نازله و تنهضر مع راسي معرفت الخير فين كاين شفت ريما مع البنات فالجرده..
أنا:ياك غتبقاو دوزو معانا رمضان
ريما: هوا غنبقاو فالمغرب ولكن ماشي هنا
انا: عرفتي شنو مكرهتش ندوزوه فألمانيا
ريما: مكلخا معارفاش الاجواء تاع رمضان فالمغرييييب كيكدوز
انا: الى كنتوغدوزوه معايا كاملين غندوزو هنا الى كان كل واحد غيدوزو فقنت غنرجع لألمانيا
ريما: راه ميمكنش احبيبة حنا كتار وتا الرياض الكبير لي مولفين نتجمعو فيه مغيقدناش كاملين😯
انا: واعديني الى لقيت الحل غدوزي رمضان معانا
ريما: هههه كنواعدك
انا: ياله انا مشيت
ريما: فين
انا: فين عمرني قلت فين غادا(غمزتها)
ريما: متعطليش
درت ليها باي و خرجت كنتسلت مشيت لباركينغ هزيت سكوتر ديالي وخرجت من الباب اللوراني حيت ادم وصى الكارد ميخليونيش نخرج ولكن فلتو ليه اللورانيين..بقيت صايgا توصلت لواحد البلاصة محظورة و ممنوع شي حد يقرب ليها ديرا بحال القلعة داير بيها السور و الغابه وصلت عند البوابة وقفني الكارد
الكارد: مدموزيل سمحيلينا و لكن خاصنا نتأكدو من هويتك
انا: من نيتك اولد العبد خوي الطريق
الكارد: ولكن عندي اوامر من الرئيس تاعي باش تاحد ميدخل
انا: اوكي عيط على الرئيس تاعك
الكارد(هز اللاسلكي و دوا فيه)
الشاف: شنو كاين اشمن مشكل تاني
انا: مزيان تبارك الله نتشاور معاك باش تخليني ندخل لداري حيد من الطريق نتا وياه
الشاف: اا..مدام إليزا والله معرفتك جايا على سلامتك وهاد الكارد مغيزيدش دقيقة هنا
انا: تجري عليه عتابر راسك فعداد الموتى شنو ذنبو هوا بعدا راه دار خدمتو ماشي بحالك نتا لي موريتيهش صورتي ولكن مزيان باش ميعلمكش غندخل و نشوف الاصلاحات فين وصلو
الشاف: ولكن ا مد
انا: مكاين ما ولكن نلقى شي حاجة ناقصا حسابي معاك ياله دg
تم غادي وانا نعيط ليه
انا: سعيد
سعيد: وي بوس
انا: زيد قدامي عندي ليك شي شغل
سعيد: واخا االشاف
دخلت مع البوابة الكبيرة عجباتني الجردة كلها ورود اشكال و الوان والشجر و الربيع واصلا فصل الربيع هدا والجو بدا كيسخن بقيت غدا و كنتمنظر يعني الجارديني داير خدمتو كلشي مقاد وصلت الوسط كانت الجلسة مرتبة زوينة فالباج و التيركوا وممرات محددين بالحجر الصغير كل واحد غادي لفيلا 5 الفيلات كلهم بنفس الحجم ونفس الفصالة معاذا وحدة كلهم 3 طوابق وسفلي فيهم لاسانسور والفراش جامع بين التقليدي و العصري البيوت دنعاس مفرشين بطريقة راقيا الدراري فالغري و الاسود ولا البني و البنات الباج و لاالغوز ولا الاحمر اما البيوت ديال المزوجين كلهم بحال بحال الديكور بحال الفنادق الفيلات بربعة فيهم مسبح داخلي و صالات رياضة وسينما خاصين و كل وحدة عندها الخدم للي مكلف بيها و الفيلا الخامسة ديالي ملك خاص ممنوع شي حد يقرب ليه فيها 3 طوابق و لكن ماشي كلهم للاستعمال فيها طابق كلو زاج ولكن مضاض للكسر و فيها طابق فالارض هههومن بعد وتعرفو ديالاش و الطابق الوحيد اللي فيه الفراش فيه جناح خاص و مكاتب بعدما درت دورة على الديكور وشفت كلشي جمعت الخدم كاملين
انا: سعيد الحوايج ديال الخدم غيتبدلو
سعيد: الشاف هادي مانويلا هي مديرة الخدم
مانويلا(بنت زوينة عندها 28 سنة مخطوبة هي فرنسية الاصل و لكن تعلمات المغريبية): مدام شنو لبغيتي يتغير
