زاك: اش كتعني😕
وعد: تكبر وتعرفها😈
خنساء: نوضو تغداو..ناض كلشي لطابلة
داز داك النهار بسلام و من وراه أيام و أسابيع شهووور و سنوات
💖💖💖💖💖💖💖💖💖💖💖💖💖💖
فكاليفورنيا بالضبط فبيرو تاع جراح المخ و الاعصاب كاينا مرا ما خداش منها السن تا حاجه لبسها متول جيبا نواغ و شوميز بلونش شعرها كوب شوفال عسلي تتهضر فالتيلي تاعها بلكنة زوينة ابدا واش الامريكيه.. تحل الباب و اذا بشاب وسيم تيدخل مبتاسم سلم عليها بلابيز و هي مزال تتهضر
الشاب:غير كملي على خاطرك..
جلس فالبيرو ديالو تيشوف فملف المريضه لي مشتركه بينهم.. سالات السيده و بتاسمت بملامح مريحه و نطقات: مايك انا مضطرة نزل للمغرب مع ولدي ما نقدرش نخليه ينزل بوحدو
مايك: و لكن ا جوري شنو درنا فهاد البنت
جوري: انا طلبت منهم يجهزو غرفة العمليات و ان شاء الله تدوز مزيان و ابخي نشد الطياره مع اسير
مايك(وقف معنقها): غادي تبقى بلاصتك خاويه احسن جراحة قلب و شرايين مكاينش لي يعوضك..
ضحكات جوري برقه و خرجات متوجها لبلوك...
فمنزل راقي فكاليفورنيا كان اسير مع صديقه الي واخا فارق السن بيناتهم الا انه الكيمياء بيناتهم زوينه بزاف..
اسير:جود اش درنا صافي هايا جوري تكمل و توصل علينا لمطار
جود:قلت لك اصاحبي بلا ما نزلوها معانا را الوضع ماشي مزيان حنا غادين على ود التدريب اتبقى بوحدها فالدار هادشي ما مزيانش ليها تقدر تجيبها شي انتكاسه و لا شي حاجه نتا عارف الواليد وصاني عليها و ما بغاناش نخليوها تنزل للمغرب
اسير:شوف انا شاك بلي كاينا شي حاجه عندها علاقه بديك الحاذثه و اذا مشينا اكيد غنعرفو شنو طاري و لا على الاقل شنو طرا لماما حتى فقدات ذاكرتها..
جود: امري لله غير هو ما غاديش نمشيو لعند العائلة انبركوها فلابارطومون تاعي على ما يهدى الوضع و ما يكونش شي حد مراقبنا و يكون الوهم قدر يأمن لينا الفيلا تاعنا..
اسير (بلمعه فعينيه): ما قادرش نتيق بلي غنخدم معاه ما يمكنش هادشي را شي حاجه واو
جود(صونا ليه التيلي):سكت اصاحبي..الو وي مون شاف..مرحبا الله اودي..ايه واخا تحياتي مون شاف
اسير تيحرك ايدو زعما شنو..
جود (برك فوق سريره بعلامات استغراب): و الله ما فهمت ا خويا تا راهادشي فيه خرجان العقل وا لي عارف انا را حنا نازلين نراقبو ستيفان سلفادور ماشي ولاد جبران
اسير:شكون هاد جبران تاني
جود:اش انقولك.. جبران آل جبران هادا تاجر الماس مشهوووووور مات شي تسع سنين الله يرحمه.. و على ما عارف مات فظروف غامضه شي قال منتاحر و شي قال مقتول الله و اعلم.. المهم هاد السيد عندو ولاد بزاف و ولادو و حفايد بزاف مشهور فيهم 3 زوج بنات و ولد.. نسمة و بسمة و يوسف.. بسمة كيف قالت ليا الواليدة كانت تخطفات فاش تزادت و ما لقاوهاش بمره تا دارت 22 سنة كانت تلاقات بختها صدفة من الاسم غتفهم بلي هوما توأم معرفتش شنو طرا فعائلتهم و لكن عارف بلي بسمة كانت سميتها ساره و رفضات تبدلها و مكانتش تتفاهم مع جدها جبران و كان معارض زواجها بيوسف.. فديك الوقت يعني قبل شي 21 عام قصة حبهم تشهرات
اسير:هاي هاي على جود شفتك متبع قصص حب الناس
جود: ركز معايا اصاحبي يوسف فاش تزوج بسارة جرا عليهم جدو و كان خدم مع رجل أعمال روسي و هاد السيد قالو بلي ولى تيبغي ساره و بلي الولد لي حاملة بيه ساره كان هو باه و لكن مورا مشاكل بزاف تعرف بلي كان غير قالب من جبران باش يوسف يطلقها و فاش ولدات يوسف دار عرس اسطوري و موراها شهر العسل لي دام شهور و شهور و كانت نهايته كارثيه على ما عاقل كان عندي وقتها 6سنين فاش مشيت لجنازه ديال ساره كانو ولادها مزال صغار
اسير:ولادها؟
جود:اه ولدات توأم بنت و ولد تكون دبا عندهم ديك 20 سنة
اسير:اه مساكن و الله يرحم امهم (سكت شويه و هضر متأثر) نتا تتعرفهم
جود:نو عمرني تلاقيتهم ملي كبرت و لكن عندي عليهم معلومات خفاف
اسير(باهتمام):بحالاش قول
جود(نزل الفاليز تاعو و طلعو فلوطو):عهد آل جبران غيكون واحد من الناس لي غنتلاقلوهم فهاد المهمه معروف عليه الهدوء عندو نادي معجبات مشهور بكونه من اوسم الشبان الاثرياء فالمغرب و لكن عمرو تشدات عليه شي فضيحه و لا شي حاجه و النص فالمغرب عارفو تيبغي بنت خالته(سكت و دور وجهه مركز فالطريق)
اسير: و البنت
جود:وعد آل جبران
اسير تيتسناه يهضر شافو فبعضياتهم بمعنى شنو : تا كيفاش شنو كمل
جود:اش غنكمل هادشي لي كاين(دور ايدو و هز اللابتوب تاعو من الكوسان لور) هانتا حل هاد الزمر نشوفو الرئيس شنو مسيفط عليها مدام تاهي من الاحفاد د جبران
اسير حل اللاب و تيقلب..كل واحد تيطلع ليه بالاسم تاعو..
