سارة:الحمد الله وعد فاتت مرحلة الخطر وحالتها مستقرة حاليا خاصها الراحة وتبعد على العصاب والارهاق..والجنين تاهوا وضعو مستقر معجزة ملي بقا متشبت بالحياة..اما كان غيكون مصيرو بحال التوأم تاعو..المهم راه من الأفضل منقولوش ليها كانت حاملة بتوأم وضاع واحد..حيت غتسبب ليها أزمة..وتقدر حالتها الصحية تدهور..حاليا متقدرش تسافر..وغيخصها تنعس فالكلينيك ملي توصل ل5شهر..حيت عنق الرحم واسع وهادشي تفاديا لضرر لوعد ولا لبيبي
ادم:دبا شنو نفهم ولدي باقي حي
سارة:نتا بالضبط خاصك متضعفش واي واحد غيكون داير بيها خاصو يعطيها القوة ميكونش مصدر للطاقة السلبية..
تنهد ادم بارتياح ..
أوس:نقدرو نشوفوها
سارة:لا اولدي راه حولوها لانعاش 12ساعة الجاية هي لي غتبين مصيرها درت لي عليا والباقي على الله هي محتاجة دعواتكم...
تنهدو وكل واحد فين مشا كاين لي بقا فالكلينيك وكاين لي نزل لكافيتيريا..كاين لي رجع لرياض.. دازو ساعات وفنفس الطابق لي فيه غرفة الانعاش.. مقابل معاها من الزاج..لابس تيشورت أبيض لاصق عليه وسروال السيرفيط وصندالة نايك..وداير ليزي بلوتوت فودنو..حداه واقفين التوأم بسيرفيطات كحلين واحد شاد تيلي وكيدوي فيه باينا عليه معصب..وقف عليهم شاب صغر منهم لابس سروال تجين وكويرة هاز زوج كيسان دالقهوة واحد ليه والتاني مدو لآدم..
اسير:شرب ليك هادي تصحصح بيها شوية
ادم:همم..
خداها من عندو الحاجة الوحيدة لي رغم مرورتها الا انها كتشاركك فكل حاجة فحياتك..
دقت الساعة الخامسة..وماهي الا دقائق حتى ترفع آذآن الفجر..فغرفة مخصصة للصلاة..كلهم وبدون استثناء لابسين اسدال الصلاة..ألوانها مختالفة ولكن محصورة بين الأسود الأبيض السومو والبيج... كلهم تجمعو فصفين من ورا عثمان..لي قام الصلاة..وصلى بيهم..ختمو صلاتهم بالدعاء لوعد ولولدها باش ربي يحميهم ويطول فعمرهم..
فتمام الساعة 7:00...خرج العدد الجديد من صحيفة الصباح..وفصفحتو الأولى..صورة الحسناء وعد آل جبران..بعنوان مثير للجدل..
الشقراء المثيرة بين أحضان الموت مقالة طويل عريض مكتوب فصفحة المشاهير..فتح موضوع للنقاش..شنو علاقة هاذ الشقراء ب..آدم سقراط و أوس رودريغيز واش فعلا فتيات الرفاهية ولي كيتزادو ففمهم ملعقة ذهب هاذي هي حياتهم..من واحد لواحد حتى كينتهي ممصيرهم بالمشفى ومن ضحايا الاجهاض.....
#فكلوب تابع لمدرسة لي قرات فيها وعد آخر سنة..
البنت1:شفتي ياختي كانت كتبان درويشة وشوفي ليك دبا لاويا على زوج
البنت2:عرفتو انا راه كنت سمعت بلي كانت مزوجة بسعد عقلتو فاش جات العام لي فات فآخر الامتحانات كانت حاملة
البنت3:لالا منضنش هي كانت مصاحبة مع جود
البنت1:عرفتوها دبا راها باينا كانت غير كدوز بيهم الوقت وضحك عليهم..هاديك راها غير****
#فالشركة..
الموظف1:منضنش ديرها
الموضف2:هاديك راه الرجال كيترماو عند رجليها ومكتعبرهمش
الموضف3:الصراحة هي زوينة اه وقلبها كبير وكتعاونا ولكن تال عقل بنادم متعرف اش كيدور فيه..
السكريتيرة:ياختي انا كنت عارفاها عندها علاقة مع سي أوس ولكن ماشي داك النوع
الموضفة:هي لي طلعات ليها الزين والفلوس..اااححح ياختي مسيو ادم كيتعامل معاها بحال الما لقليل لي بغاتها كتحضر..
#فكازا..فقسم الشرطة وبالضبط مكتب العميد..
سيف:هادشي ميمكنش سير تأكد من صحة الخبر
الشرطي:سيدي راه بصح هادشي لي واقع
سيف:وعد مسكينة ناقصينها المصائب🔊🔊🔊 الو.. وي غزل..لا راه منقدرش نسافر راك عارفة الخدمة.. اوكي...اه ردي ابال لراسك..(قطع) تفوو على زهر ناقصينها هي..الى طاح هادا لي كتب هادشي فايدين ادم غيخرج منو العصاب لي راكبو كامل..غير الله يستر
#فالرياض...
اليان:فضيحة هادي شكون هاد المتخلف لي كاتب هادشي
سارة:خاصنا نحضيو ادم راه يقدر يقتلو
مطر:مريم مشات هي وميرا والكارد باش ميخليوش ليه فرصة يقرا الخبر
ايثار:ياربي يدوز هادشي على خير
نورسين(نازلا لابسا سروال سبور كحل وفيه خطوط بيضين مع تيشورت وفوقهم كاب صغير رمادي شعرها على راحتو عينيها وملامح وجهها كتبين بلي مناعساش ومريضة)
ايثار:شتك صفرة
نور:غير العيا
سارة:بركي ابنتي تفطري
نور:والله ماقادا عليه غير بالصحة انا غنمشي لكلينيك
#فالكلينيك...
شخص:سمحيليا اختي واش نقدر نسولك
الممرضة:نعام اخويا شنو بغيتي
شخص:................
الممرضة:......................
شخص:بغيتك ..............
الممرضة:سمحليا منقدرش(حط شي حاجة فوق الطبلة)احم..صافي كون هاني......
#فالانعاش...
صوت الآلات تجهد والتصفاار تاعهم كسر السكون تاع الطابق..لا ممرضة لا طبيب الطابق كيصفر ولا نقولو صوت خطوات كيجريو كعب عالي ايقاعو مختالف نغماتو كتبين بلي الجميلة لي لابساه فحالة ذعر..
#شنو فنظركم واقع فالكلينيك😕
#شكون هي الجميلة لي شرفات المشفى😎
#شنو بغا داك الشخص من الممرضة😈
متمشيو فين باقي بارت فليل...
متنساوش فوووط
