العقد فنفس النهار
انا(تفو بغيت نديرها ليه بلعاني ساعا ولد الحرام رجعها لصالحو): اه داكشي علاش ليوم غيجي امير راك عارف ا عهد بلابيه متكملش فرحتي وانا عارضا عليكم فالليل بهاد المناسبة
جود: لا نتوما ليوم غتجيو لعندنا
انا: لا ا حبيبا انا و ياك بحال بحال
عهد:(فنفسه: واش نسات راسها اتنوض علينا الحرب) غتجمعو راسكم ولا لا
انا: احم سمحليا
عهد: الحساب ماشي دبا
انا درت فيه شوفات تاع "ياك"
🎶🎶🎶انا: الو
امير: تعالي لمدرسة دبا
انا: اشكاين ياكما شي زبلة..ياكما طالباني الادارة.. ياكما ضربتي شي مسخوط الوالدين تاني..ولا ديك العجلة 🐮 نتفات شي وحدة😨
امير: ........
انا وقفت: اوييييلييي ياكما طردوكم...تسنا انا جايا
قطعت و بركت: عطيوني كاس الما
جود: هاكي شربي ..شربت..مالكي
انا: أمير و خولة
رنة و نزار: مالهم
انا: ميل حالهم الكلب اللي حطكم تاكنبغي ندير عقلي و كطيروه
جود: تكالماي
انا: شكون عندو سكوتر
قمر: تاحد فينا معندو
....: انا عندي
انا تلفت : الله اكرم جيتي فوقتك السوارت بليز
اكرم: علاش
انا: شوف براكا من التفلسيف ياعطيني ياحيد من قدامي
اكرم: شدي شدي
انا: العز اكريمو
اكرم: هبيلة
انا: الو
سيف: اهلا الي.. احم جهاد
انا: شوف بليز سبقني لمدرسة***** بالزربة
سيف: اوكي طيط طيط
انا: الكلاب باقين هنا نوضو الله يغرق لبوكم الشقف
نزار: مالنا على تخصار الهضرة
انا: انا سبقتكم نتا و رنة لحقو عليا بلا مايعرفو واليديكم
جود: غنمشي معاك
انا : اوكي سربي صوg و متوقفش
طلعنا فالسكوتر كحل زوين باينا فأكرم مرفح
جود هو لي صاg برك على الفيتس ولينا طايرين وصلنا المدرسة
جود: شرحي ليا اش واقع
انا: سمعني امير و خولة ضاربو معرفتش السباب مي امير عنيف و الدري للي ضاربو معاه باه شي حاجة ولا معرت شنو و المديرة عطاتهم اولوية و سبات امير المشكلة امير كانت عندو اعاقة فالسمع و النطق دبا كيقدر يدوي و الى متفاهموش يقدر يضربو و انا خايفا طرا ليه شي حاجة
جود: دبا امير كيقرا فالاعدادي
انا: لا خدام فيها راه ياله عندو 14 عام
جود😅😅
انا: مالك اش كتصحابو
جود: صافي دبا فيمن كتسناي
انا: اه هاوا جا سيف
سيف: سالام مالكي صوتك معجبنيش
انا: سيف عرفتي علاش جبتك انا مكنقدرش نتحكم فأعصابي جبتي ليا المعلومات لي بغيت
سيف:سميتو جيفار سالفادور
انا :wtf(اذن جيف كاين لفوق)
وصلت لوطو ديال نزار و رنة
انا: تاحد ميطلع ملي ننزل غنمشي بوحدي
سيف: صافي هاكي هادو علاش وصيتيني فالطريق
انا: اوكي..دخلت المدرسة بان ليا الحرس فكل بلاصة ياودي عندي الدوبل ديالهم مي كنبغي نكون حرا
دخلت لطواليت قاديت حالتي ميك اب و رشيت الريحة مع جاكيت ديال الجلد سي نوغمال ضحيتي جات تال بين ايدي..
