Tatanggapin mo ba ang kaligayahan na iyon kahit alam mong ito ay may limitasyon? O, mas pipiliin mo na lamang ang mabuhay sa mundong hindi perpekto at purong sakit ang naidudulot nito?
Oops! This image does not follow our content guidelines. To continue publishing, please remove it or upload a different image.
PAUNAWA:
"Hindi lang ikaw ang manunulat sa mundo. Ang ano mang pagkakahawig ng tauhan, lugar at pangyayari sa totoong buhay ay hindi sinasadya ng manunulat. Ang mga nilalaman ng akdang ito ay pawang kathang- isip lamang. Kung hindi mo gusto ang iyong binabasa maaari mong lisanin ang pahinang ito. Maraming salamat po."
Facets
AiTenshi
Feb 16, 2019
******
STORY 2
Reyna
Part 15
Nag simula ang program sa pag rampa ng candidate suot ang Goddess attire. Pagandahan at pabonggahan ng mga damit. Ang lahat ay parang modelo, ibang iba sa katatawanang Miss Gay na parati kong sinasalihan. Ang venue ay parang Miss Universe Pageant, mamahalin at napaka susyal ng set up. Malakas ang tilian ng mga fans sa mga naunang kalahok at mas lalong nagiba ang buong venue noong lumabas si Marga suot ang pinaka mahal at pinaka magandang costume sa lahat. Para siyang isang tunay na Diyosang nag lalakad sa stage kaya naman ang lahat halos matulala sa kanyang kagandahan.
Tinawag ang aking numero. Kinakabahan man ay pilit akong ngumiti. Huminga ako ng malalim at humakbang palabas sa stage. Suot ko ang isang puting damit at isang gintong pakpak ng anghel. Bagamat kontra ito sa aking kulay dahil maitim ako.
Isang malalim na buntong hininga ang aking pinakawalan at noong makatapak ako sa entablado ay napa pikit nalang ako dahil tiyak na pag tatawanan nila ako, katulad sa mga nilalabanan kong Miss Gay na kulang nalang ay batuhin kami ng kamatis at sabuyan ng dumi sa mukha.
Ngunit laking gulat ko noong wala akong marinig na tawanan, bagkus hiyawan at tilian ang aking narinig, noong imulat ko ang aking mata ay nakita ko ang aking mga kaibigan sa probinsya, sa compound at pati ang aking mga dating kalaban sa Miss Gay Pangkalawakan, lahat sila ay nag ccheer para sa akin. Parang sinasabi nila na itayo ko ang bandera ng mga baklang parating pinag tatawanan ng mga tao sa lipunan. Mga baklang mababa ang tingin at salot kung matahin.
Sa pag kakataong ito ay hiyawan ng pag hanga ang aking narinig kaya naman parang may kung anong lakas ng loob ang lumukob sa aking pag katao, buong gilas akong rumampa, nasa isip ko pa rin ang mga tinuro sa akin ni Miss Justine, nila Larry at ng iba pa.
Nag tuloy tuloy ang gabi ng labanan, matapos ang pag papakilala ay dumating sa swimwear competition, dito ay malakas nanaman ang tilian kay Marga dahil sa ganda ng katawan nito. At syempre ay pinag paguran ko rin naman ang aking katawan, kaya buong gilas ko itong dinala, hindi nga ako maputi katulad nila ngunit ang aking kulay ay aangat sa lahat. Ito ang parati kong itinatatak sa aking isipan sa tuwing makaka ramdam ng takot at pag kainggit.
Matapos ang swimsuit ay tinawag kami lahat sa entablado para sa pag bibigay ng awards. Unang bagsak palang ng mga awards galing sa mga sponsor na shampoo, sabon, lotion at kung ano anong spa ay hinakot lahat ni Marga. Sa sampung award na minor ay wala siyang itinapon. Halos hindi na siya makadala sa dami ng sash tropeyo at bulaklak. Hindi rin matatawaran ang hiyawan ng lahat para sa kanya.
