سعد: ها أنا غادي نلقاك تحركتي من بلاصتك نتفاسر معاك.. بقيت عير كنرمش فعويناتي هادا مالو بركت فبلاصتي حاضياهم البنات عندهم السوفل ناقص من غير غزل سعد سالا هو الاول وتبعو جود وغزل بفارق ثواني قليلة
انا: عندكم راحة 10د و للي تعطل عندو غير 5
نهى: اووف عيت(تلاحت فالارض)
انا:هيييه فين تصحبي راسك تهزي وقف
ناضت بالنgير
انا: جمعي فمك لقيتك بنت خالة سعد اما كون وريتك
نهى: ياله قلتي عندنا راحة
انا: اه ولكن ماشي نتي نتي معاقبة ياله تهزي 10 دورات بالخف ولحقي علينا للاصال تعطلي دقيقة نتفاهم معاك
نهى: ناري شحال حاسا براسها
انا: قلتي شي حاجة
نهى:نو شاف و تمت غاديا كتجر فرجليها
انا: ياله تحركو
جود: بغيت ندوي معاك
انا: معندنا فاش نهضرو ..مشيت و خليتو
انا: عرفا بلي نتوما متدربين و متمكنين من فنون القتال و لكن ولابد خاصكم تطوروهم واضح
الكل: وي شاف
اسير: احم السلام عليكم
انا: وعليكم السلام سير ضرب ليك 10 دورات عاد تعالا
اسير: اوكي شاف
انا: من دبا غيوليو عندكم حصص اجبارية معايا انا فيه غنبدا نعطي تقييم و النقط لي غتخليكم تفوزو بمكان فهاد العملية ولا لا ومغتعرفو والو عليها حتى تأهلو..و بجانب اي حاجة تعلمتو ليها غتحتاجو مهاراتكم الشخصية
نهى: اوووف عيييت
انا: على سلامتك
نهى: سعد عتقني سخفت
سعد: تهزي من تما
انا: ياله تقادي فبلاصتك غنشوف المهارات ديالكم..جود و سيمو..سعد و حمزة..سيف و اسير.. دنيا و غزل.. ونهى معايا
نهى: علاش انا
انا: حيت لسانك طويل واش شتي شي حد علق من غيرك
بداو كل ثنائي كيضاربو واحد بواحد و اللي ربحو هاد التحدي هوما جود وسعد و غزل اما سيف و أسير كان عندهم التعادل واخا هكاك خاصهم يزيدو يدربو سيف عندو مهارات عادية و اسير كان جود كيدربو و دبا غزل غتكلف بيهم وصلات نوبة نهى
انا : مستعدة
نهى(دبا نشوفو اش غديري): وي شاف
انا: بداي نتي
تقدمت وقربت ليا بدات كضرب دقات خفاف ولكن من ملامح وجهها باينا كدير مجهود بقيت مهبطا معاها النيفو وخداما غير كارد مكنهجمش عليها عصباتني لي شافها ميقولش داخلا للمخابرات عطيتها جوج دقات جبتها طايحا
انا: خاصاك الخدمة كتر
نهى😡😡
نزلت نشدها من ايدها باش توقف و معرفتش كيدارت تقمشاتني فكتفي حسيت بشوية ديال الالم شفت ذراعي بان ليا الدم درت عندها و زدت تخلعت
سعد: جهاد ايدك
انا: متقربش..غزل علبة الاسعافات(نهى بغات تهرب ساعا معامن هيا لقاتني كارزا ليها على ايدها) متحركيش من بلاصتك
جود: جهاد راه عندك نزيف
اسير: دنيا عطيني مشوار
سيمو : اش غدير
اسير خدا المشوار و تم جاي جيهتي
سيف: لااا متقيسهاش
انا بديت كنترعد وفمي زراق: بب..بعد مني
سعد: سكتي راه ايدك كتنزف ..شاف ايد نهى لقاها دايرا دوك الخواتم المسنين..نتي نويتي ضربيها
