فبلاد بعيده على المغرب و كاليفورنيا بالضبط ففيلا آل جبران فالمانيا فين عايش زاك و خوه سهيل و عائلته..
زاك لي تيجر فلفاليز تاع ولد خوه و هو تيسب و يلعن فوعد لي غابره و فامير لي حلف ما يقوله فين هي..
امير: ازاك راك غ تضيع الحجره انا ما غنقولش هي مغتجاوبش ما تبقاش تصوني ليها
زاك: امير بلا تبرهيش فين مشات وعد را اذا ما رجعاتش غادي تجبدو المشاكل ليها و لينا
امير: ليك نتا ممكن اما انا و ياها مطازش علينا البشر😊✋
زاد امير مخلي زاك اينفاجر.. مورا ما سهيل و مرتو و بنته نزلو للمغرب و هو بقى معطل بحجة ايجيب معاه وعد و رجلو على رجلها..حل الباب د لوطو ديالو و هو مزال تيسب تا تفاجئ بيها سابقاه و تتخنزر فيه فالبلاصه زم فمه
حطات راسها على الزاجه تتخمم فشنو خلات موراها و شنو غتلقى قدامها..
امير لي كان شاد الطابليط تاعه و دماغه سارح فحوايج تقالو ليه غير لبارح..
😋😋😋
فبلاد تاهيا بعيده و لكن ماشي المانيا و انما فينلاندا..
تزحزح بشويه باش يبان وجهو من وسط المخدات اية فالجمال ماشاءالله.. اشعه الشمس القوية لي ضاربا وسط داك الكوخ الزجاجي سرح ايدو تيقلب على اميرته.. مالقاهاش.. حيد ليزار و ناض هاكاك على أمل انها فالدوش.. بردو خاوي رجع هو بينوار و نزل تيقلب مكانتش.. طلع تيقلب واش مخليا ليه شي رساله.. دخل لدريسينغ لقاها مقاده ليه حوايجه و كاتبا ليه مسج فوريقه..
"حياتي أنا غادي تبدا المهمة ديالي غدا ان شاء الله مضطرة نقطع التواصل تاعي معاك متخافش عليا مراتك فران و قاد بحومة نشوفكم على خير فاش تسالي المهمة ديالي تهلالي فراسك و الكبيده ديالي احبي"
حط الورقه فمجر صغير.. و دخل دوش قاد حالتو و لبس كاجوال.. خرج من الشومبغ تاعهم مورا ما طرفها توجهه لشومبغ لي حداه.. حلها بشويه و رجع سدها و نزل لكوزينه تيوجد الفطور تا سمع تقرقيب فالغرفه التانيه طلع بالزربة و اذا بها صغيره ذات السنتين تتعلى باش تحل الباب..
..:دادي
---: الحب ديالي دادي اميرتي الزوينه الفنون ديالي انستي
انستي:ما تقولش ليا انستي ا دادي اوف متتعزبنيس قوليا نازيا كيما تتقول مامي
...:واخا نازيا الغزاله د باباها واش نتي الفاره عندك عامين ها ها (تيهرها.. غسل ليها وجهها و نزلها تفطر معاه)
نازيا:بابي شنو تتصاوب
الاب:تنقاد للاميره انستازيا الزوينه الغوفريت لي تيعجبوها (كمش عويناته) و بالفريز لي تيحمقها
نازيا: ياااااااي دادي تنحمااااك عليك بزاااااف
الاب: يخليلي الفنون ديالي العسل(تيعصر حنيكاتها و يبوسها) الغزاااااله د سقراط هي نتي (هزها تيوكلها) واش شي حد عنده بحاااال هاد البنية يا ربي ( تيهرها) ياله الحبيبة ديالي كملي طبسيلك باش ما نتقلقش منك
نازيا:بابي فين مامي
الاب: ماميتو سافرات لشي خدمة تساليها و ترجع عندنا
نازيا(بحزن مخفي): تاني مشات..صافي(حنات راسها) بابي ديني اند ميلو
الاب:ميلو ديالك احبيبه مكاينش سافر مع باباه و نتي الزوينه غتبقاي مع باباك تاتقاد ماماك الوضع تاعها و نزلو نديرو ليها سيربرايززززز
فرحات انستازيا و حلات سنسلتها تتشوف فصورة ماماها لي فوطوكوبي ليها..
🐼🐼🐼🐼🐼
فالمغرب و بالضبط فالعاصمه الاقتصاديه الدار البيضاء..
فحي راقي طلعات فالعماره ديالها.. حلات باب شقتها الي مزال نقيه واخا غيابها شهووور عليها حيت تتجي السيده لي مكلفه باش تنظف توجهات لغرفة مسدوده و تأففات من الغبره لي كاينا حلات الريدويات دخلات شميسه للغرفة و بداو معالمها تيبانو نظفاتها بسرعه و حلات البيسي ديالها و جبدات الضوسيات من الكاغطابل تاعها..تقابلات مع داك الحيط لي مصبوغ كله بالنواغ و فيه صور و مقالات من صحف مغربيه و اخرى عالميه فيه صور اشخاص و اماكن.. فيه ارقام و عناوين فيه حوايج بزاف علقات شنو جابت معاها هاد المره و جرات كرسي و بركت..و هي تتسائل شنو العلاقه لي تتربط بين زوج ديال الناس نطقات اسماءهم ببغض..
هي:يوسف آل جبران و ستيفان سالفادور شنو هي علاقتكم بزوج شنو دايرين لبعض باش تكون حياتي انا الثمن.. شنو سر ديك الحقيبه لي كلكم تتقلبو عليها (حولات عينيها لديك الخزنه الزجاجيه لي محطوطه فيها الفاليز الفضيه ) شنو سر العداوة لي بيناتكم باش تحرموني من ماما علاش انا بالذات علاش وعد هي لي خاصها تعاني (جات عينها فتقريرها الطبي) شنو هو حل هاد المرض اوف شنو هو السبب بعدا كيفاش انا وصلني هاد المرض اصلا (شدات راسها) اوووف ما غنقدرش نتحمل هاد الصداع فراسي بزاااف خاصني حل(وقفت و هضرات بحزم) هاد المره ما جيتش فابور عندي گاع المعلومات عليكم بزوج خاصني نفك خيوط هاد القضيه و نعيش مرتاحة هاد المره ما جيتش باش نبان وعد ديك البنت الصغيره لي قدرتي(شافت فستيف) تخطف و تعذب (شافت فيوسف) و لا البنت لي تحرمت من كلشي باش تعيش نتا هاني انا جيت باش ندمركم بزوج و نحرم النوم من عيونكم كيما تحرمت الراحه غادي ندمركم غادي تعرفو المعنى د أنكم تعيشو فوهم و هادا اسوء وهم غتعيشوه..
ختمات هضرتها بنظره قويه لصورة ساره جبران و هي تتوعد لدوك الزوج بأنها غادي تنتاقم لماماها و لحياتها لي ضاعت..
هادي البداية فقط..
