انا: حلفي😍حبيت (غوبشت) شنو زعما ما غيحضروشي للعرس
ايثار: هانيا احبيبه اصلا هاد الزوج معندهمش مع العراسات..
عهد: كنتخايلك لابسا تكشيطة و كرشك لفمك وااو منظر كيضحك بصح
انا😢😢😢: غنبان خايبة
ايثار: ناري ادم متبقايش تعجبيه
عهد: ههه ياله يبدا يقلب على وحدة آخرى
انا(بركت للارض)😭😭😣😣: كذابييين هوا كيبغيني
ايثار: وآجي راه غير كنضحكو معاك( انا فغيمون بقا فيا الحال وحسيت بقلبي مقبوط خليتهم وخرجت لبحر بركت فيه تحسيت بإيد تحطت فوق كتفي)
زياد: الزين اش كديري هنا بوحدك
انا: 😳غير مقلقا شويا وصافي راسي عامر مطارق مبفيتش قادة نستحمل
زياد: سكتي متكونيش متشائمة انا كنعرفك قوية ماشي ضعيفة لهاد الدرجة ماشي بسهولة تكسري من ديما كنتي نتي مصدر القوة لينا متجيش دبا وتستسلمي حاولي ترجعي جهاد القوية
انا: نتا عمرك مغتفهمني انا دبا فواحد الوضع لاأحسد عليه مكرهتش كون مت ومنوصلش لهاد المرحلة غنضطر ندير شي حوايج عمرني تخايلت راسي نديرهم (زياد مصدوم عمرو شافها منهارة ولا كتخمم فشنو النتائج من ورا داكشي لي غدير من ديما كانت البنت لي دير لي قال ليها راسها ولكن دبا تبدلو بزاف الحوايج رجعات ماماها وخواها الصغير يمكن جاها اكتئاب بسبب الحمل داكشي علاش خايفا)
انا: زياد داكشي لي كتفكر فيه غير شويا من بزاف داكشي لي كنحس بيه ميمكنش تتخايلو
زياد(بدهشة): فاش عرفتيني كنفكر
انا😏😑
زياد: بصح نسيت شكون كيدوي
انا: فين وصلت الخدمة سمعت غزل و سيف قربو يرجعو
زياد: وي بصح هوما قدرو يكملو مهمتهم فالوقت المناسب يعني السوربرايز تاعك اتنجح سعداتهم كاين شي واحد تيجي يلقى عرسه واحد ما تمحنش فيه.. اما جود والفرقة لي معاه باقين فإسبانيا كيحاول اسير يعاونهم من هنا مدام نتي مخليتيهش يمشي معاهم و سعد غبر بمرة معندهمش كيفاش ومريم راه دوات معايا وقالت راك رفضتي الصفقة مع دانييل وريتاج خاصها غير فرصة باش طبق خطتها وتبين ليهم بلي ماتت يعني ماكاين تاشي حد بسمية تاج وإياد سالا داكشي لي كان خاصو يدير قبل الوقت ولكن كيتسنا فريتاج المهم هادو تقريبا كلهم ايحضرو للعرس..
انا: هه الحب و مايدير
زياد: وايليي زعما اياد طاح فختي
انا: كيفما طحتي فخت زين
زياد😶: باينا لهاد الدرجة
انا: ليا انا راكم مفروشين فينما ندور نلقاك معاها و هي فينما تجي تسول عليك زعما معتارفتيش ليها
زياد: ههه نهار كنا خارجين عقلتي فاش ضاربنا مع هادوك الدراري عتارفت ليها بلي كنبغيها وهي قالت ليا بلي كنعجبها
انا: اوا مبروك😉
زياد: ههه مالك مسبقا الفرح بليلة راه باقي مدرنا فالطاجين مايتحرق
انا: جمع راسك ليلي بحال ختي لكنتي غدوز بيها الوقت غير نساها
زياد: لا ماشي داكشي لي قصدت غير باقي معرضتش عليها الزواج و .. مكرهتش زعما..
