التقلبات ديالك وكل مرة باغا فطور فشكل جيبي الفشوش على ادم دبا
ادم: تاخد راحتها عيوني تطلبهم نعطيهم ليها
ريتاج: اباركا من التعناب
انا: حسدتينا ديري بحالنا
ادم: بركا من الهضرة نوضي تاكلي(عاوني وقفت بركنا فالطابلة كلينا مجموعين ونضت لبست لحوايج لي جابت ليا ريتاج نزلت فكرسي متحرك حيت مكنقدرش نتمشا مزيان وادم اصر نبقا نستعملو تتستقر وضعيت الجنين وانا كالعاده منقدرش نعارضو هادشي لمصلاحة ولدي الحاجة الوحيدة لي منقدرش نغامر بيها نفديه بروحي ركبنا فلوطو ادم سايق بشويا وصلنا لقصر دخلنا بلوطو نزلت وبركت فالكرسي المتحرك ههه عرشي الخاص متطور منحتاجش شي حد يدفعني نتحكم بيه بوحدي دخل ادم وريتاج للصالة بقا كلشي كيشوف فيهم تنطقت ماما القلب الحنين لي مترتاحش تاتشوفنا كاملين حداها)
سارة: ولدي فين وعد من البارح وهي غابرا وتاالفطور محضرتوش ليه
زياد: احم ..مم وعد زعما
زهرة: فين هيا البنت
يوسف: وعد مبيها والو ياك اسي ادم
زهير: ادم فين وعد
عهد: وانطق اصاحبي فين ختي
جاندي: ريتاج فين كنتي
افنان: وعد فين مشات
فاتي: بنتي مالكي كتشوفي فينا بحال هكا
زياد وريتاج كيشوفو فبعضياتهم مفكروش فأجوبة لهاد الاسئلة اما ادم قرب من بنته هزها.. تكيسمعو صوت العجلات ديال الكرسي كلشي سكت تلفتو لجيهة الباب كتبان ليهم داخلا فكرسي متحرك سارة مشات كتجري لعندها تحنات على ركابيها
سارة: بنتي اش طرا ليك 😢😢 علاش باركافهادا
انا(كنمسح ليها دموعها): ماما موقع ليا والو غير مكنقدرش نوقف
انستازيا غير شافتني حماتها لبكى و تتركل باش تنزل و ادم مزيرها عندو تيسكتها
عهد(كيدوز ايدو على شعري): متخافيش غا تعالجي وترجعي تمشي على رجليك
انا: مالك حمق راه ماشي مشلولة غير دبا قبل رمضان الطبيبة لزمات عليا ننعس على ظهري ومنتحركش ولكن..
ريتاج: ولكن نتي مكتسمعيش الهضرة وديك النهار خاصم عليها ادم ورغم ذلك كتشقا وتحرك بزاف تجابتها فراسها ودبا الطبيب منع عليها الحركة بمرة وغتبقا تستعمل هاد الكرسي لشهر ونص
يوسف😡😡: غير كيفاش كتآذي راسك
انا: راه غير كنت طالعا فالحافة ديال الصور فالفيلا ديال اسير و طحت داكشي علاش(زياد و اسير و اياد حبسو الضحكة بزز)
الميما: خليو البنت تطلع ترتاح
طلعت مع ماما لبيتي بدلت حوايجي ونعست خلاها زياد ولا عزيز عليا ننعس تال الصباح جبت عندي بنتي الغزالة لي غير فاقت جات تقلب عليا ضليت فبيتي نهار كامل كطلع ليا ماما ولا ريتاج الماكلةدازت يوماين واليوم العيد التحضيرات فالقصر على قدم وساق ريحت الحلاوي و الفطائر المغربية معرت فين واصلا نزلت عندهم ولي بانت ليا كناخد منها
ايثار: بشويا عليك غتوحل ليك
انا: ههه راه هادشي بنين
غزل: دبا تغلاضي وميبقاش قابل عليك ادم
