**صباح جديد و احذااااث جديده😄😄
....: حمارة باقا ناعسا
انا: غتخرجي تق**** ولا لا
.....: حشوما عليك زعما راه عرس صاحبتك هادا
انا: غزاااال بعدي مني(ضربتها بمخدة)
غزل: تهزي البقرة وجدي راسك باش نمشيو لبيوتي سانتر
انا: ممم واخا غير سبقوني
غزل: لا رجلي على رجلك(نضت بلهلا يطريه ليا قلبي مقبوط مبغاش نخرج دوشت وصليت لبست كسوا مطلوقا جمعت شعري كعكة مهملة درت شويا دالماكياج ونزلت فطرت وصيت ريما على بنتي واخا ما نحتاجش نوصيها صونيتي الدم نهضر معاه مجاوبنيش صونيت لنجم تاهوا ما جاوبش هاد يوماين بزوج غابرين من نهار كنا فالاوطيل مع دانيال و ابخي مشينا تغدينا عند خالتي و خرج وسط الغدا ما رجع بان..طلعت فلوطو ديالي بوحدي والبنات كلا ومعامن طلعت غزل غادا القدام وحنا تابعينها تكيخرجو ليا زوج كاطكاطات كحلين حاصروني البنات منتابهوش ليا يمكن صحبوهم كارد حاولت نخرج من وسطهم مي مقدرتش بداو كيضربوني بجهد كنحس بلوطو غتقلب صافي هادي هيا الاخرة ليا حسيت بالوجع مجهد فكرشي والما سخون نازل مع رجليا هزيت راسي كيبان ليا كلشي كيتقلب كنحس بالدنيا دارت بيا جاب الله الزاج مكيتهرسش اما كان وجهي ولا فخبر كان حسيت بلوطو ديالي تفرانات راسها حليت عينيا كيبان ليا ادم قدامي هزيت عيني فالمرايا لوطو د نجم ورايا بزوج بيهم حاصرو لوطو تاعي لالا واش كنتخايل بديت كنشهد ومبقيت عاقلة على والو من غير صورت ادم بين عينيا كيغوت
**عند نجم **
من داك النهار فلوطيل مدويت مع وعد كنت غنمشي لعند عائلتي ولكن واعدتها غنمشي انا وياها واصلا الخبار لوصلات لواليدة بلي وعد كاينا ومجبتهاش معايا تجري عليا داكشي علاش مشيت لفيرما خارجا من كازا دازو ايامي كلهم فالبحت على واحد السر لي وصلني من عند ادم مبغيتش وعد تسيق الخبار حيت غتأزم تال ليوم مع الفجر وصلني مساج من عند ريتاج فيه بلي ستيف سيفط شي رجال باش يقتلو وعد مادام مبغاتش تعطيه المفتاح معقلتش على راسي خرجت مكسيري تاقربت لفيلا بدا تيلي كيسينيالي شعلتو بانت ليا gps ديال لوطو دوعد خداما تبعت الطريق لي خدات تبانو ليا زوج كاطكاطات تابعينها جات قدامي بوغاتي تطير فالهوا دوبلاتنا دربت التور فالاتجاه المعاكس ملي وصلت لعندها ولى ادم(ايه ادم لي الهوا علماتو ريتاج) صايg بحالا غيخرج فيها دزت من قدام لواطا لي سبقوها جات عيني فعين غزل لي غير شافتني فرانات يمكن عاد نتابهت لوعد هزيت عيني لقيت لوطو كدور فالسما جات طايحا قريب من ادم لي gاردا بديالو حيت تاهيا مضادة كون ماهيا كون طراو بزاف دالكسايد و جيت انا من وراهم گارديت من لور تا تحطات لوطو د وعد للارض خرجت بالجرى لقيت ادم سبقني وجهو حمر اينفاجر حليت عليها الباب لاخر حالتها حالة وجهها غارق فالدموع كتر من الدم اي حاجة كانت عندها لداخل تقلبت حليت ليها الحزام تخلعت بزاف ملي شفت حوايجها عامرين دم ونازل مع رجليها هزيها ادم بين ايديه متاجه لوطو ديالو
غزل: عنداااااك
ادم: ااااه (حسيت برصاصة ختارقت كتفي ياله غيتيري فيا عاود زربت عليه جاتو فالراس لحت الفردي لجان و ديماريت)
رنة: ويلي اش واقع جان
انا(لحت ليها شوارع لوطو تاعي): طلعو للوطو ومتخرجوش(جبدات غزل سلاح اخر من لوطو ديالها وخرجت تيرات فيهم ومع هي محترفة فالقنص مزgلاتهمش شلات الحركة ديالهم كانو5 حيت واحد قتلو ادم وهي عندها غير زوج مينوطات مخافتش منهم طالما هي مدربة مكاملا تا 5د وصل سيف لعندها جمعهم فصطافيط وداهم اكيد ماشي لكوميسارية و انما لاكادمية)
سيف: حبيبة نتي بيخير
غزل: انا مزيان ولكن وعد..وعد مضروبةو ادم حتا هوا(تلفتات) فين جان
سيف: جان؟؟ ماشي كان فألمانيا
غزل: معرفتش (كترعد) افف كلشي تخربق مفهمت والو اصلا جان متيبان تا تتكون شي مصييييبه علاش رجع دبا اش هاد الزهر تفووو
سيف: طلعي نوصلك
غزل: لا غنمشي لصبيطار تبعوني نتوما
ايثار(كتبكي): انا عيطت لماما شويا وتجي
غزل: ويلي على موصيبة مالك كطيري ليوم سارة يسكت ليها القلب(ركبو البنات فطونوبيلاتهم وغزل فديال وعد)
غزل: البنات تبعوني عنداكم تلفو فين بعدا شمس
قمر: تبعات داك الولد مول لوطو
غزل: مزيان ياله(خدماتgps وتبعات الطريق ديال ادم)
**عند نجم**
نجم(بالالمانية باش يحافض على شخصية جان): شكون نتي
شمس(بالدارجة): الله التوت الماني
نجم(مداهاش فيها): نزلي برا
شمس(بالانجليزية): مكنفهمكش
ادم(ابتسامة استهزاء زاد السرعة تاخلعها وكل مرة كيفكر فحالة ادم و وعد كي غتكون)
*عند ادم*
دوز ابيل وكيدوي معصب عروقو تزيرو وتنفخو كتبان فيه صاعر كل مرة يضرب الفولون حاط راس وعد على رجليه ولى تيخلع عروقو منفوخين والعرق نازل معاه وجهو ولا حمر وايدو كتنزف ضرب فران قدام الكلينيك..
