابسي اتذكرت الي صار البارحة ، خوفها و دموعها الموتني ، نومتها بحضني ، شوگنه الحتى ما روينا ، اوووف دخيلك إلاهي شوفلنه حل لا تخلينه معلعلين ، بس هسع لازم اعرف منو هذا ، والعظيم الله إلا اشرب من دمو ...

نزل عُمر وهو يدور على سارته دخل للمطبخ وهي ممنتبه واگفه ع الطباخ خطه خطواته بخفه وهو يحضنها ومخلي رأسه برگبتها يشم بيها
جفلت سارة وكتمت انفاسها وهي ترفع عيونها الخايفه وكل الي اجه على بالها احداث البارحة وهذا الي أتهجم عليها سحبت نفسها براحه وهي تشوف عُمر ليهمس بإذنها وهو يصبح عليها بصوته الي بعد بي بحت النوم
:صباح الخير يحلو
:اندارت عليه وهي تدفن راسها بصدره وتحضنه حيييل  وبصوت مهزوز وخايف گلتلو
: جفلتني عُمٓرّ
بعدها شويه من صدرو  وهو يدحگ لعيونها
:ول أبوية لا تخافين وانه يمج والله اكره روحي من ادحگ الخوف بعيونج
: رجعت دفنت راسها بصدره ومحاوطه خصره باديناتها وتتنفس عطره بعمق
أنتبه عُمر لأميرة گلبه شلون تشم بي ويه كل جره نفس تحضنه حيل رجف گلبه على حركتها وشون تريد ترتوي من عطره حضنها حيييل وتنهد
سحب الكرسي گعد وگعدها على رجله خله رأسه برگبتها وهو يطبع بوساته الرطبة على طول ركبتها
سارة غمضت عيونها والرجفه سرت بجسمها
أبعد عُمر رأسه من رگبتها أبتسم وهو يشوفها مغمضه عيونو أدحگ شفتها شلون بيها حصرت دم من بوساته وعضاته البارحة
:فتحت سارة عيونها وهي تشوف ابتسامته
عُمر راح تروح تجيب عمتي ؟
:  حس بنبرت صوتها خوف
راح أخابر سيف هو يجيبها ما اطلع واعوفج وحدچ ،

: اني واگفه داحضر بالريوگ وعُمر گاعد يمي بالمطبخ    ،لتفتت عليه ، صافن وملامح وجهه مشدودة بغضب ، سمعنه الباب الخارجي ينفتح
:(حچه عُمر )سارة إذا سيف ادخلي جوه لا تبقين هين بهاي  ملابسج
:لا هذا عمو اجه
:السلام عليكم
:وعليكم السلام
:الحمد لله ع السلامة عمو
:الحمد لله ع السلامة يابه
:الله يسلمكم يابه عجل الحجيه بعدها ما راجعه
:خابرت سيف هسه يجيبها
:عمو بدل وتعال تريگ ويانه
:اي والله أبنيتي والچاي اريدو ثگيل راسي يوجعني البارحة ما نمت لان فراشي متغير
گعدنه نتريگ بس انه دمي يفور ابد ما راح من بالي هذا الداس بيتي
: عُمر يابه ليش ضيگ خلگك صاير شي
:رفع عُمر راسو الأبو وحدت ملامحو اكثر وعصر ايدوبغضب، وحچه الأبو بغضب مكتوم عن الصار ، والكلمة گوه تطلع منو ،مو سهلة عليه يتعده احد على سارة وهو موجود
:انصدم أبو عُمر من السمعو بين الغضب والقهر عليه
سارة انملت عيونها دمع ورجفت أيدها حست بقهر وخوف وحزن على وضعها ،شنو ذنبها تعيش العاشته وهي بهذا العمر توها بدت العشرين .....

عُمر انتبه اللمعت الدمع بعيونها ورجفت أيدها ، مد ايدو وخلاها على أيدها وضغط عليها ، نسى حتى وجود أبو ، المهم عندو يحسسها بالأمان ما يحب يشوفها خايفه
: (بنبره مقهوره ممزوجه بغضب )
ول ابويه والله محد يوصلچ وخشمي يشم الهوى
:سارة أبنيتي انتي شاكه بأحد بس گليلي والله اطشر مخو ما عرفتي منو هذا
: لا عمو جان ملثم ما عرفته ولا شاكه بأحد
:مبين هذا يعرفنه وكل ظنو سارة وحدها بالبيت
:عُمر يابه جيب عمال وعلي سياج الترك وخلي بوجكتر على هذا البيت الورانه ، الاحتياط واجب
:انه هم هيچ فكرت
:عجل يابه توكل على الله الساعة راح تصير تسعه ، وانه راح أنام شويه بكي راسي يفكني

: عمو دخل لغرفته نام ،و عُمر صعد يبدل ،خسلت المواعين، والبيت نظيف ،گلت خل اطلع انظف الحديقة، لان كل جمعة لو اني لو عمو انظفها ،
عُمر نزل مبدل وطلع للكراج اني طلعت ورا رايحه للحديقة لتفت عليه وصاح بعصبيه ....
:وين طالعه
: بقت سارة جامده بمكانها من صيحته گالتو
:اريد انظف الحديقة
:(حچه بعصبية)
يول الخاطر الله طبي جوه ولا تطلعين انه العصر انظفها
: استهضمت من صيحته عليها ، ما حچت بس بقت مدحگه  عليه وعيونها نملت دمع

عرفها نقهرت من صيحتو تنهد ورجع عليها حضنها لصدرو حيييل
:ول أبويه والله اخاف عليچ و ما اتحمل واحد يدحگ طولچ
: لفت اديها على ظهره وحضنته حييل
حس بحضنتها ، ضحك بخفه وهمس بإذنها
يول والله علعلتيني  و مامحصل بس شلاع الگلب من وراچ
: مرغت راسها بصدره حچت باستنكار عُمٓررر
ضحك على حركتها ونبرتها وهي تگول اسمو
:شتعلت عشيرتو لعُمر يول اريد اطلع على هل حچي راح أبقى هين ما اطلع ، شو طبي للبيت خل امشي ولا تطلعين للحديقة هسه شويه وامي تجيچ

رفعت راسها من صدره و باوعت لعيونه وابتسمت وهزت راسها بمعني( تمام )
هي دخلت وعمر فتح الباب الخارجي وطلع سيارتو

جبت العمال و المواد ورجعت للبيت دخلتهم ع الترك وانه امشي گدامهم دست على حديده وخرت رجلي دحگت شلتها گلبتها سچينه شكلها غريب حتى بوصلة بيها ، هاي وگعدت البارحة من هذا الطفر علينه ، بلكي الله ويوگعني بصاحبها ، اخذتها ضميتها