اصبحنا و اصبح الملك لله..
ليوم هو اخر نهار فالشهر ليوم لي المفروض تكون فيه الحفله و هادشي لي كاين واخا سارة حاولات تأجل الموضوع و لكن خبر وصول ريماس و سقراط للمغرب نوض الزازا فيوسف..
يوسف:منبغيش نعاود شنو قلت فاول نهار جات وعد
سارة: على ذكر وعد ما قلتوش ليا بنتي مزوجه؟
صدمة البعض
سكينه:خالتي؟؟؟ شكون بنتك؟
اسامه:واش وعد اخالتي
كلشي تيسول واش وعد لي مزوجه ايمتى تزوجات تا وقف عليهم زهير و عائلته و كثر الهرج تا حد ما عارف و لا نقولو لي عارفين صاقلين و تا حد ما هضر تا نطقات جاندي
جاندي:وعد بنت بالغه و عندها 20 عام و واعيه مكاينش لي غادي يتحكم فيها.. سواء كانت مزوجه او لا عادي غادي نعرفو فاش غادي تجي المهم دبا نركزو على خدمتنا (هزات حاجب) كاين شي اعتراض
كلشي سكت و سعد مشى للمركز على أمل يلتقي وعد لي مجاتش و مزال فالكلينيك..
وعد:حبي نمشيو لدار
خوان:اتمشي لقصر اليزا
وعد بصدمه:بصح بصح
خوان(قرب تيجمع ليها شعرها):انا باغي مرتي ما غتمشيش لتدريب مرتي قلت ماشي الجنرال جهاد (دار حركه تهديد) و نتي عارفه راسك مرات من عليها سمعي لهضرتي احسن لك
بقيت كنشوف فيه عرفت راسي جبدت الصداع لراسي ماشي مشكل ا وعد نخدم من الدار عارفا قرة عيني غيدربهم مزيااااان جيت نوقف جاتني الدوخه سندت عليه
خوان:وعد واش غنعاودو هضرت الطبيب قالك بركي تا يجيو التحاليل واخا انا عارف شنو كاين 😋😉
غير كمل هضرتو دخل الطبيب
الطبيب: مبروك عليكم المدام حاملة عندها شهرين
انا(بفرحه مخلطه بصدمه): واش بصح واخا كنت.. زعما البيريود و كدا
الطبيب: عندك حمل خفي و ما كانوش ايبانو عليك الاعراض لو ما الحاذثه لي خلاتك تجي هنا.. و لكن عندي ليكم خبر سيء
خوان بخوف: شنو شواقع
الطبيب: البيبي مشادش بلاصته خطر الاجهاض مرتفع(زيرت على ايد خوان لي خنزر فالطبيب و دار تيقيس وجهي و يلمس على شعري) مدام ما تخافيش غادي نوصف ليك واحد الدوا تبعيه و ان شاء الله يكون خير..
بعد ساعات طواااال و فتمام السابعة مساءا
خوان:واش ما غاديش تبركي الارض
انا:نو غنمشي معاك ما يمكنش نفلت وجوههم
خوان:شنو زعما هضرتي انا ما ساويا والو
انا(بتحلوين تنقيص فوجهو لحيته و رقبته لي تتحمقني):حبي كبيده ديالي ما نأمنش نخليك تمشي بوحدك ما نقدرش و ماما ما بغيتش نصدمها عافاك (حاوط خصري و نزل نيفو لعنقي) الزين ديالي راجلي حبيبي را اخيرا انقدر نقول انا مراتك بلا ما نخبي ههههه تتهرني حبيبا ديالي خليني نمشي معاك و منها غنشوف صاحبتي مريومه توحشتها
خوان:ايه واخا مزيان و لكن بشرط
انا: شرط و آمر اعمري
خوان: زواجنا و(شد فكرشي) ولادنا و علاقتنا كلها غادي تعرف🙂 و ما قابلش اي اعتراض
انا: خوان نقولو زواجنا و لكن شي لاخر لا انا انخاف
خوان:مجدي معاك ما عندك مناش تخافي البيبي ديالنا غيكون بصحة جيده و ان شاء الله انشدوه بين ايدينا حاس اتكون بنوته غزاله (خطف قبله) لمعة بنتي غنسميها لمعة بحال اللمعان لي فعوينات ماماها (باس عينيا) هاد العوينات الزوينين (بقى مقابل مع عينيا تا غرقنا فقبله فرنسية)
