متاهة مشاعر

43

#متاهة_مشاعر

بعد يومين من الأحداث الي صارت لاحظت عُمر مو على طبيعته مبين ضايج ،قليل الكلام ،دائما لو طالع لو بغرفته ، بالي مشغول بي ، بس مابيدي شي ، حتى اخاف أسأله ، گاعدين الظهر دنتغده ، عمو گال

اليوم شفت بيت أبو سعد داگين قطعة الدر للبيع !
أم عُمر : اي أم سعد گالت طلعت حصتهم منلورث بستان وراح يگعدون بي يريد يرجع يم اخوتو وهذا البيت يبيعونو
:العصر اروح عليه البيت بصف بيتنه اريد اخذو
:كملنه غده وصبيت الچاي اخذت يزن انيمه ، نمت ويه يزن ،ما حسيت على روحي للعصر ، هذا نوم الشتا ابدلچ متگومين من الفراش

: طلعت عمو چان طالع هسه رجع صاح
: سارة أبنيتي اريد چاي
سويت الچاي عُمر هماتين نزل من غرفته وگعدنه بالهول نشرب چاي
: عُمر يابه مو هذا الخميس الوره عرسك ، كافي هواي اجلنا
: الكل بقى ساكت ، باوعت لعُمر بطرف عيني ما انطا اي   ردت فعل ، بس حسيت كُلشي نهدم بيه ، رجعت تايه وحيده ، شعور موحش ، حسيت بغربه ، نفس إحساسي بعد وفاة  أحمد
كمل عمو كلامه

:رحت لأبو سعد واتفقت ويا البيت صار النه ،هذا البيت اريدو ليزن، بس هسه راح أسجله باسم سارة البشر كُلشي عليه ، ميدري باي ساعة يموت
: من جاب عمو طاري الموت گلبي نعصر مابيه اتحمل خساره ثانية ، منو الي غيره،
: عمرك طويل عمو ان شاء الله يومي قبل يوك ، احنه مو النه غيرك (تحچي والغصه بگلبها )

: ان شاء الله ماخليچ تحتاجين احد ماطول انه عايش ، و عُمر ادري بي مايقصر من ابن اخو ، بس هاي دنيا مانعرف شضامتلنه ، لهذا اريد أأمن مستقبل يزن
وأبو سعد مايبقى بي ،لان بيتو كامل بهل يومين يشيل منو ،
احنه هم نأجره ولاجار يصير الچ
:عمو انت ممخلي ناقصنه شي
: ميخالف عمي ضميها الچ و الأبنچ 

: حدد ابويه موعد العرس وانه مابيدي شي اسوي ، مهما يكون نور تبقى بت عمي ، ادري مراح ارتاح وياها ، بس ما أگدر اتركها و اكسر بيها ، لو اني عفتها مراح تخلص من حچي الناس ، انه غلطت ولازم اتحمل ، بس الوجع گلبي وكسره ، سارة ....
أوف ياسارة من حچت احس بغصتها من تحچي مردت گلبي ، مادري الأيام شضامتلنه ، وادري راح تصير صعبه عليها و عليه

: بعد يومين لعرسه ، داحسبهن ساعة ساعة ، شلون راح احضر عرسه وابين اني ممهتمه، شلون أشوفهم يزفو ، تمنيت يوگف الزمن خايفة من الچاي شلون راح اتحمل ، نار بگلبي ماتطفه واني اتخيلها بحضنه ، تشم عطره ، تسهر ويا ، من هسه انبنه حاجز بيناتنا ، حتى عيني ما اخليها تجي بعينه ، خل اعود نفسي على هذا الشي احس  ، كل ليلة هذا تفكيري قبل ما انام  حد ما اشبع بچي وأتعب وأنام

:گعدت الصبح خسلت وجهي ورحت لگيت عموعمتي بالمطبخ صبحت عليهم
عمتي خاله القوري ع النار واني دحصر بالريوگ ،
:صباح الخير
: مادري شبيه كل ما اسمع صوته گلبي يرجف ، بس هسه احس مو يرجف يعصر گلبي من اسمعه ، بحت النوم الي بصوته الصبح تموتني ، ياربي صبرني والله راح أموت
:صبيت الچاي وبدينه نتريگ