*نهاية الفلاش باك..كانت وعد نعسات معنقه بنتها و لكن دماغها مزال تيفكر...
**بعد أسبوع**
ريتاج: طلق مني المرض مشغلكش
اياد: اش هاد البس ديال الق*** لابسا طلعي بدلي
ريتاج: مشغلكش هادي خدمتي وانا عارفا شكندير بعد مني
اياد: والله ومحشمت تنخلطك هنا (بالغوات) طلععيي
..طلعت ريتاج كتنفخ دخلت لبيتها وسداتو تبعها اياد كيعاير دق فالباب..
اياد: ريتاج حلي..حلي باراكا من هاد المرض ولا غنفرعو(بقا كيدق تعيا فالاخر هرس الباب دخل كيقلب عليها ملقاهاش سمع صوت الما فالدوش)
ريتاااج خرجي ولا غندخل(بقا كيتسناها محلاتش ليه دخل عليها مع الحلا مع الزلgا كابا قرعة الشومبوان جمع الوقفة سد الما جاي خارج بانت ليه كتبا فالمرايا بالعكر..¥ حبيبي باقي متزادش لي يفرض عليا رأيو سو ديها فراسك و خدمتي مدخلش فيها¥ ختمات رسالتها بقبلة مشا لبالكون لقاه محلول عرفها نقزات...نمشيو عند ريتاج فاشهر نادي ليلي فموسكو عاصمة روسيا بلد المافيات بامتياز بارك بلباسها المثير كتبان كبر من سنها شادا كاس دلمشروب فايدها وكتلعب بصبعانها بحركات مثيرة
حاضيا فريستها لي تقريبا طاح فالفخ تقدم عندها بخطا تابثة رغم المشروب الا انو مأثرش فيه شد فايدها وقبلها بجنتلمانية(الحوار بالروسية)
هو: اش هاد الجمال كنشوف قدامي
ريتاج: 😊 شكرا
هو: متشرفيناش بسمية هاد القمر
ريتاج: انا تاجيشواني ميراكل بيير
هو: ههه سميتك طويلة بزاف
ريتاج: ههه عارفا تقدر تعيط ليا تاج و نتا
هو: ستيفان ولي كنبغيهم كيعيطو عليا ستيف
ريتاج: ودبا باش نعيط ليك
ستيف: عيطي ليا غير ستيف
ريتاج: مشرفين مسيو ستيف
ستيف: شحال عندك
تاج: عندي 22 سنة
ستيف: وشنو كدير انسة بحالك هنا وبوحدها
تاج: جيت سياحة وعجباتني المدينة مكرهتش نلقا خدمة هنا ونستقر
ستيف: والى لقيت ليك خدمة شنو المقابل
تاج:عنداك يسحاب ليك انا من داك النوع سمحليا مسيو ستيفان(ناضت من حداه وبركت فطابلة اخرا بقات شويا ومن بعد خرجت عند الباب وقف عليها الكارد دارليها شي حاجة فنيفها وداوها وهادشي تحت أنظار اياد لي حبس راسو غير بزز باش ميمشيش عندها)
**فالمغرب**
نظرا لفارق التوقيت ياله عندنا الصباح
مانويلا: مدام الضيف لي كتسناي وصل
انا: اوكي انا غنزل
مانويلا: واش نحط ليك الفطور دبا ولا منبعد
انا: حطيه ليا فالجردة وديري بحساب الضيف
نزلت لجردة لقيت بنت فمقتبل العمر
انا: آنسة تفضلي
هي: سمحيليا كنتسنا المدام
انا: انا لي طلبتك تقدري تفضلي..خودي راحتك
هي: ههه
انا: كنتي كتوقعي شي حد آخر
هي: الصراحة وي توقعت شي مرا كبيرة فالسن تكون لابسا رسمي فيها شوية الشيب المهم شي حاجة بحال هكا متوقعتش بنت زوينة بحالك
انا: ههه عادي (منويلا حطات الفطور) تفضلي مرحبا بيك
هي: ربي يخليك يمكن جيت فوقت مبكر
انا: لا بالعكس كيعجبني الانضباط المهم انا قريت الملف ديالك ولكن نبغي نسمع من عندك
هي: احم انا مطر الادريسي 19 سنة كنقرا فمدرسة الهندسة كنتقن 4 لغات من غير العربي و الفرنسي كندوي بالروسية و التركية و الايطالية و الانجليزية