وصلت للادارة لقيت الحراس
انا دويت بالالمانيا: سمحليا نقدر ندخل
الكارد: بلاتي ناخد الادن دخل عندهم...مستر واحد السيدة كاينا برا
....: اشنو بغات
الكارد: يمكن بغات تدخل
المديرة: يمكن مامات خولة هي مغربية تقدر تكون دوات بالعربية
خولة: لا ماما مغتجيش😢
المديرة: سكتي نتي
أمير: غتندمي على هادشي
...: صافي سكتو خليها تفضل
الكارد: حاضر...خرج عندي لكارد دار ليا اشارة بايديه باش ندخل
انا(كندوي بالالمانيا بلعاني): سمحوليا على الديرونجمون انا ولي امر التلميذين خولة الجوهري و أمير آل جبران..
....: (وااو قرطاسة ): احم جيف سالفادور وريث مجموعة شركات سالفادور
انا😏: اليزا...اليزا رفاييل ريماس
جيف: مسز ريماااس
انا: مدام من فضلك مدام ريماس .. المهم جيت نشوف شنو المشكل بالنسبة لأمير
المديرة: هاد الولد مشاغب بزاف و قليل الترابي ممعلمينوش الاحترام و مكيركزش فقرايتو و نظام المؤسسة مكيسمحش ليا نخلي بحال هاد العناصر مع التلاميذ
انا: احم مفهمتش انا مزيان اش قلتي نتا مي انا عارفا امير مزيان تيكرا مزيان و انا منعرفشي اش طرا (حابسا الضحكة لداخل) بهيت نعرف نتا وش أندك شي تدخل يعني ههه معرفتش كيفاش نحكي اففف معرفتش واش كتفهمني مزيان نتا
المديرة: و الله تاغديري ليا السكر
انا(والله تنركب فمك الطونسيو): هههههه مفهمتش انا
جيف حابس الضحكة: دبا نتي مكتفهميش العربية و لا مكتعرفيش دوي بيها
انا(نعلمك قواعد النحو والاعراب): التانية اه هاديك منعرفش ليها تنتلف ليها انا
جيف: علاش نتي منين اصلك
انا: مهرفتش انا تبناوني فاميليا ريماس صغيرة كنت انا باقي
جيف: لا صافي صطاج الاخر هادا
انا ببراءة: اينا صطاج علاش كدوي هاكا نتي ..احم كتفهم المانية نتي
جيف بالالمانيا: اه صافي هاكا مزيان نتي كنقولوها للبنات
انا: اووه ديزولي بعدا شكون نتا
جيف: مالك فيك الزهايمر ياله عرفتك على راسي
انا: مالك بليد سولتك اش كدير هنا
جيف: بليييد
انا: مالي كدبت كنعرف رجال الاعمال كيعرفوها فالسما طايرا
جيف: مم باينا فيك دكية انا ولي امر جاك
انا: اووه مبيناش فيك مزوج و والد
جيف: لا راه خويا الصغير انا عندي 20سنة
انا: و علاش جايبو يقرا هنا علاش مكيقراش فروسيا
جيف: ههه هوا بغا يقرا هنا المهم نتمنى بحال هاد التصرف ميتكررش مرة اخرى و لا منضمنش اشنو غيطرا
انا: ﻻ حشوما تقول بحال هكا هما غيوليو اصدقاء و غيتفاهمو مع بعضياتهم ولا لا اأمير
امير كيشوف فيا ديك النظرة ديال اش كتخربقي: اه بطبيعة الحال
جيف: مدام هكا تافقنا و نتمنى نوليو اصدقاء
انا: بكل سرور
خرجت انا و أمير و خولة دخلتها لطواليط غسلت ليها وجهها من اثار الدموع و طلبت منهم ميقولو والو
خولة: واخا
امير: كوني هانيا
انا: هاد الجملة بالضبط متشائما منها..نزلت سيفطت امير و خولة عند نزار و رنة و طلبت من جود يمشي مع سيف و انا ركبت فالسكوتر رجعتو لأكرم و خديت لوطو ديالي
