الساعه تشير الى الواحده ليلا..
كلهم مجموعين سالات الحفله و الناس لي ما تيهمهمش الأمر مشاو فحالهم..بحال عائلة سقراط مثلا.. وعد لي نعسات مثلا و داها راجلها لدارهم..
يوسف و عائلته و جود و سعد و عائلته كلهم باركين فجهه فالمقابل كاينا جاندي و عهد و نزار و زاك و امير و مريم و غزل..
يوسف موجه هضرتو لعهد: نتا كنتي عارف ختك مزوجه
عهد: وي😊
يوسف:مزيان تبارك الله و بالسلامه حضرتي لعرسهم؟
عهد:لا غير سبوع بنتهم(صدمة اخرى)
سعد:وعد عندها بنت؟
جاندي:وي بنتها عندها عامين و سميتها انستازيا
سعد:واش استحمرتوني انا و عائلتي و لا شنو
غزل:بكل بساطه نتا خطبتيها على ود المهمه (شافت فجود) و نتا تقربتي منها بردو لنفس السبب و هي وافقات لهاد السبب
يوسف:اشمن مهمه
غزل:عمي يوسف هاد الزوج بزوجهم ضباط فالمخابرات واحد ديجا فالمغرب و التاني عاد انتقل من كاليفورنيا و انا و زاك انتقلنا من المانيا و كلنا عندنا مهمه متعلقه بالمافيا لي خطفات خالتي ساره و الاوامر جات من لفوق باش هاد زوج يراقبو حفايد جبران لي وعد منهم و بزوجهم هملو مهماتهم و ركزو على وعد..بالمختصر المفيد الشاف الكبير خطط لواحد التدريب لي غادي يبدا مع بداية رمضان الاسبوع الجاي ان شاء الله يعني الفرقه كلها غادي دوز رمضان وسط التدريب و خالتي جاندي باعتبارها وحده من الاعضاء المؤسسين لفرقة الوهم غادي تكون مشرفه بلاصة وعد
يوسف: وعد!
جاندي:وعد بهويتها الحاليه هي وريثه من حفايد جبران.. و بهويتها جهاد هي جنرال اوبرست ذات النجمه الخماسيه رتبتها عاااااليه فوق مني و من سعد و جود و من الرئيس د المخابرات و ما غيقدر تاواحد فيكم يتحكم فيها... اما ادم هو الامبراطور لي أغلب رجال الاعمال باغين يخدمو معاه منهم نتا ا يوسف(مع غمزه)
ساره:ايمتى تزوجو
لحظات صمت كلهم تيشوفو فبعضياتهم..
زاك مسح بايدو على راسو: تزوجو ست سنين هادي ملي كان عند وعد 14 سنة دارو العقد و تزادت عندهم بنت فاش دارت وعد 18 عندها هي و بنتها نفس تاريخ الازدياد..(ياله اتهضر ايثار) تزوجو لدواعي أمنية ما غنقدروش نقولو حوايج كثر من هاكا من الاحسن كل واحد يديها فراسو و للتحذير ادم ما معاهش الضحك كل واحد يمشي لخدمته
بداو تينوضو فحالهم تا نطقات مريم لي دايرا رجل فوق رجل
مريم:وعد...براگننت سو ما غاديش تمشي للاكاديمية هاد الفتره نتمنى تكونو متفهمين الوضع (هزت حاجب) تنأكد ليكم الامبراطور ما معاهش اللعب..
كلهم تيدورو ديك الجمله تاع الامبراطور ما معاهش اللعب وقف سعد و خرج لا كلمه لا زوج حاس بالشمته و تيتوعد لوعد بعقاب شديد... في حين جود تبسم بارك لساره على حفيدها و خرج فحالو بقاو الناس مجموعين من غير زاك لي حلف على مريومه تبات...
طلع ضو الصباح و كلها و حاله و كلها و فين كاين.. لي فالتدريب لي فخدمته لي فقرايته ولي مزال ناعس بحال وعد مزال خاشيا وجهها فعنق ادم تا حسات بلمسات صغار حلات عينيها باش تتقابل مع نسخه عليها وسعاتهم بدهشه و ناضت قافزه خلات ادم يفيق صاعر
ادم:بشويه الحماره راك حامله
انا(بعدم مبالات ليه عنقات بنتها): حبي كبيده ديالي الفنون د ماماها توحشتك(تتعنق و تبوس) اححح على رويحه فيك اماما حبي انا
نازيا:ههههه ماما صافي صافي تتهليني
انا:توحشتك ابنتي توحشتك بزاااااف مااااح عليك (وقفتها) هاي هاي هاي شكون مشط ليك حبي وينو الگرينات شكون عملالك الكتيكيتا ديالي
نازيا:طاتي ليما
تلفت فادم مستغربه!!