انا: الولاد ميبقاويش يقربو لفيلا رقم 2 و البنات ميقربوش لفيلا 3 مفهوم
الخدم: مفهوم
انا: البنات غتاخدي قياساتهم على حساب سراول و شوميزات ممنوع نشوف شي وحدا طالقا شعرها ولا حالا دوك الصدايف(نعت فواحد الخدامة) والا حسابها غيكون عسير
منويلا: وي شاف
انا: فرمضان نبغي كلشي يكون واجد هادي اول مرة ندوزو هنا ومنبغيش اي خطأ و حيت مغنكونش بوحدي بغيت كلشي يكون مقاد مفهوم
الخدم: مفهوم
انا: مدام رمضان باقي ليه اسبوع عندكم راحة 3 جوغ (بانت ملامح السعادة فوجههم)
سعيد: شكرا مدام إليزا
انا:و زيادة بنسبة %30 مكافأة على العمل ديالكم
خدامة1: الله يرضي عليك ابنتي
الخدامة2: الله يفرحك كيف فرحتينا
الجارديني: بنتي الله ينقي طريقك من الشوك
انا: صافي صافي الله يعاونكم ولكن راه غنجي لهنا بيوماين قبل من رمضان نبغيكم تكونو واجدين وكلكم حاضرين الحوايج غتلقاوهم عند مانويلا اه وملي يجيو الضياف غتعيطو عليا بوعد و لا مدام سقراط! الشاف و البوس و إليزا نساوهم وتصرفو على طبيعتكم غير نبغي الاحترام وتاحد ميتشكا منكم راهم جيش وعندهم الدراري الصغار بزاف نبغيهم يكونو مرتاحين مفهوم
الخدم: مفهوم
انا: ياله ستافدو من الراحة كل دقيقة محسوبة فحياتكم..
خرجت شديت الطريق لفيلا ديالي قاديت حوايجي وطرفت الدواصة لي كنت جابدا ملي جيت اخر مره كملت ورجعت للدار
انا: هانا جيت
الميما: مرحبا ا بنتي (ضحكات معايا) كان الصقيل بلا بيك
انا: واخا(دخلت لكوزينة هزيت صينية و معلقة كبيرة وخرجت)ودبا شوفي الصقيل
الميما: لا ابنتي الله يرضي عليك راه الدراري كيحفضو(بديت كنضرب بجهد و طالعا فالدروح)
انا: نوووضووو نوضوو سربيو وااااع
سليم: اديك الحمقة سكتي
انا: سلييييييييمم..يماااااااان
يمان: الجعر زميه
انا: عااااااهد خووووياااااا
عهد: اللقوة
انا: سوووووكاااااا مااااااامااااااا يااااااااراااا (كنضرب فالصينية) وا عبااااد الله
ايثار: هاديك المصيبة
سكينة: خلينا نحفظو
انا: والله لا طفرتيه نوضيييي
يارا: خلي الدراري هانيين
انا: رنااااااا افنااااان خولااااااا
امير: جهااااد
انا: اميري جيتي توحشتك
امير: نعونك
انا: ارضي عليك(نزل امير و شعل البيفان على جهدهم و خدم الزدحة ديال الديسكو مجهدة)
امير: اوووووووه
انا: العزززز
يوسف: اش واقع
مراد: جهاد الرجوع لله
انا: وااااك واااااك
جاندي: هاديك الهبيلة وقفي
انا: خالتي تعالي تشطحي(دورت ليهم الشعبي)
جاندي: ايه هيا الاولى
مراد: مقدو فيل زادوه فيلا
انا: ههه هاديك ياله اخالتي
يارا: تا انا
انا: ياله كلكم(الدراري هبطو كانو صاعرين غير شافو داك المنظر مواتهم كاملين كيشطحو من غير جاندي مكيناش بداو تاهوما كيشطحو تم داخل زياد)
زياد: الخونة تشطحو بلا بيا(شد فايد الميمات بجوج وبدا كيشطح
سيف: ياكما دايرين حفلة
غزل: مفخباري والو زعما هادشي لداخل العجب
اسير: ياكما الدراري قلبوها زدحة
غزل: الدراري عندهم امتحانات(دخلو وتصدمو كلشي كيشطح الكبير و الصغير)
انا: مرحبا جيتو تعالو تشطحو
ما عرفتش كيفاش تبعت عليا ادم وقف مخنزر استغفر الله العظيم
ساره:مرحبا اولدي(بتاسم ليها و رجع خنزر فيا شد ايدي) بركو تغداو معانا
ادم:لا غ بالصحه عندنا ما يدار...