وصلت لفيلا لقيت الدراري وصلو و مجمعين فالصالة مخدمين البلاي و كل واحد اش كيدير
انا: هييييهوووو فيا جوع
رنة: اش سر هاد السعادة
انا: لا غير كيتهيأ ليك(اخيرا وصلت لطرف الخيط)
جود: وعد اجي معايا
انا: مالك جعرتي سير لداركم تنعس
شمس: سيري معاه جيبي لينا حوايجنا
قمر: متنسايش الكتوبا
ضياء: اه جيب الطابليت معاك اجود
انا: واش مكم ولفتوها
جود: صافي كونو هانيين ... جرني من ايدي خرجنا و مشينا لفيلتهم عند الدخلا طاحت فبالي ديك الصورة
انا: جود عقلتي على ديك الفوطو
جود: اينا وحدا
انا: هاديك للي شفت فبيت قمر
جود: اه هاديك عائلية
انا: مم كنتي نتا و الدراري و عمك و جوج عيالات شكون هوما
جود: للي شعرها كحل و قصير هاديك مرات عمي فمقام الواليدة و لاخرا مامات أسير
انا: شحال فعمرها كتبان صغيرة
جود: للي شافها يعطيها 25 مي لاج الحقيقي معرفتوش
انا: و بابات أسير واش مات
جود: لا ألالا ولكن علاش هاد الاسئلة
انا: صافي لمبغيتيش بلاش
جود: واخا نطلعو لفوق و نعاود ليك
طلعنا لبيتو و جبد ليا البوم ديال التصاور
انا: و عاود ليا حشومة عليك
جود: هانتي دبا هادي 19 عام كانو واليديا عندهم مهمة
انا: علاش هوما فاش خدامين(احم زعما انا معارفاش)
جود: بحالنا الله يرحمهم.. المهم كانو تابعين واحد المافيا و مراقبين التحركات ديالهم بقاو تابعين واحد منهم تاشافوه ضرب شي حد بحديدا للراس
وقفو باش يشوفو شكون تضرب لقاوها واحد البنت كانت باقا حية كتردد واحد الكلمات ممفهومينش
انا: وشناهوما
جود: معرفتش الواليد كاتبهم ..من بعد هزوها لسبيطار تما كتاشفو بلي هي كتعاني من مشكل فالقلب و الضربة لي فراس عميقة و هي اصلا دايرا عملية فالدماغ
انا: و نجحات ليها العملية ديال القلب
جود: اه ولكن كانو مضاعفات حيت كانت حاملة و دخلات فكوما لمدة شهرين ملي فاقت كانت فحالت صدمة و و ضعية الجنين كانت خطيرة داكشي علاش ولدات فالشهر السابع تما اول مرا غدوي
انا: دبا الولد هو أسير😢
جود: وي هو.. مو تعرضات لازمة نفسية و فقدات الذاكرة(هو كيدوي و انا كنموت لداخل ديالي مية مرة) كل مرة كتحضر لتنويم المغناطيسي حالتها كتزيد تأزم و من تما وهي عايشا معانا تال دبا
انا: وشنو سميتها
جود: هههه جوري
انا: علاش هاد الاسم بالذات
جود: حيت عزيز عليها الورد الاحمر
انا: جود
جود: وي
انا: واش نقدر نثيق فيك
جود شافيا لقاني كنبكي: شوو صافي تكالماي ..تقدري ديريني خوك الكبير تقدري ثيقي فيا ( عنقني الصراحة كنت محتاجا لهاد الحضن فلحضة بديت كنشهق بقوة)
انا😭😭😭😭: علاش انا علاش ديما انا خاصني نعاني
جود: صافي ا وعد تهدني..بقا كيدوز ايدو على شعري تترخفت ..شويا وقفت بالزربة
انا: جود انا غنثيق فيك واش نتا قدها
جود: علاش كتسولي .. غندير ما فجهدي باش نكون قدها
انا: شكون حسن وعد ولا جهاد
جود: بجوج بالنسبة ليا وعد و جهاد نفس الشخص
انا: التدريب باقي ليه شهر..
