..شوف خارجة مفرعنة شابعة عياقة
انا: هدا جهدك😏
حسام شاد سعد: حسن لك بدلي ساعا باخرى
انا: مم اوكي..مشيت و خليتو غينفاجر باش يتعلم المرة الجاية يعتاذر
ديماريت لوطو وتبعوني الدراري كل واحد فلوطو ديالو
ياسمين: بغيت نعرف ديك لوطو مناش مصايبة
فرح(صاحبتهم): راه كنقول لك مكلخا هاديك لوطو مضادة لرصاص
حسام: عندك الحق
سعد: وبربي لخليتها ليها منتسماش سعد العلوي لمندمتهاش على النهار لي شافتني فيه
حسام: اش ناوي دير
سعد:.....😈😈
حسام: لا اصاحبي مالك تسطيتي تال ديك الدرجة حشومة راها بنت
سعد: اشمن بنت الله يجيبك على خير راه باينا فيها ق***
ياسمين: صافي ا بب مديرش فبالك
سعد: غتق** من قدامي و لا نفرعك
خرج سعد من تما وهو كيتوعد لوعد باقصى عقاب و فهاد الاثناء وعد و الكليكا مجمعين فالبحر و كيضحكو معلا بالهمش تكتوقف عليهم واحد البنت
البنت(الامريكية): اووه ممتيقاش راسي جود بشحمو و لحمو كاين هنا وااو صدفة زوينة
جود حيد نظاظر: اووه اش كديري هنا
البنت: عندي تصوير وكنت راجعا ليوم ساعا منين شفتك فكرت نستقر هنا
جود: هههه بصح مرحبا بيك
انا: ترحب بيكم جهنم بجوج
ايثار: مالكي
انا: شوفي كيترومانساو قدامنا
أسير: مديريش فبالك هاديك غولاسيو قديمة
انا: شنووو
ضياء: كانت خطيبتو
انا: على هو كان خاطب
شمس: تفارقو شي 4 شهر دبا
انا: جود متعرفناش
جود: هادي سوزان عارضة ازياء و صديقة قديمة
انا: بان ليا توحشتي علاقاتك القدام
جود: شويا و كان
انا: اوكي..خليتو على خاطرو نرجعها ليه فساعة الخير
**فمكان آخر و بالضبط روسيا**(الحوار بالروسية)
🎶🎶🎶....: شكاين تاني
شخص: بوس ملي كنا مراقبين البضاعة طرا واحد المشكل فمكان التسليم
....: واش شدكم البوليس
الشخص: لا اسيدي غير هو حنا لقينا ديك البنت
...: اشمن بنت تاني
الشخص: وعد آل جبران
....: كح كح كح واش بصح انا بغيتكم تراقبوها و تلقاو ليا نقطة الضعف ديالها خلال 5 سوايع نبغيها تكون تحت امري
الشخص: اوامرك بوس....طيط طيط
الشخص: افف و اخيرا
الشخص2: علاش مقلتيش ليه فين شفناها
الشخص: مالك مكلخ لقلنا ليه شفناها فقهوة غيقول لينا اش داكم لتما و الى قلنا ليه راها قبيحة و مسطية غيضحك علينا
الشخص2: ودبا اش غدير
الشخص: .......😈😈
**عند الكليكة**
بقيت باركا و مبردة الدراري ناشطين هالي كيلعب هالي كيضحك هالي شاد تيلي و للي كيترومانسا و جود و ديك خيتي كتهاودو وانا دايرا نظاظر كحلين ميعرفوني فين كنشوف وصلني مساج خلا البراكين لداخل ديالي تشعل حاولت ماأمكن نبرد راسي و منبينش درت ليزي باش منعيقش دوزت ابيل و خشيت تيلي فالجيب
انا: سمحوليا غنوض نتمشا شويا
غزل: غنجي معاك
انا: لا بقاي مع سيف
جود متسوقش ليا وهادشي زاد عصبني
....: وي (الحوار بالالمانية)
انا: خوان انا مراقبة
خوان: نوو تاحد معارفك فين نتي
انا: لا هدا عارف وعد فين كاينا و صيفط ليا تصاوري فين كاينا انا دبا
خوان: تكالماي انا غنعرف شكون
انا: بغيتك تكودي ليا جميع الملفات ديال الاسماء لي غنسيفط ليك و بغيتك توجد ليا شي دار على قدي تكون بعيدا من الناس
خوان(ببرودة):مم واخا...بقيت غادة كنتمشى وكنفكر يمكن هاد البنت جات فوقتها تخلي جود مشغول ونلقى حريتي حيت ولا مراقبني بزاف..رجعت عندهم دخلها لريسطو تغدينا و دوزنا العشية فالدوران رجعنا الفيلا و جود قتارح على سوزي تمشي معانا سو مافيها باس نستغلها شويا اليوم الدراري رجعو لديورهم غدا الاحد مكاين حد بقيت بوحدي فالفيلا حسن نفكر فالطريقة باش نحل البليزة جربت البصمة و الشيفرة و اي حاجة تجي فالبال ووالو... صبح الصباح خرجت ندير السبور كيف العادة رجعت لفيلا
الحارس: انسة وعد هاذ الظرف وصلك
انا: شكون جابو
الحارس: واحد الولد صغير
انا: اوكي شكرا