انا: ها؟؟بصح حشومة عليك(تغرغرو عينيا) افف وقفتو ليا الدغمة..نضت وخليتهم هه بغيت نقول تحركت وانا جالسا خرجت لجردة
انا: سعيد صيفط ليا مانويلا
سعيد: واخا امدام
منويلا: بغيتي شي حاجة امدام
انا: جيبي ليا دفتار الرسم ديالي وجيبي ليا الفطور هنا(مشات جابت ليا شنو بغيت)
مانويلا: بغيتي شي حاجة اخرى
انا: مم شنو دايرين لغدا
مانويلا: مدام شريفه هي لي مكلفة بيه مكتخلي تاحد يدخل تما
انا: مم مزيان صافي سيري كملي خدمتك..فطرت وبديت كنرسم توقفت عليا رنة
رنة: شنو كترسمي
انا: غير كنخربق مديريش فبالك
رنة: اوا دخلي تفطري
انا: كيف كتشوفي ياله فطرت عرفتي بغيت نخرج قنطت
رنة: اوا خرجي
انا: هه الى ساق ليا ادم الخبار يعلقني
رنة: كتخافي منو
انا: لا كنبغيه
ادم: تا انا
انا: ادم بب جيتي
ادم(باسني من حنكي): شويا دبا
انا: الحمد الله ههه واخا عيت بالبركة
ادم: خاصك تصبري على قبلنا(مبغاش يبين قدام رنة)
رنة: ياله دخلو بركو معانا
دخلنا لصالة كاينا غير العائلة و الاصدقاء سلمت على رقية وجاد و شمس وقمر وضياء وجود لي بقاو مستغربين لوضعيتي..بقينا ضاحكين كنت باغا ريانه و سيلين توحشتهم و لكن ازاد قالينا عنده خدمة و ميقدرش يجي..
داز النهار زوين و فالعشية دارو حفلة بيناتهم بقاو سهرانين ضاحكين ناشطين شاطحين وفرحانين ولكن واش هاد الفرحة غتكمل واش وعد غتعرف شكون حاول يقتلها وواش هادي اخر مرة تعرض فيها وعد لمحاولة قتل واش الجنين غيكتاب ليه يعيش حياتو ولا مصيره محتوم بالاجهاض..شكون الشخص لي سيفط دوك الرجال يعتقو وعد واش بصح بغاو يعتقوها ولا هوما لي بغاو يقتلوها زياد و اياد حابسين شي حد فالغابة شكون هو وعلاش سيف مخاصوش يعرف شنو علاقة سيف بادم..احداث جديدة غتمر منها بطلتنا وأسرار كبيرة غتكشف و أحداث فالماضي وقعات وتاحد معارفها شخصيات جديدة غتبان كان خاصها تعيش حياة عادية ولكن بسباب الناس لي دمرو حياة التوينز تدمرت تاهيا.. دازو ايام عادية وعد كتقدر تمشا ولكن باقا كتعتامد على الكرسي الدراري قررو يسافرو فهاد العطلة مشا يمان وسليم و ايثار ورنة وعهد طلعو لشمال حيت اول مرة يجيو للمغرب اما الباقي كل وفين مشا حيت ولادهم باقين صغار تايوسف وسارة وجاندي و مراد سافرو مجموعين بقات فالقصر غير الميمات أيور وفضيلة و زهرة حيت اصلا معندهم فين يمشيو والعيشة فالقصر عجباتهم غزل وسيف وسعد واسير رجعو لتدريب اياد و ريتاج رجعو للبحت ديالهم زين عندو خططه الخاصة شهاب و شريفه مزال مراقبين وعد و القصر.. كتبقا وعد وزياد لي خدامين غير من الدار)
زياد: وعد دبا داك خونا لبارح عاد عتارف
انا: مم وشنو قال
زياد: هو لي سيفط وحدة من الخدامات باش تجيب ليه الملفات ديال شركة باباك..
