°°°°°°°°°°°°°°°°°°°°°°°°°°°°°°°°°°°°°°°°°°°° خرج مكسيري لفين كاين gps ديال لوطو ديالها كانت مبلاصياها حدا البحر كان البرد واخا مزالين فالصيف داكشي علاش البحر خاوي بقا كيقلب عليها ووالو حتى لمح شيحد فوق الصخر فعلا كانت هيا حيدات حوايجها وتلاحت تسمع الصوت مجهد بقات غاطسا مدة طويلة تحست بشيحد جرها من رجلها دارت ومبقات كتحس بوالو الرؤيا مضببة وكتحس بحريق فراصها عارفا بلي شي حد هازها ولكن شكون الله أعلم كانت عاطيا منو ريحت لبسة ديال الغطس دار ليها اماسك باش تنفس تحت الما شوية بشوية معقلات على والو...
#بعد 3 أيام...فقصر ال جبران لي الفرحة مدفقا منو حيت واخيرا دانييل ههه بغيت نقول رعد رجع كيمشي على رجليه والاهم رجع ليه البصر ديالو تاحد معرف كيفاش لي عارفين هوما ملي كانو باركين فالجردة مكالميين تسمعو صوت الخبيط وشي حد جاي كيجري كان هوا لي نازل كيجري من الدروج فرحان وفرحتو مكاملاش حيت ختو مكيناش معاه حاول ينفي داكشي لي سمعو صونا عليها حتى عيا ووالو قرر وهو عمرو رجع فقرراتو خلا كلشي تانعسو من بعد حفلة بسيطة داروها بمناسبة الشفاء ديالو
لبس كيطما كحلة دخل لبيت ختو وهز السلاح من البلاصة لي وراتو قاد المسائل لي غيحتاج وخرج كيتسلت هز سكوتر كبير وطار من تم موقف تال حدا البلاصة لي طلبو منو يجي ليها حط السكوتر فبلاصة بعيدة مشا مسافة ماشي طويلة بزاف توصل لواحد الخلا لقا هيليكوبتر كتسناه طلع فيها نزلوه فسطح واحد السفينة فتشوه لي كارد ملقاو عندو والو من غير شي حوايج معندهم باش يفيدو وهادشي ثار الشك فعقولهم كيفاش جاي للموت برجليه بلا حتا حاجة يدافع بيها على راسو..سدو ليه عاينيه ونزلوه جارينو طلعوه لواحد البلاصة من خلال الاصوات قدر يعرفه بلي منزلينو لقبو بقاو غادين بيه مدة حتا وصلو لواحد البيت مضلم غير دخلوه لتم سمع صوت شهقات متقطعة رماوه لداخل وسدو عليه الباب
رعد: شكون هنا
....: رعد هادا نتا
رعد: افف اش كدير هنا شكون جابك
....: معرفتش كنت خارج من لاصال توقفت عليا اوطو كحلة وهزوني جاو لاحوني هنا
رعد: تفووو اش هاد الوحلة الخطة غتضرب فالزيرو
....: ونتا شكون جابك هنا
رعد: راهم خاطفين وعد معرفتش اش واقع ليها
.....: هىء هىء غيقتلونا
رعد: امير تكالما اصاحبي راك راجل مخاصكش تخاف
امير: خايف بزاف
رعد: قرب عندي (عنقو وهوما ايديهم مربوطين بقا كيدوز ليه على شعرو تاتهدن) ودبا فين غتكون وعد
امير: شووو كنسمع التخرشيش(تلفتو مبان ليهم والو مع الضلام امير فاش خطفوه كان عندو صكادو بقا كيتلمس فالارض حتا لقاه حلو وخدا منو ستيلو قلبو وورك على واحد الزر شعل الضو)
رعد: منين جاك هادا
امير: مصيباه ليا وعد نوض قلب شنو هاد الصوت (ناض رعد كيقلب بشويا تالقا جثة طايحا على الارض ايديها ورجليها مربوطين وكانت شبه عاريا لابساغير دوبياس قلبها وحس بقلبو تخطف كانت ختو سادين ليها فمها وكلها كترعد عينيها حمرين بحال مدمني المخدرات كلها عامرا دم بقا كيضرب ليها فوجهها)
رعد: وعد فيقي اش دارو ليك(حيد ليها اللصقة فمها زرق)
وعد: م...ما...لما(بصوت شبه مسموع)
رعد: منين غنجيب الما
امير: اجي فكني راه عندي الما(مشا عندو وفكو بعضياتهم عطاها الما..هز امير القرعة وخوا ليها على وجها وراسها)
رعد: حبس راه البرد غتمرض
امير: تؤ خاصها تفيق (حل السنسلة لي كانت بحال الساروت فعنقها وجبد منها حبة شربها ليها عاد بدات كتفيق معاه وتصحصح دازت مدة قصيرة ورجعات لوعيها حيد رعد تيشرت ديالو ولبساتو هيا امير بقا داير ليهم الضو)