مدخلتش لفيلا و انما بعدت على البلاصة فين كنسكن مشيت البحر و طلعت فالجرف بركت و بديت كنحل الظرف..تقدرو تستغربو علاش مدخلتش لداري عاد حليتو .. حاجة وحدة شكيت فيه شكون هاد الولد الصغير لي فايق مع 5 صباح حليتو لقيت فيه تصاور ديال جود مرة بوحدو مرة مع سوزي ولا الدراري كاملين قدرت نفهم بلي هادا تهديد غير مباشر و الهدف هو جود حيت هو لي كاين بوحدو لقيت صورة ديالي بنفس اللبسة ديال دبا قلبتها
لقيت فيها كتبا بالروسية وانا مع كنفهمها حيت كانو عندي مهمات فروسيا""نتي هيا المفتاح تلاقينا شحال هادي و لكن مخدمناش بيك جا الوقت باش ناخدو داكشي لي عندك الى هيا ماتت نتي باقا ""
انا: افف كيفاش انا المفتاح..باينا هادو مزال ما عرفت بلي ماما حية..
🎶🎶🎶انا: وي خوان كاين شي جديد
خوان: راه وجدت ليك واحد الفيلا خرجا على المدينة و وراق المدرسة قاديتهم غير بغيت نعرف علاش غديري هاد الخطوة
انا: مصلاحتهم
خوان: مصلاحتهم تبقاي حداهم معاهم و تحميهم
انا: لا نتا غالط انا مكتوب عليا نكون سبب تعاستهم كون ديك المافيا خطفاتني انا عوض مضرب ماما كن عاشت عائلتي حياتها غيبكيو عليا ومن بعد ينساو تا دبا خاصهم ينساوني
خوان: واش عارفا راسك اش كديري عيشي متبقا من حياتك معاهم ولا رجعي لعندي
انا: لا باركا عليهم غيتعلقو بيا كتر
خوان: متغامريش رجعي عندي راني حابس راسي بزز رجعي ما حدي تنهضر معاك بشويه ا وعد
قطعت معاه وشديت الطريق لفيلا ديالي تفقدت الامور و رجعت لفيلا القديمة جمعت الحوايج المهمة و هزيت اي حاجة عندها علاقة بيا دوزت نهار كامل فداري مخرجتش و تيلي ديالي موقفش من الصونيت جود ماما بابا جاندي و الدراري كاملين مي مكنجاوبهمش وصلني مسج من ايثار كتعلمني بلي غادين لشي كلوب رديت عليها بلي خاصني نرتاح و خاص الدراري يرجعو بكري الاولامبياد باقي ليها يوماين و جود و عهد مشاركين تعشيت دوشت شربت دوايا ونعست غدا غنحتاج لجسم نشيط
**عند الكليكا**
رنة: باش جوباتك
ايثار: مبغاتش تجي
سليم: معرفت مالها
شمس: تقدر تكون عيانا
قمر: اه بصح يمكن مريضا
سوزي: اووه يمكن مقلقا من شي حد
عهد: صافي خويو راسكم جود موجد للمسابقة
جود: بطبيعة الحال متحلمش تربح المركز الاول
حمزة: تقدرو تعادلو
نزار: مستحيل
زاك: عندكم الزهر وعد مدخلتش
يمان: اه هي دكية بزاف
سوزي: لا متقدرش تغلب جودي
غزل:😂😂😂 جودي الدري بقدو و قامتو تقوليلو جودي منيتك ابنت العبد
سيف: غزل سكتي
غزل: (بهمس) فراسك خوان صيفط ليا تهديد اذا طرات شي حاجه لوعد ايصفيها ليا
سيف: الدراري سمحوليا غنوصل غزل و نمشي راه غدا خدام
الدراري: اوكي بسلامة
سوزي: نوو ياله بدات السهرة
ايثار سيفطات مسج لبنات : انا غنمشي حشوما وعد تبقى بوحدها...البنات شافو فبعضياتهم و ناضو كاملين
جود: مالكم
شمس: غنمشيو
نزار: فين
قمر: لدار
رنة: كملو سهرتكم حنا غنمشيو
عهد: ايثار بركي تنوضو مجموعين
ايثار: لا باغي تبرك نتا مشغليش خاطري ممهنينيش.. بقاوكيتناgرو تصونا التيلي ديال زاك
زاك: الو
غزل: رجع دبا للدار
زاك: غزل مالك واش طرات ليك شي حاجة فين هو سيف
سيف خدا ليها تيلي: زاك وعد مكيناش
زاك: وا صاحبي خلعتوني رغاتكون لفوق ولا خارجة
سيف: واش عارف شحال فالساعة راه 1 هادي و زيد عليها حوايجها مكينينش و الفوق خاوي تاحاجة ديالها مكدور فالفيلا
زاك: اش كتقصد
سيف: وعد خوات الفيلا بهاد المعنى
زاك: اوكي قطع دبا نكون عندك.....دار عند البنات
زاك: نوضو انا غنوصلكم
عهد: مالك زربان
زاك: وعد غابرا
جود: شنووو
زاك: ماشي وقت الاسئلة وعد خوات الدار
اسير: وفين غتكون مشات
يمان: لعند العائلة
ايثار: من سابع المستحيلات تكون رجعت لتما
شمس: علاش
رنة: هي كتبغي تبقا بوحدها
ضياء: يمكن مشات عند جوري
سليم: لا محاش تقدر تكون مشات عند امير
نزار: امير!! يمكن اصلا دبا منقدروش نصونيو عليهم تال الصباح...رجعو الدراري لديورهم و كل واحد كيفكر فين تكون مشات...
