لن اموت بسهولة

5✓

فالرباط ففيلا آل جبران..
الاستعدادات على قدم و ساق اليوم كاينا حفله بمناسبة توقيع عقد مهم بزاف ما بين رواد الالماس السابقين و الرائد فتجارة الالماس *ريماس* كلشي فرحان بهاد العقد حيت عتق عائلة جبران من ازمه ماليه محققه..و ضيف الشرف هو العاهل السقراطي..
يوسف لي كان جامع كبار و شباب العائلة و تيوصيهم و يعاود مخافة انه يضيع فرصة طلب الاستثمار من عند السقراطيين..
يوسف(داير بروجيكتور و تيطلعو فيه التصاور): حنا عارفين بلي مورا معانات اخيرا قدرنا نوقعو مع مجموعه دايمند ريماس واخا ما حضراتش المالكه الحقيقه و غير المساعده ديالها
ايثار:واحنا المباركين اما كنا رحنا فشربه مي
يوسف(حنحن و سكتت): الي معروف فالعالم الرأسمالي بلي مجموعه ريماس و امبراطوريه سقراط بيناتهم علاقه قوية بزااااف و عليها طلبات المالكه باش السقراطيين يكونو ضيف شرف و حنا خاصنا نستافدو من هاد الزياره و نديرو الخطوة الأولى(شاف فعهد) خاصك تحاول تحصل على تمويل من واحد من هادو(دوز الصورة الأولى) عثمان سقراط المالك السابق رجل لي وقور و معندوش مع التفليه و الطرطيه يعني ديك الخفه ديالكم حيدوها.
(الصوره التانيه) اليان سقراط حرم سي عثمان مكاينش معلومات على شنو كانت تدير فحياتها قبل ما تدخل المغرب المهم انها دبا تعتبر من اولى سيدات المجتمع انسانه لي راقيه و هاديه..معروفه بأنها تتحب الخير للغير و عندها اكاديميات فبزاف ديال الدول..
عهد: ايلي اكاديمي
يوسف: بالضبط
سليم:واش ماشي تما تتقرا وعد
يوسف: وي
سليم:اه عليها طلبتي حضور وعد
يوسف:ماشي تماما هداك موضوع غتعرفوه من بعد (دوز الصوره لاخرا فيها زوج بنات و ولد) امين بروفيسور فالامراض الوراثيه و امراض الدم.. مريم محامية مشهووره و خاصكم تخافوا منها و ندى اخر العنقود..
عهد بتفكير: و لكن شكون فيهم المالك الحالي لمجموعه سقراط
نطق صوت من موراهم كلهم و لكن مقابل مع يوسف و تيشوف فيه بعيون مليانه شر: هاديك ماشي مجموعه عاديه هاديك امبراطوريه و الامبراطور تاعها متيبانش ما معروفش شكون هو و لا شنو الاسم ديالو ما معروف عليه والو واش واحد من هاد الناس لي ذكر بابا و لا واحد اخر العلم عند الله و لكن لي نقوليكم اذا قنعتو مريم راكم ربحتو
يوسف:بينغو
كلشي ناض تيجري يسلم عليها و تينطقو على فمهم واو وعد ايمتى وصلتي وعد وعد وعد..
وعد بمزاح:وا طلقو قجيتوني اناري هههههههه

مورا دقايق كانو كلهم مجموعين تيضحكو و ناشطين على طالبه د الغدا
وعد:ايمتى الحفله
ايثار: غدا فالليل
وعد:الله يعني نصبح ناعسه
زاك(بلؤم): نو نو نو غتنوضي باش تمشي لاكاديمه غدا النهار الاول
رنه تتشوف فعمها بترجي
زاك(بامر): كلكم من كبيركم لصغيركم كلكم الاكاديميه غدا مزيان تبارك الله
ايثار(تتهمس لرنه):اوف انا قلت شوف وعد مهدنه غنرتاحو مال زكرياء شاعلا فيه العافيه
رنه بنفس الهمس: شحال تحطي تا وعد لي محرشاه باش تبان ضريفه..

