وهي نفسها لي عطاتني هاد الهوية
جود: كتبانو ليا عندكم بزاف دالاسرار
انا: اوكي شي مرة نعاود ليك على قصتهم
مشى جود ينعس و انا طلعت للطابق التاني حيت الشقة دوبليكس دخلت لمخزن اسراري دوزت ابيل طلبت يجهزو ليا طيارتي.. بقيت كنشوف فدوك الرسومات جمعتهم و هزيت الباسبورات و السلاح للي عندي بقات ليا خطوة مهمة الموت و الحياة خاصني نضمن مستقبل أسير كنت حاسة بشي حاجة كتجذبني ليه ههه صدق خويا للي تحرمت منو 19 سنة .. صونيت على المحامي ديالي طلبت منو يوجد ليا وراق ملكية الفيلا لي كنت باركا فيها و يسيفطهم ليا دازت ساعتين وصلوني لوراق فالفاكس سي نورمال عندي ناس خدامين بالنهار و بالليل مدام انا مكنعسش يعني نقدر نحتاج شي حاجة فالليل بحال دبا سينيت الوراق و سيفطتهم ليه..هو عارف اش غيدير راسو
وصلات 5 دخلت فيقت جود
انا: جوود..نوض راه مبقاش لوقت
جود: واش نتي متنعسي متخلي حد ينعس
انا: جود راك نعستي 5 سوايع باراكا حشوما عليك نعستي و انا بقيت بوحدي
جود: واش منعستيش بمرة
انا: تؤ تؤ 😦 نوض عفاااك 😣
جود: بعدي مني خليني ناعس
انا: واخا هانا نايضا اصلا انا مسافرا عندك 30د نلقاك واجد و لا راك كتعرف طريق الرباط رجع فحالك
جود توgض : فين غادا تاني
انا: ل***** سربي
جود: من نهار عرفتك و نتي زربانا
انا(اللهما نزرب ونكمل حياتي معاه و لا يسبقوني هوما و يدو حياتي و انا كنشوف): مبغيتيش ياله.. بشاااااخ
جود: مك اش درتي 😠
انا: والو غير فيقتك ابرو😇
بعد مده ________
انا: جود قربنا نوصلو
جود:باقي شويا
انا: جود
جود: ممم
انا: بغيتك تمثل خطيبي😄
جود ضرب واحد الفران: شنو😲
انا: مالك مصدوم😯
جود: علاش(شرحت ليه)
وصلنا للمطار..طلعنا و قلعات الطيارة..
**عند الكليكة **
7 وهوما باقين جابدين عليه
زاك: طن..طن..طن..
نزار: اش هاد الصداع
زاك: فيق خلينا نفيقوهم راه غيفوت عليكم الوقت
نزار: شحال الساعة
زاك: راها 7
نزار: سربي سربي واش كلهم باقين ناعسين
زاك: سربي خلاص بدا بغزل هي الاولى
نزار: سير على الله
زاك: غزل نوضي سربي...كيحيد الريدويات
غزل: ممم بلاتي شويا
زاك: سربي راه جهاد جايا
غزل قفزت: اوييلي لا
زاك : على سلامتك سربي مبقاش الوقت
غزل: انا غنفيق البنات سير عند أمير
غزل: شمس نوضي قمر فيقي
قمر: 5د و انا معاك
غزل: سربي راه 7:15
شمس و قمر😱😱😱😱
غزل: ماشي وقت الصدمة نوضو
نزار: بشااااخ
سليم و يمان: بسملهرحمرحم
نزار: على السلامة تقلعو
سليم: الله يحرق طواصلك
يمان: مالنا على الصباح
نزار: 7 و ربع سربيو
زاك: امييير نوض خلاص
امير: واخا هانا نايض ..غير دار زاك و امير رجع تغطا
زاك تلفت وهو يتم جارو من رجلو : نوض خلاص غتعطل
امير: اففف خولة فاقت
زاك: بدل حوايجك نتا انا غنفيقها
قمر: ضيااااااااء نوض
شمس: أسيييير نوض
ضياء و أسير: وي شاااف