انا: صافي اسعد موقع والو
سعد(بخوف): لا اخر مرة نزفتي بقيتي فالسبيطار
شديت ليه وجهو بايدي النقية : شوو صافي غنولي بيخير
غزل: هانا جبتو
حليت البواطا و هزيت لانكول و القطن و شديت ايد نهى حيدت الخواتم و كبيت لانكول فوق ظفرانها و بديت كنمسح الدم بالقطن
سعد: واش تسطيتي هيا راه ممضروباش
غزل: هي عارفا اش كدير غير بعد متقيسهاش
انا مسحت ليها الدم من ايدها و طلقتها: اخر مرة يتجرأ شي حد يخلي نقطة دم مني تسيح هاد المرة عالجتك المرة الجايا نخليك تموتي قدامي
نهى: سس..سمحيليا
جمعت داك القطن و وقفت
اسير: بلاتي نعالج ليك ايدك
انا: غير تهني خاصني نخيطها
سعد: غنمشي معاك
انا: اوكي ..غزل تكلفي بالتدريب ديال ليوم و متنسايش نهى معاقبة
غزل: وي شاف
لويت طرف ديال التوب على ايدي و النزيف عاد كيتجهد وصلت للمستوصف
منال: جهاد مالك
سعد: خاصها تخيط الجرح
منال: اوكي جيبها هنا انا غنجيب ليها لبنج
انا: لا مبغيتوش
منال: ولكن الجرحة كبيرة و محلولة
سعد: ديريه ليها بزز
انا: الى باغيني نموت ديرو
بدات منال كتخيط ليا الجرح وانا كنتألم سعد كيهدني
منال: انا ساليت يمكن ليك تديها ترتاح
وعد: شكرا
انا: ياله طلعي لبيروك ترتاحي
طلعني سعد لبيرويا
سعد: فراسك شحال من مرة دزت من قدامو كان تيصحاب ليا شي راجل
انا: ههه ضحكتيني
سعد: ضحكتك زوينة بقاي دائما كضحكي
انا:😶😶
سعد: احم وعد نقدر نسولك
انا: اه..واخا
سعد: علاش مخليتينيش نقرب ليك قبيلة
انا: لا ماشي هكاك انا مكنخلي تاشيحد يقرب ليا
سعد: علاش
انا: هادي شي 4 سنين فاش كنت كندرب تضربت ودازت مدة ووليت فينما نتجرح كنغيب قاليا الطبيب بلي الدم ديالي ملوث داكشي علاش مكنخلي تاحد يقيصو
سعد: ههههه
انا: واش قلت شي حاجة كضحك
سعد: لا غير فكرتيني فواحد الفيلم ميريكاني كانت فيه واحد المافيا دايرا الدم ديال واحد الولد صغير هو المفتاح ديال الاسلحة ديالها
انا: نتا كتصطا عليا
سعد: لا والله تبصح
بقيت ساكتا و كنفكر تغوتت
انا: لقيتهااااا😲
سعد: اش لقيتي😕
انا: صافي نزل نتا انا غنمشي لدار
سعد: وكيغاديري تتصوgي
انا: نسيت توصلني
سعد: انا..واخا
نزلنا بالزربة مشيت عند غزل وصيتها وطلبت منها تبقا معيا على اتصال
سعد: تعطلتي
انا: قاديت مع غزل التداريب
سعد: ياك غترجعي
انا: الى كان على حساب داكشي لي فبالي نقدر نتعطل
سعد: ياله طلعي
انا: فين
سعد: فلوطو
انا: لا غنمشي فديالي
سعد: صافي غير طلعي
انا: كنأمرك كشاف ديالك طلع فهادي
سعد: كتستعملي السلطة
انا: وي عندك مانع
سعد: لا و لكن بصفتي خطيبك غطلعي معايا
انا: هههه اوا اخطيبي العزيز مديرش ليا خاطري😇
سعد: هههه لعبتيها صح زيدي
ديمارا لوطو موقف تال قدام لفيلا لي عطيت لاسير انا:سعد خاصك تمشي غير سمحلي و لكن لدواعي امنيه ما نقدرش ندخلك...