انا: نعاونك
زياد: شتي نتي راك الحب
انا: زير معانا البشار
زياد: ناري كتقلبي كي الزمان
انا: جيني للمفيد ايمتا ناوي تعرض عليها
زياد: مكرهتش اليوم
انا: هه لي زربو ماتو..نوض فيا الجوع
زياد: راه 15:00 هادي ياله تغديتي مالك
انا: احم..باقي متغديتش😔
زياد: ومالك عليها محشوماش تخلي داك الفنون يبقا بالجوع(حط ايدو على كرشي)
انا: يخ كرهتوني فراسي لي جا يتلمس فكرشي وليت بحال السيد والله ما نعاونك لما جبتي ليا ماناكل
زياد: زيدي قدامي نهار و مطال ونتي تاكلي و الحمل و مبيناش عليك
انا: بصح ياك مغليضاش
زياد: وراهادا هوا المشكل ادم مسكين مضيعاه😂
انا: تهز الله يمسخ كتر مانتا ممسوخ😡 غبر من قدامي
زياد(جمع الوقفة): هاوا غادي
انا: فين
زياد: ويلي على فين غادي لقصر
انا: والماكلة شنو زعما تقولبني
زياد: تهزي يهاد الخليقة(مشينا لريسطو كلينا و خططنا كيفاش يعتارف لليليا و يعرض عليها الزواج من بعد رجعنا لقصر استغرب عهد كيفاش خرجت مقلقة و دبا داخلا ناشطا و كنضحك ولكن فعلا هادا هو دور الصديق لي يوقف معاك فالسراء و الضراء ولي بكلمة منو تقدر تنسا هموم الدنيا وترجع البسمة على وجهك طلعت لبيتي دوشت وتلاحيت فوق السرير بقيت كندوي معا ادم جايا لساعتين تداني النعاس ضرباتني الفيقا على صوت التيلي هزيتو وعيني مغمضين بانت ليا نمرة خالتي االيان مامات ادم)
انا: الو السلام عليكم(بصوت ناعس)
ايليان: ثير ياكما فيقتك
انا: لا ماشي مشكل غير كنت كندوي مع ادم وداتني عيني
ايليان: غدا دوزي عندي
انا(تفكرت جان غيجي): مم لمكانش خاوي نخويه على ودك على شحال عندي من ايلي
ايليان: الله يرضي عليك غدا دوزي عندي
انا: صافي كوني هانيا غدا فالصباح انا عندك(قطعت)
نضت بدلت حوايجي ونزلت لجردة
اسير: وليتي بحال الهلال كتباني مرة فشحال
انا: ههه كيغادي مع القرايا
اسير: مزيان كنحاول نوفق بينها و بين الخدمة
انا: عرفتي علاش متنضمش للمخابرات بمرة
اسير: الى عرف الواليد غيتقلق
انا: بابا .. مالو اش غيدير ياك تاهوا خدام فالمخابرات
اسير: شنوو
انا: مفراسكش راه هوا رئيس المخابرات التركية و مغطي عليها بالشركات داكشي علاش كل مرة كتلقاه مسافر تما راه غير ماما لي عكست ليه بغات حتى نولد عاد تمشي
اسير: زيدي باقا شي حاجة معارفهاش
انا: عهد واخا كيقرى معاكم فديك المدرسة و لكن هوا مدير معايا فوحده من المجموعات
اسير: وشكون مكلف بيهم دبا
انا: عمي ياسين و مراد تاهوا(صونا التيلي) الو
جان: فين غان لقاك(قطعت عليه)
اسير: شكون
انا: شركة الاعلانات راك عارفهم مكيلقاو ميديرو المهم تصبح على خير و غدا لملقيتونيش بلا متشوشو راه غنمشي لعند خالتي ايليان و معرفتش معاش غنرجع
اسير: تهلاي فراسك
انا(درت ليه باي شفت فالساعة كانت20:00 هزيت لوطو وخرجت دوزت ابيل خدمت لاباراي بلوتوت)
جان: علاش قطعتي عليا
انا(ببرود): فينك
جان: فلوطيل
انا: اوكي(قطعت عليه و قلبت الطريق لوطيل كيف وصلت الكارد كيديرو ليا التحية توقف عليا المسؤول)
مس: مدام على سلامتك
انا: فين هوا جان
مس: كاين فالجناح الخاص ولكن معاه واحد البنت
انا: اوكي انا غنطلع للمكتب ديالي ملي يوصلو هاد الزوج علمني و طلعهم عند جان(وريتو تصاور)
مس: اوكي مدام الى بغيتي شي حاجة انا فالخدمة
(مشيت و خليتو دخلت لمكتب ديالي قاديت شي وراق أكيد غتستغربو هاد لوطيل ديالي و عندي غيرو كتير مكيتيقوش الناس ملي كيعرفوني انا المالكة حيت حنا فمجتمع ذكوري اي حاجة سمعو بيها و لا اي انجاز حققتو كيقولو من وراه راجل مبغاوش يتعلمو مما سبق هه شحال من بطله و من اسطوره كانت بنت وهادشي من مصلاحتنا نخدمو على خاطرنا و نستغلو نقاط الضعف عند الخصم باش تولي قوة حنا عندنا هدف واحد فينا لي قدرات تحقو مثلا وفينا لي نساتو هه وفينالي تخلات على هدفها غير باش تحمي عائلتها وانا كنشهد على هاد التجربة ولكن رغم كلشي باقا فيها روح المنافسة لي كتعجبني و كنستامد منها القوة هه بديت كنضحك غير راسي و كنتفكر نهار ريتاج بغات تخدم معايا
#فلاش باك
زياد: دبا هاد القضية خاصك نتي ديريها حيت ولابد بنت
انا: اففف راه منقدرش ادم مامعني هاد الفتره بسباب نازيا
زياد: نشوف مع جان لالقا شي بنت
انا: لا جان مامساليش دبا عندو شحنة تاع السلاح خاصو يوصلها لكولومبيا متعمرش ليه راسو بهاد شي
زياد:مريم!