الممرضه: لا حطها متقدرش تهزها راك مضروب دبا يجي شي حد يديها
ادم ضرب فيها واحد التخنزيرة تخطاها ودخل لقا الطبيب كيتسناه
الطبيب: شنو وقع ليها
ادم: حادثة و زيد عليه راها حاملا
دخلوها بالزربة لغرفة العمليات...لتحت وصلات غزل و البنات وحتى جاندي لي جابها جود من الاكاديمي اينفوا عيطات ليها ايثار وصلو قدقد لقاو الدنيا مطوقا بالكارد طلعو ديركت لعندهم بانت ليهم شمس كدوي مع نجم(راه مكيعرفوش سميتو الحقيقية)و نجم اصلا ما مسوقش ليها تيعصر مع صاحبو وتيحاول يقنعو باش يعالج ايدو
جاندي: فين هيا وعد
شمس: فالعمليات
غزل(مشات عند ادم): ادم...ادااام
ادم بدا كيغيب حيت ضاع ليه الدم بزاف هز عينيه حمرين: ممم
غزل: لا ادم فيق جمع راسك نوض معايا خاصك تخيط ايدك
(جات العائلة كلها ولا المشفى عامر غير بعائلة وعد)
يارا: ادم
ادم هز فيها عينيه و ابتاسم لمحات يارا نجم
يارا:جج..جان شنو تدير هنا
غيتا: شكون هادا
يارا: جهنام هادا راه الوحش اش جابو لهنا باينا شي مصيبه ادم مغيسكتش على هادشي لي طرا لوعد
رنة: قفارت شوفي عينيه فضيحة الى دوا شي حد معاه دبا
غيتا: خلعتوني باينا فيه معصب
سكينة: ولكن شكون هوا هاد التيتيز
رنة: صديق م و وعد فاش تيبان عرفي شي مصيبه تما
الممرضة: مستر نوض معايا نخيط ليك الجرحة
ادم: مغنتحركش من هنا(قطع القميجة وعطاها ظهرو بدات كتمسح ليه الدم ياله غدير ليه البنج حبسها)
يارا: ولدي راه خاصك تخيطها
غزل: عفاك ا ادم كون تسمع
خوان: مبغيتش البنج غير تخيط
رنة: لا نتا فتي التسطيا لهيه الى ساقت ليك وعد الخبار غتكعا
ادم(محسش بدموعو نزلو البنات تصدمو وكلشي حل فمو سارة ياله طالعا هي ويوسف وولادها متجي غير فهاد الحوار لي بالالمانية): غير تفيق بعدا راه غنتسسطاااا الى وقعات ليها شي حاجة ااااه(زف بالعلبة تاع الاسعاف)
الممرضة: عفاك تهدن باش ميخسرش الخيط
غزل: ديري خدمتك و سكتي ليفوت فيك شي دقا
الممرضة ضربات الطم كملات خدمتها حيدات الرصاصة وخيطات ليه الجرح دارت فاصما وناضت
عهد: شكون نتا واش كدير مع ختي شكون ضربك بالرصاص
جان: واش نتا أسير
اسير: انا هوا علاش
جان: سير لفيلا ديالك هاديك لي كتبات ليك وعد سير للقبو كاينا واحد الثلاجة عامرا بالدوا جيب زوج قراعي ولا ثلاثة ديرهم فثلاجة صغيرة عنداك يتهرسو بالزربة..
اسير: شكون نتا
خوان: جان ارووورا(ورك عليها)
اسير(عرفو تيجي لادم حرك راسو وخرج طاير)
يوسف: سارة تكالماي بنتنا قويا(سارة غير كتشهق والجو متوثر فهاد اللحظة دخل زاك وسعد مخلوعين غير وصلو لمطار وصلهم اتصال من عند سيف)
اليان(دخلات صفرا و عينيها تيبكيو و حمرين): فين بنتي فين وعد فين ادم
زاك: شحال داز ديال الوقت
جاندي: فايتا ساعتين تعطلو بزاف
اسير: هووف انا جيت هاك واش هادو
اليان(شافت القراعي عرفهم): شكون قالك فين كاينين
اسير: هوا هو لي بغاهم
اليان(طارت شدات نجم من وجهه): ولدي اش طرا واش نتا بيخير(تتقلب فيه) فين ادم فين ولدي شنو طرا لوعد
نجم:تهدني اخالتي ادم شويه و يجي وعد ان شاء الله ما يطرا ايها والو (مع هاد الكلمه وقف ادم لي بغات مو تقيصه دار ليها سطوب بايده)