شمس و قمر: 😂😂😂😂 راه غير حنا
ضياء: تفووتهنيت من مكم جيتو نتوما
قمر: الوقت مبقاش سربي خلاص
أسير: نوض بالزربة ناري عندي امتحان
ضياء: و الله تاخيب بلان هادا الدورة الاولى فكاليفورنيا و التانيا فالمغرب يخخ
غزل: سرررررر سررررررر
رنة: ايثار طفي الزبل
ايثار: راه ماشي انا
غزل: نوضو بالزربا
ايثار: ويلي المدرسة
رنة: ناري نسيت امير
غزل: امير فاق و خولة تاهيا فاقت و زاك مشا يوصلهم و نتوما بقاو تشوفو فيا راه 7:30
تجمعو الدراري كاملين لتحت ركبو فلوطو و خرجو
وصلو لباب المدراسة
ايثار: فين عهد
غزل: شكون فيقو
نزار: ماشي انا
سليم: ولا انا
يمان و رنة: ماشي انا
ضياء: مقربتش ليه
شمس و قمر: و حنا لا..بقا أسير
ايثار: أسير مشتيش عهد
اسير: لا
ضياء: انا غنصوني ليه....الو
عهد: وي
ضياء: فينك اصاحبي راه عندنا امتحان
عهد: راه نتا لي فينك الاستاد غيدخل و نتا و نزار و غزل غابرين
ضياء: على نتا دخلتي
عهد: من شحال هادي..طيط طيط
ضياء: ولد الحرام راه دخل..تلفت لقا راسو بوحدو .. وهانتا كلهم دخلو..ناري الامتحان دخل كيجري دوزو الامتحان و تجمعو فالكافيتيريا
ايثار: كيدرتي ليها نتا
عهد: فيقاتني حبيبتي اما كون عولت عليكم كون وصلت معطل
ايثار: مم حبيبتك
عهد غمز نزار: اه هيا بعدا مكتنسانيش
ايثار😒: اوكي ..ناضت من حداهم
نزار: حشومة عليك
رنة: ايثااار تعالي راهم كيتغامزو عليك
سليم: دخلي سوق راسك
ايثار رجعات بركات حداهم
عهد: حمقة😉
يمان: لا بصح شكون فيقك
عهد: ختي هيا للي فيقاتني
اسير: و علاش مفيقتيناش نتا
عهد: هي فيقاتكم زعما
كلهم: لا😡
عهد: لا راه صونات مع 5 غير قلبو انا راه فقت و خرجت درت سبور رجعت مع 6 لقيت الصقيل قلت يمكن تكونو خرجتو بدلت حوايجي و خرجت فطرت فالزنقا و جيت على حساب الامتحان
نزار: 6 حنا باقين ناعسين راه مفقنا تال7:15
عهد: ولكن هي صونات عليكم
بداو كيقلبو تليفوناتهم كلهم مفيقاهم شافو فبعضياتهم و بداو كيضحكو
عهد: اوا نتوما فوتيف ماشي هيا و لا انا
كملو الدراري غداهم فنشاط و الضحك و رجعو يكملو قرايتهم
**فتركيا**
جود: امم تركيا زوينا واخا كاين البرد
انا: سي نورمال راه التلج دبا غير متنساش تمثل راحنا كوبل
....: واااعد
تلفت وهو يتلاح عليا واحد الولد صغير تكون عندو 3سنين
انا: زينو توحشتك
زين: تانا .. وعدي شكون هادا
انا: هادا جود
زين: عمو بغيت نولي بحالك
جود : ههه علاش
زين: كتبان بحال الابطال عندك عضلات بزاف
جود: واخا مي خاصك تكبر بعدا..تعالا عندي
انا طلقتو وهو هزو
انا: زينو فين بابا
زين: راه هوا(شير ليا بايدو)
جود: شكون هداك
انا: فهد لي عاودت ليك عليه
جود: امم فاش غيعاونك
انا: ههه هو طبيب بغيت نسولو على ماما ياله نمشيو عندو
زين: وييي غتمشيو معانا يااك
جود: شوف طاتي وعد
انا: ههههه طاتي وينو