صبح الصباح..ناض كل واحد دار الروتين ديالو و مشاو لمدرسة تسناو وعد تجي مي تعطلات دخلو كاملين لتيران عندهم الحصة الاجبارية
عهد: شوفو من الصباح وحنا كنتسناو فيها وهي سابقانا
اسير: علامن داوي
عهد:على وعد راهيا فين باركا
تلفتو كاملين لقاوها باركا فواحد القنت بعيدة و بوحدها دايرا الكيت و النظاظر..مشاو وقفو عليها
عهد: فين كنتي
انا: الصمت
رنة: وعد نتي صافا
انا: الصمت...لاخرين غير كيشوفو
جود جرني من ايدي بعدنا عليهم شويا: وعد مالكي
انا نترت ليه ايدو
انا: بعد مني
جود: وعد بلا متعصبيني فين مشيتي
انا: تحولت نتا مالك اصلا واش سوقك (غير سمحليا خاصك تبعد هاد الفتره) ...دفعتو و خرجت تبعني هو و الدراري و الاستاذ أكرم
عهد: وعد وقفي ندوي معاك
كملت طريقي تال الباب ديال المدرسة حسيت بايدي تنصلت من بلاصتها
انا: طلق مني ابنادم واش مكتفهمش
جود: بصح هادشي لي قلتي
انا: اشنو باغي تعرف اش يصحابلك راسك عاودنا ليك زوج سطورا من حياتي وليتي باغي تعرف كلشي
جود: وعد متصعريش ديلمي فين مشيتي
كندوي معاه مبردة..
عهد: وعد فين مشيتي
سليم: تخلعنا عليك
يمان: علاش تحولتي
حمزة: علاش مقلتي لينا والو
نزار: مموالفاش ليك
انا سديت ودنيا: سكتو..سكتو كاملين كدابين كون كنت تنهمكم كون تفكرتوني ههه كون عيطتو عليا قبل ماتمشيو تسهرو ماشي تاتوصلو عاد تصونيو كون كنت كنعني ليكم شي حاجة كون سولتو عليا الوحيدة لتخلعت عليا هي غزل الليل كلو وهي كتقلب عليا و ايثار تيلي ديالي مسكتش كل مرة كتصوني عليا اما نتوما شنو ..ها!!نتا مسيو جود يعرف النهار كامل و هو ناشط مع صاحبتو و شكون عرف الليل تاهوا و دبا جاي تقول ليا تخلعت عليك
############################
أكثر.. شيء يزعجني..عندما يجرحني.. شخص..ثم يسألني.......لماذا تغيرت؟؟
############################
غير نساني و عيش حياتك وهاذي آخر مرة دوي فيها معايا
جود: وعد سكتي و سمعني انا غير
انا: نتا شنو ديك النهار دايير فيها خويا الكبير و باغي تعاوني و ابخي خارج سهران ما مسوقش ليا اصلا تفو فيك غ الهضره(كنت تتقول اي حاجه باش غير يتقلق و يمشي)
طراااااخ
الدراري😲😲😲😲
غزل😠😠: كيفاش تجرأتي تصرفقها
عهد: جود حتارم راسك صاحبي اه و بحال خويا ولكن ختي لا
كلهم كيتغاوتو و الشخص الوحيد لي نتابه ليا هو اسير خويا الصغير و هو اعز واحد عندي يمكن عهد التوين ديالي يمكن كيحس بيا و لكن هو كتهمو ايثار كتر من صغرو كيوقف معاها و يدافع عليها اووف واي انا حساسه؟!!!!!!