انا(ضربت ليه راسو بشويه):مريم ما تتخرجش للميدان ركز شويه
زياد: شيري(ضرب جبهته بايدو) نسيت نعمه صافي و شنو المعمول
انا: مكاين تاشي حل من غير ..(قاطعنا حلان الباب)
...: أنا انا نفذها
انا: ريتو برا
ريتاج: لا انا نفدها متخافيش
انا: وراه نخاف عليهم
ريتاج: شوفي زياد ديما كيدربني باش نحامي على راسي و زيدون غادي غير نغريه باش يجي لعند زياد و الباقي راه يتكلف بيه هوا نمشي نجيب الوراق لي بغيتي و زين وزياد يشدوهم صااافي
انا: ماشي تحامي على راسك نخافهم يتعداو عليك نتي باقا صغيرة و الرجال خطار عليك و خاصة هاد المهمة لي معرفتكش كيدرتي تاعرفتيها(بقيت ساكتا شوية ابتاسمت)
زياد: جهاد بلاش من ديك الابتسامة مغنخليهاش تخدم معانا
انا: اصلا حنا غير 3 انا و نتا و ادم خاصنا نكبرو الفرقة
زياد(قاطعني):و مريم و زين و شهاب و شريفه و زكرياء و جان و امير و جود
انا(رجعت قاطعته):هانتا قلتيها امير صغر منها ب 3سنين و جود أصغر بسنوات ضوئية
زياد: جود جود را نابغه را ذكي را عبقري داك الدري داك الولد ملي تعلم يمشي تعلم الدفاع عن النفس و السلاح.. نو نو
انا:صافي قررت سو انا قابلا و نتا لي غدربها عندك زوج الاسابيع قبل متبداو الخدمة و نتي اريتاج تصنطي لخوك و ادم لي كيحامي عليك مكاينش فهاد المهمة يعني غتخدمي غي نتي و خوك ياله تهلاو
زياد: الله يوفقك
#عودة للواقع
فقت من دوك الذكريات على صوت الدقان
انا: دخل
مس: مدام ضيوفك وصلو و راهم فالانتظار مع مسيو جان
انا: اوكي سير لشغالك(خرجت من المكتب ديركت لسويت دخلت تحت نظرات استغرابهم علاش جمعتهم)
دانييل: تقدري تشرحي ليا شنو واقع
جان(سلم عليا بلابيز): بيب توحشتك
انا(بتاسمت وعنقتو): كون تشوف انا
جان: غبرتي عليا هه ولا غبرك المسيو
انا: ممم زعما..اوا دبا نتحاسبو(طلقت منو وخنزرت فيه)اش داكشي سمعت
جان: ناري على بنت كتقلبي كيف الزمان
سيلا: جان حبيبا شرح ليا اش واقع
انا: حبيبا هه جان شهاد المستوى
جان: ونتي مالك حسدتيني ديري بحالي
انا(زفيت عليه بالسوارت): قرد كترد عليا الهضرة
جان: الحب صافا شتك كتضربي
انا: بعد مني(عنقني و كرز عليا) اااااي طلق المرض
جان: الله شحال توحشتك عرفتي مكاينش بحالك الفرخة
انا(دفعتو بجهد تطاح فوق السرير): وااااع شحاااال من مرة قلت ليك متقولش عليا فرخة( بديت نضرب فيه بالمخاد) حمار ثور
جان(كيضحك)هاهاها...صافي راك غتوعتي نوضي وقفي هههه
انا(جاب ليا الضحكة): الخرى صوتك مدعدع كيضحك هههههههه
سيلا(غوتات): واااااااااع
انا و جان: الصعر
جيف: 😂😂😂
دانيل(مخنزر حيت مفهم تاوزة): واااعد المرض شرحي ليا اش واقع
جان(وقف صاعر): مالك كتغوت عليها اش باغي ولاش جاي لهنا
دانييل: ديها ف**** انا وياها ونتا مالك
جان(شنق عليه): انا ياها واحد الى اديتيها غتلقاني قدامك داكشي علاش بلا متزعم بزاف
😍😍 فوطيو🤩