جود: كضحكي عليا..لصقي حدايا متفنفنيش
فهد: الزوينة على سلامتك
انا عنقتو: الله يسلمك توحشت ميرا و ليندا
فهد: غير هوما
انا: نتا راك الكل فالكل..جود هدا فهد..فهد هادا جود
جود(قاطعها): خطيبها مشرفين
فهد : مشرفين بان ليا زين رام ليك
زين: حيت هوا زوين
انا: ياك انا جاتني الغيرة
زينو: هههه لا نتي تيتيزا
جود و فهد😲
انا: وينو منين جبتي هاد الهضرة
زين: كيقولها عهد لايثار
انا و جود😅😅😅
فهد: ياله طلعو غنمشيو لمدرسة ليندا عاد نمشيو لدار..طلعنا ووصلنا لمدرسة ليندا بنت زوينة و هادئة مكتهضرش بزاف ذكية و حدوديا كتشبه لوعد ملي كانت صغيرة عزيزة عليها تكون بوحدهاعكس خوها و واليديها..بعد مدة وصلنا
انا: مرحبا بيك فقصر آل جبران
جود: قصر كبيير بزاف و زوين
فهد: مشتي والو..وعد بدلات الديكور ديال القصر كامل
جود(تيعاون وعد و نفس الوقت باغي معلومات على القضيه تاعو): علاش وعد كتحكم فكلشي تاهنا
فهد: ماشي بداك المعنى
جود: اوا علاش نتوما كتعيشو فنمط الحياة ديالها
فهد: منيتك اصاحبي اشمن نمط راه حياتها متقد عليها غير هيا اما القصر راه بسميتها من نهار ماتت سارة و نسمة كتباتو لوعد داكشي علاش الديكور من اختيارها
....: وانا للي درت التصميم
انا: اوو ماري اي ميس يو
ماري: مي تو
زين: مامي سوفي عمو جود
جود: مشرفين
ماري: وأنا اكتر
فهد: دخلو واش غتبقاو فالجردة..دخلنا و لقينا الطبلة واجدة ترئستها و ليمن ديالي جود و ليسر فهد و حداه ماري اما الدراري طلعو لبيوتهم
جود: فغيمون دوقك عجيب
ماري: ههه ماخصكش تعيب على دوقها
جود: هههه علاش
فهد: حيت ختارتك😉😉
جود😅😅😅
انا:😏😏😏..فهد بغيت ندوي معاك فواحد الموضوع متعلق بصديقتي
جود ستغرب حيت مقلتش ليه ماما
فهد حبس الماكلة: اوكي هانا كنسمعك
انا: ماشي دبا تا ليل
سالينا الغدا و بقاينا باركين كنضحكو و نتعاودو كل واحد فينا كيعاود اشنو دار فهاد العامين للي متلاقيناش فيهم وخا كنا كندويو فتيلي و جود غير كيسمع و من خلال هضرتي فهم بلي مفراسهم والو على خدمتي بقات ماري كتسول على كيفاش تلاقينا و كيفاش ولينا كنبغيو بعضياتنا مرة نجاوب انا مرة جود و حتا هوا مكيقولش الحقيقة كاملا مذكرش المضاربة ديالي صراحا زاد كبر فعينيا حيت متفهمني و مسايرني و معاوني...داز النهار زوين ضحكنا و نشطنا و زينو تعلق بجود شويا جود جاتو ابيل فيديو شافها و غمزني باش نتبعو خرجنا لجردة بركنا فواحد الفوتوي
انا: جود مالك شكون كيصوني
....: اووه غبرتي عليا مبقيتي تصوني و لا تسول
جود: مم زعما توحشتيني
...: لا غير بغيت نسولك
جود كيشوف فيا و انا كنشوف فيه مستغربة من الطريقة باش كيدوي معاها و الفرحة لي باينا على وجهو
جود: واخا سولي
...: وصلو شي وراق لأسير
جود: ديالاش هاد الوراق
....: الفيلا لي حداكم ديالمن
جود: ديال واحد البنت...