خرجنا الطريق كلها وهو صاقل مخنزر وصلنا لدار لقيت شهاب و شيري تما و معاهم نعمة بنتهم الي شافتني و جات تتجري
نعمة:انتي انتي
أنا:ويتك الحبيبه د انتها بيزو نعمتي الغزيولا(وقفت علينا انستازيا و جرتها من شعرها)
نازيا:مامي ديالي بوحدي😡😡
ادم و شهاب طارو يفكو يد ديك البنت عندي مغيااااره كلشي ديالها بوحدها!! والو واش بغات تطلق أيدها تا سمعات صوت تيعيط بسميتها
...:انستازي
طلقات من البنت و دارت عندو لي تبعت علينا كي رحمة ربي كان امير الروح و العقل د انستازيا..
أنا:ايمتى تبعتينا؟
امير:هههههه توحشت اميرتي
_بعد مده_
كيف العاده داز نهار عادي ما فيه تا جديد... ادم عيط لشهاب و شيري غير باش يحضيوني أنا و انستازيا امير تاهوا برك معانا.. ما بقى لرمضان والو... عرضت العائلة كلها..
**فالمطار**
هو: حيد اخويا من الطريق
هي: خويا يخوي ليك الجناب
هو: مالك كتغوتي بزاف عليك تكوني بنت
هي: منيتك اولد العبد
هو: شتك حاسة براسك(دفعها) حيدي من قدامي
هي(فنفسها): لخليتها فيك منكونش انا هي ****
هو: يخ على بشار منين غنبدا دبا(تلفت) ناري اش جايا دير هنا(دار القب وخرج فحين البنت لاخرا تاهيا لابسا بحالو كلشي كحل دايرا القب و النظاظر خرجات من المطار بان ليها واحد الولد مشات عندو وراتو الشارة عطاها سوارت ركبت فالسكوتر وزادت بأقصى سرعة نفس الشي بالنسبة لشاب تاهوا ركب فالسكوتر وزاد)
وصلنا للمطار انا و ادم بقينا شحال كنتسناو تبان ليا ادم كيعنق فواحد المرة أنيقة وخا كبيرة فالسن ولكن كتبان شادة فراسها شعرها كامل بيض لابسا جلابه تقليديه جارا الشنطة ديالها تقدمت عندي بخطى ثابة كتبين مدى الرقي فتعاملها بست ليها أيدها و عنقاتني هادي الحاجه جدات ادم الكراكتير تاعها ماشي بحال ماما اليان اي حركه صغيره متعجبهاش مرا تقليديه واخا تبان متحرره و ضحوكيه و لكن را حاكما فكلشي تا من اليان ما تهزش الراس قدامها واخا تعاملها معاها بحال بنتها ماشي كنتها.. تا مرات عمه د ادم الله يرحمها و لا خطيبة امين حفيدها ما تتحنش فيهم.. قبيحه معاهم تا ندى(اخت ادم) تتشكى..