انا: كنت عارفا
زياد: عمرني شكيت فقدراتك
انا: وعمرني شكيت فوفائك..انا غنبدل حوايجي وديني لعندو
زياد: واخا ولكن الماتريال
انا: غندوزو نهزوه(طلعت لبست كسوة سامبل طلقت شعري هزيت صويك و خرجت قدام الميمات قلت ليهم غنضرب دويرا مع زياد ديمارينا لوطو ههه لبوغاتي لي كان باغي وتاهيا فيها سيستيم بحال ديالي مشينا لفيلا ديالي بدلت الحوايج لبست سولوبيط جلد كحل و gاط درت بيريك كحل وجمعتو كوت شوفال عدسات كحلين لصقت شفران طوال و ميك اب مثير فنوار ونزلت)
زياد: 😍😍 واااو جيتي قرطاسة
انا: جمع عينيك زيد خاصنا نساليو قبل ميرجع ادم
زياد: هزيتي سلاحك
انا: وي ياله طلع
زياد: لا مغنخليكش تسوقي
انا: طلع باراكا من الهضرة(ديماريت باقصى سرعة ولينا بحالا طايرين فالسما والبوغاتي خفيفة وصلنا للغابة بطأت فرانيت قدام الكوخ دخلت الكارد كيديرو ليا التحية بركت فكرسي ودرت رجل على رجل)
انا: فيقوه
الكارد(خوا عليه الما بارد)
...: اااااه ف..فين اانا
انا: فالجحيم احبيبي
....: هها..هاد الصوت .. كنعرفو..وو..ولكن..لا لا مم.. ميمكنش
انا: شنو..شنو لي مايمكنش
...: لا هي متقدرش ..شكون نتي
انا: قباض روحك..
....: وااش نتي وووعد
انا: هههه..شكون وعد
...: مرات صاحبي ادم
انا: هه صاحبك..(وقفت) صاحبك الحقير الغدار (صفقت) مم برافو حساام لعبتيها صح كنتي كتبين ليه الوجه البريئ الصديق الوفي ونتا كتحفرمن وراه
حسام: وعد هادي نتي ياك وعد سمحليا طلقيني عفااك معرفتش شحال ونتوما حابسيني هنا
انا: مم شهر ونص و انا عارفاك اش كدير خليت رمضان يدوز بيخير ودبا متحلمش تشوف النهار الزوين وغتبقا هنا حتا دوز الصفقة ديال ادم ومن بعد نتحاسبو وديك الخدامة لي مسيفطها تشفر الوراق هي الاولة باعتك..من دبا ليوماين نبغي جميع معلومات الشركة لي كنتي باغي تبيع صاحبك ليها وهادي فرصة تبين ليا فيها بلي تستاحق نسمح ليك على هادشي(خرجنا من عندو ومشينا ديركت لبلاصة فين خلينا دوك الزوج)
انا: زياد فكهم
زياد: متأكدا والى هاجموك
انا: كون بغاو يقتلوني كون سيفط شاف ديالهم وحدين اخرين(فكهم زياد ورجع لور)
انا(بالروسية): مم دبا غتقولو ليا شكون سيفطكم ولا عجباتكم ضيافتنا
1: شحال من مرة سولتونا هاد السؤال
انا: معقلتش نزيد نوضح ليكم عمركم شفتو وجهي الحقيقي دبا غتقولو شنو ولا غنخدم معاكم اسلوب خاص
2: حنا معندنا باش نفيدوك
انا: زياد ركبو ليهم(ركب ليهم كاشف الكذب السلوكة وكلشي قادهم فبلاصتهم عطاهم واحد الفنيدة)
انا: السؤال الاول واجدين
1: معندنا مناش نخافو
انا: اوكي شنو سمياتكم
1: مارك و كارل
انا: علاش جيتو للمغرب
2: على قبل واحد المهمة
انا: واللي هيا
2: نقلبو على واحد البنت
انا: شكون هيا
1: معرفناش
انا: المعلومات لي عندكم عليها
1: السن ديالها و سميتها الاولى
انا: مم وهوما
2: سميتها وعد وعندها 20 سنة
انا شفت فزياد: وعلاش كتقلبو عليها
1: الشاف ديالنا باغيها
زياد: واش لقيتوها
1: باقي فاش كنا كنقلبو عليها شفنا واحد الشخص كنعرفوه وهو نفسو لي ركب القنبلة فلوطو ديال ديك البنت
انا: اينا بنت
2: ديك الزعرة لي كانت حابسانا هنا
انا: ممم عرفتها المهم شكون هوا الشاف ديالكم
1: معرفتش(ضربو الضو)
انا: اووه خطأتي ..زياد زيد الفولط..ودبا شنو
2: معرفتش(ضربو الضو كتر من صاحبو)
انا: متعصبونيش نطقو
1: دد...ن...لا منقدرش(ضربو الضو تخرج ليه الدم