انا: على ماسمعت نتي من عائلة لباس عليها شنو لي يخليك تبغي تخدمي فهاد الوظيفة
مطر: أنا غنجيك لصارحة سمعت واحد المرة بلي الاب ديالي عندو علاقة بهاد العائلة معارفاش شنو سميتو حيت عمرني شفتو ولكن ماما كانت عندها علاقة بآل جبران
انا(هزيت فعيني فجود لي غ حالوك الرادارات عنده واخا بارك فالبالكون د بيته الا انه متأكده بلي قادر يسمعنا) مطر تبعيني
مطر: فين
انا: هاد الهضرة لي كتقولي مخاص تاحد يسمعها (ديتها لفيلا الخاصة منها نعرف شنو عندها ومنها الى كانت كتكذب غتعاقب تما وتاحد ميعرفها)
انا: ياله دبا دوي
مطر: ولكن علاش غنتيق فيك
انا: سمعي جميع أسرار هاد العائلة كنعرفهم والى كان كلامك بصح انا غنعاونك
مطر: مم نتي دخلتي ليا لخاطري نتمنى تكوني قد هاد الثقة
انا: اوكي غير دوي
مطر: قبل 20 سنة ماما مشات لتركيا مع صحابها عند صحابهم اخرين
انا: شكون هاد صحابهم لاخرين
مطر: غير وحدة لي كانت صاحبتها سميتها سارة و التانية التوأم ديالها
انا: ماما!!
مطر: واش نتي وعد
انا: وي انا هيا
مطر: فراسك عندي صورة ليك نتي و عهد ملي ياله تزاديتو
انا: كملي
مطر: المهم ماما بقات واحد المدة تما حيت كانت العطلة الصيفية طراو بزاف ديال الاحداث لي انا معارفاهمش بالضبط
الشي لي متأكدة منو هو ماماك و خالتك عطاو واحد البوسط فشركاتهم لماما على أساس غتولاه ملي تخرج
انا: وشنو هوا
مطر: يمكن شي حاجة متعلقة بلامود حيت ماما موديليست..من بعد تزوجو التوينز ولكن قبل كانت ماما رجعات للمغرب مي علاقتها ببابا بقات متواصلا دازت مدة وكانت ماماك حاملا قربات تولد مشات ماما لتركيا و لتاني مرة وعلاقتها ببابا زادت تعمقات وعلى مقالت ليا بلي ولاو كيبغيو بعضهم دازت مدة ودارو علاقة فنفس النهار لي ماتت فيه ماماك و خالتك تضربت بالرصاص ماما عرفت راسها حاملا معرفتش واش تقولها ليه ولالا بسباب الظروف لي كانت فيها العائلة وحيت خالتي سارة الله يرحمها كانت صديقتها المفضلة لتازمت الصمت فديك الفترة منبعد شهر قررات تخبر بابا بحملها ولكن وقع مالم يكن فالحسبان قالت ليا ماما بلي بابا كان جاي باش يشوفها داك النهار ولكن جدي كان موجد خطوبتها لولد عمها تما كانت اخر مرة يتلاقاو فيها لاهو عارف الحقيقة ولا عارف بلي عندو بنت ولا جدي رحمها حيت ملي طرا داكشي ماما فقدات الوعي وتما عرفوها حاملا جدي طردها من الفيلا وحرمها من سميتو و ورثو كون ما صحابها عونوها يعلم الله اش وقع..دازت ايام واسابيع وشهور كانت عند ماما سبع شهور ملي جدي عيط ليها طلب منها المسامحة حيت مقدرش يبقا مخاصم معاها نهار تزاديت فرح بيا حيت اول حفيد عندو وكتبني فاسمو وعمرو معرف سمية الاب ديالي لي انا براسي معارفاش دبا جدي الله يرحمو وفر ليا اي حاجة نقدر نحتاجها ودبا كيف كتعرفي كنت كنقلب عليه وبالصدفة لقيت البحت لي تلونصا على قبل أستاذ(ة) يعلم الدراري الصغار اللغة العربية فقلت هادي فرصة وجات بين ايدي منقدرش نضيعها