سكتو و كملو ماكلتهم و كل واحد مشى لشغله و التحضيرات على قدم و ساق..
فغرفه فهاد الفيلا كانت وعد واقفا قدام المرايا تتقاد السنسله تاعها هزات تيلي تاعها دوزات ابيل و هزات سوارت لوطو تاع خوها عهد..
نعرفكم على وعد
وعد:سيري فحالك انا نعرفهم على راسي راسي واش هوما جايين يسمعو قصتي و لا يسمعو هضرتك..
الكاتبه:ها.. و لكن انا قدمت كلشي..
وعد: انا ماشي بحالهم
الكاتبه: وا خليني نقدمك ليهم بعدا و الله تنقدمك مزيان
وعد: و تقلعي من دبا انا ندوي على راسي و اصلا شي حوايج غنعرفهم غير انا وهوما نتي مشغلكش
الكاتبه😢: صافي انا غادا دبا تولي تجي طلبيني
وعد:ياله ياله حسبي خطاويك😏.. انا دبا فبلادي ماشي اول مرة نجي ليها مي لفامي مفراسهاش ديجا تنجي و عند بالهم اول مره انزل..امم انا شخصية عالمية معروف عليا الكلاخ😈 اغبى مخلوق على وجه الأرض جميع تحرميات و النقايم و التشيطين فيا ميمكنش نمشي لشي بلاصة و تبقا كالم اووه هاحنا وصلنا ..
الكاتبه:سيري فحالك غ لي بغى يتيقك.. اوف شوفو هاد التعريف النايح تينطابق عليها غ فشي حوايج..
وعد آل جبران فاش قررات تمشي لالمانيا مشات و خلات موراها هويتها ختارت تاخد نسب الاسره لي ربات مها عائلة الجوهري و حيت وعد تتكره جدها جبران بدلات هويتها فالوراق و كلشي و عاشت بشخصية جهاد الجوهري قرات و دارت بلاصتها فالمانيا و خدمات و غادين تعرفوها فاش خدمات ابخي.. وعد كانت فنظر عائلتها ديك البنت الذكيه و البريئه و الي ما تنوضش الدجاجه على بيضتها تا كتاب المكتوب و مشات خالتها و خوها و بنت خالتها لالمانيا لزيارتها لاول مره مورا 12 عام من رحيلها و كان عندها وقتها 18 سنه مشاو يطلبو منها ترجع تكمل قرايتها فالمغرب باعتبار أنها نجحات فالباك و كدا.. و لكن تصدمو فاش عرفوها بلي هي تتقرا فاكادمية ايلي المشهوووره و رفضات انها تخرج و تلتاحق بيهم و تما تعرفو على شخصية جهاد المشاغبه المشاكسه و الشيطانة الي الذكاء تيقطر منها و تتدعي الغباء عنيفه قويه و شريره تعرفو على بنت مكانوش عارفينها كاينا فالوجود اصلا...بنت الخدامات لي فالفيلا تاع سهيل فين كبرات تيخافو يفيقوها تيخافو يديرو غلط قدامها البنت لي سهيل براسو تيخاف منها و يحتارمها البنت لي عندها الفلوس كي الروز و تاحد ما عارف مصدرهم البنت لي وراها اسرار بزاف و فظهرها ناس كبار كبااااار بزاف و نفوذها مغطي المانيا و تاحد ما يقدر يوقف فوجهها.. وقتها خالتها و خوها عرفو بلي اذا عندهم وعد او جهاد بهاد المعنى فصفهم ما عندهم مناش يخافو خالتها و خوها فقط لي مرتاحين بشخصية جهاد و عارفين شكون هي جهاد اما باقي العائلة عارفين جهاد فقط ك درع دارتو وعد باش تعيش فالمانيا و تهرب من جدها جبران.. نرجعو للقصه...