بعد محاولات قدرت نتهنى منه و كان الشخص الي تنتيق فيه كثر من راسي تيتسناني فلوطو تاعو ركبت معاه و ديمارا الفيلا تاعي..
انا: طلع معايا..دخلنا لبيت كلو مصبوغ بالبيض فوتوي و البيرو كلشي بيض الى بقا فيها شي حد نهار كامل يتصطا كتلعب ليه على نفسيتو
هو: اش هادشي
انا: ههه غرفة اسراري
هو: على أساس راني معارفش(ضحكت بتوتر
جبدت ديك البليزة و الوراق و البيسي لي كنت خديت من عند ماما)
هو: شنو كديري
انا: هاد البليزة عندي كتر من شهر دبا و معرفتش نحلها البصمات كاملين جربتهم
هو: يمكن ماشي بصمتك
انا: لا انا هي المفتاح..ودبا جاتني فكرة
سعد: اما هي؟؟
انا: على حساب هدرتك يقدر يكون الدم هو المفتاح.. حليت بلاصة البصمة و جرحت صبعي حطيت قطرة دم فبلاسة الماسح
دازت عليها الاشعة و تحل البيسي
هو: دبا شنو غديري
انا: هه تأكدت من شكوكي ودبا نجرب سميتي
هو: هههه واثقة من راسك علاش كلشي فيه نتي ديالمن هادشي بعدا
انا: ديال ماما وهي فاقدة الذاكرة ومعرفاتش الكود
هو: علاش باغا تحليها
انا: خوان واش اتبقى نعاود ابب بسبابها حاولو يقتلو ماما و لمدة 19 سنة معشتهاش معاها و بسبابها تخطفت فاش كان عندي 6سنين و لحد الان بسباب هادشي لي قدامك باقين التهديدات كيوصلوني
شديت البيسي و كتبت سميه تسنيت شويا و طلعو ليا مودباس انكوركت
انا: نو مايمكنش
خوان: تكالماي عطيني نجرب
انا: افف صافي عيت حياتي كلها ترونات بسبابو
خدا من عندي البيسي كتب كلمة وحدة شوية تسمع صوت القفل تحل
خوان: وعد صافي تحل
انا: بصح حلف..اووه والله ..عرفتي نتا واعر و ذكي😍😍(بدون شعور عنقتو وحتا هو بادلني)
خوان(جرني عندو): حمقة انا فرحتك عندي بالدنيا
هزيت عيني فيه غير كنشوف فيه و كنرمش معرفتش باش نجاوبو
خوان: صافي مديريش بحال هكا نتي كتعقدي الامور وكتعذبي راسك خلي كلشي يمشي طبيعي (عنقني و باس ليا راسي) ياله نوضي غسلي وجهك وآجي نشوفو هادشي
نضت غسلت وجهي ورجعت عندو بركت حداه
انا: شنو الكلمة لي كتبتي
سعد: قلتي نتي هيا الكود مدام وعد منفعاتش جربت promes ونفعت
بديت كنقلب الملفات وانا نلقى واحد مشفر بقينا شحال وحنا مضاربين معاه تفقدنا الامل
خوان: هادشي معقد علاش هاد الرموز كلها
انا: معرفتش داكشي علاش المافيا كانت بغاه(بقينا ساكتين واحد المدة )
خوان: غالبا نتي غتكوني عارفا الشيفرة
انا:وا تنهضر بحالا را مدوزات 14 عام و حنا تنحاولو واش مبانش ليك غريب نكون انا المفتاح لكلشي وعلاش الدم ديالي هو لي حل البليزا و علاش فيها بواطة اخرى مسدودة
خوان: تفكري شي حاجة اخرى من الطفولة ديالك
انا: شي حاجة مشتركة بيني و بين ماما؟؟ راه اخر مرة شتها كانت عندي 6 اشهر..اه من غير سميتنا
خوان: جربنا وعد منفعاتش
انا: لا دير أليزا
خوان: صغير بزاف
انا: جرب اليزا رفاييل رماس