انا:واش مكانتش نازيا عند ماما ايلي(نازيا تتحرك راسها بلا تلفت فيها) كنتي عند طاتك ريما (حركات راسها باه و هي فرحانه) هاي هاي هاي
ادم:سيري ابنتي را مك هترت
انا:بركي احبيبه هنا مامي دوش و تجي
دخلت ندوش تا لصق فيا ادم...
#بعد مده فالطابله د الفطور
بارك ادم فرأس الطاولة فجنبه ليمن باركا انا و فليسر بارك الامبراطور الصغير جود بنسوده السن 6 سنوات الكاركتير تاعو نسخه على ادم كيف لا و هو لي مربيه حدايا باركا ريما الصديقه الصدوقه ليا حداها بنتها جوديا 6 سنوات و حدا جود بارك زين لي هو راجلها و صديق ادم الانتيم..حداه بارك جاد الابن التاني توأم جود الكراكتير تاعو تيشبه لعمته مفروح و هارب ليه بالبيان فجنبه لصقات بنتي الزوينه و لصقات فيها رباب بنت زين و ريما الصغيره من سن نازيا..
مريم:واحد السلام عليكم
ادم(هز حاجه):و عليكم السلام باينا تحلمي بينا و لا شنو
مريم متسوقاتش ليه هزات نازيا لي ناضت تتجري عندها و تتغوت طاتي..
#فبيرو ادم..
ادم بارك تيسمع لمريم و انا باركا فوق رجليه و زين بارك تيسمع تاهوا و جود البزقول معانا..
مريم: عندك صفقة جديدة
انا: اشمن نوع
مريم: شحنة تاع السلاح
انا: شكون بغاها و علاش و فين وايمتا
مريم: روسيا لواحد الشخص سميتو دانييل معلومات ديالو كلها مشفرة تاحاجة ملقيتها منغير سن والاسم
انا: شحال عندو هاد خونا
مريم: قدك شي 20 سنة(زين شاف فآدم و شفتهم و ما بينتش)
انا: صغير بزاف على كوموند ديال السلاح يمكن يكون طعم
زين : حتا انا شكيت ف**** ولكن نقدر نكون خاطئ
ادم: اوكي عطيه مهلة ديال شهر نفكرو ومن بعد نجاوبو
مريم: راه عندو شروط
انا: سمعي نقولك باقي متزادش هادا لي يشرط عليا علمو بلي قلت ليك بغا هو هداك مبغاش عطا الله لي يصنعو ليه
مريم: ولكن راها صفقة مزيانا
انا(وقفت): مريييم متجعريش دينمي على الصباح ديري خدمتك
مريم: صافي اوكي
خرجت من داك البيرو تنفكر..منين خرج هذا تاني اكيد ماشي من المخابرات حيت كون كان منهم كون وصلاتني خبارو قبل ماتجي مريم.. دخلت بدلت حوايجي و خرجت خاصني نتاقم على داكشي لي دارو ليا..و لكن فالاول تطرق واحد المسمار.
*عند زين*
دوز رقم..مورا ثواني معدوده جاوب الشخص..
زين:فيلا اليزا اشهاب نص ساعه نلقاك تم
شهاب:ما ت*وي ما تخلي لي ي*وي على خاطرو
زين(شاف فالساعه): كاين شي نعاس دبا
شهاب:شباغي اتبي سربي قطعتيها فينا الله ي (قاطعة صوت انثوي)
هي:اشش صافي سكت
شهاب: جيب شيري معاك كاينا مهمه ليكم
قطع عليه شهاب و هو مغزف فنفس اللحظه صونا زين على رقم اياد عميل ففرقة الوهم مقر الاقامه ديالو فاستراليا..
اياد لي عندو الليل جاوب بصوت ناعس: الو
زين:****** اي معلومه تكون كيما كانت تحضر عندي هنا خاصك تلقا اي حاجة تفيدنا
اياد: اوووفف على وحلا قطع ليا البيي يوماين وننزل
زين: ليكن فعلمك غتلاقا بالعملاء لاخرين
اياد: باش غنعرفهم
زين: الوشم لي فايدك هو رمز التواصل بيناتكم متبينوش غير فالوقت اللازم خود هاد العنوان فين خاصك تمشي غير توصل غتلقا سيارة كتنتاظرك رد بالك منبين زملائك كاين عنصر خطير فالتمويه كل واحد فيكم عندو معلومات خاصة مخاصش لاخر يعرفهم مفهوم
اياد: مفهوم
**تركيا**(فتيلي)
....: وي
زين: أهلا *****
....: كاين مانقضيو
زين: مالك على هاد الزربة ولكن كيعجبني الحماس ديالك
....(داير رجل على رجل): طلقني خلاص
زين: غنقطع ليك البيي خاصك تكون فالبلاصة لي غنصيفط ليك من هنا ليوماين
....: علاش الوهم معلمنيش
زين: الوهم معارفش المهم عندنا مشكل وخاصكم تحلوها قبل مندمو كاملين
....: كيفاش كاملين وخاصكم
زين: راه واحد العميل تاهوا غيكون تما
..: اوكي(قطع)