انا: مم اولا ماما باقا حيا
مطر: شنو؟؟
انا: ماما كانت طرات ليها حادثة و لمدة 19 سنة وهيا بعيدة ودبا رجعتها لدارها شي 4 شهر دبا
مطر: سعداتك
انا: نقدر نعاونك واش ماماك هي عبير
مطر: وي ولكن انا مقلتش ليك سميتها
انا(دورت ليها البيسي): هنا سمية المدراء ديال شركات Twin
مطر: مم دبا فهمت ولكن تقدري تعرفي شكون بابا
انا: مم .. احم عرفتو ولكن كاين مشكل هوا تزوج
مطر: مكيهمنيش ماشي ولابد يعرفني انا غير بغيت نشوفو
انا: هو عمي ياسين ومرتو مروى ولكن هيا ماتت ملي كانت كتولد يعني نتي دبا عندك ختك عندها 8 سنين أصغر وحدة فآل جبران
مطر(بصدمة): انا عندي ختي
انا: منكدبش عليك هيا واحد الشيطانة سميتها ريم وانا غنعاونك تعرفي عليها وتزيدي تقربي منها
مطر: بصح
انا: وي وفهاد العطلة كنقتارح عليك تبقاي معانا هنا فلقصر راه ديالي مكينش لي يآديك ولا يقرب منك تعرفي على عمامك وولادهم جدودك و عائلتك راها كبيرة بزاف خاصك ديري بلاصتك بيناتهم و تقربي من باباك هو واحد الانسان ضريف بزاف وحنين المهم الدراري غيرجعو غدا اذن غدا نتلاقاو ونعرفك عليهم (نزلنا من تما لقيت مانويلا كتقلب عليا)
مانويلا: مدام..مدااام
انا: شنو مالك
مانويلا: مسيو ادم جا راه فالباركينغ
انا: ويلي ..فين الكرسي ديالي
مانويلا: راه فالجردة
مطر: مالكي شنو واقع
انا: ليوم ادم يعلقني
مانويلا: مدام هاكي ها الكرسي(بركت عليه وتحركت تلفتت لقيت مطر فبلاصتها)
انا: ماشي وقت الصدمة ياله
مطر: ههه العجب مفهمت والو
مانويلا: حسن ليك
مشينا بركنا فالجردة وبقينا كنضحكو توصل ادم باسني ففمي وتحنا على كرشي باسها
ادم: حبيبة صافا ياكما بنتي كتعييك
انا: ههه ادم راه عندنا الضياف(تلفت فمطر لقاها حشمانا)
ادم: ههه سوري مشفتكش ولكن اول مرة نشوفك هنا
مطر: الامبراطور؟؟
ادم: كتعرفيني😕
مطر: انا مطر الادريسي كنتي عاونتيني فالبحث ديالي شكرا مرة اخرى
ادم: اه عقلت نتي نفس البنت لي كانت مضاربة مع المدير
انا: تانتي مشاغبة هههه دبا عرفت ريم لمن شابها
ادم: ريم؟؟....
انا: موضوع اخر دبا نعودو ليك من بعد..المهم مطر هادا راجلي ادم مم وهادي مطر صديقتي
ادم: مشرفين
مطر: ليا الشرف مسيو سقراط
انا: طلع بدل حوايجك ونزل باش نتغداو مجموعين
ادم: متبقايش تحركي بزاف اوكي(باس راسي وطلع)
انا😥😥: كون شافني كون مشيت فيها
مطر: علاش مالك
انا: ممنوع عليا نتحرك بزاف على حساب الجنين ياله عندي شهرين باقي ليا شهر وانا نستعملو
...: ولكن ملي متيكونش مكتبركش فيه
انا(تلفت): افف خلعتيني بغيت ليك جلطة ازياد
زياد: ههه تخافي متحشمي..متعرفيناش
انا: من بعد ازياد بدل ساعة باخرى
**فروسيا**
الراجل1: فين وصلتو
الراجل2: الشاف راه خاصنا نتحركو هو خطف بنت لبارح
الراجل1: مم لقيتو الهدف ديالكم
الرجل2: معرفناش واش نتيقو فديك البنت هي قادرا تجبدها لينا
الرجل1: مم إليزا..انا غنتصرف معاها الى كانت كتكذب عليا غندمها..ياله سير لخدمتك
الراجل2: وي شاف
الراجل1(مع نفسو): امتا غنتلاقاو ايمتا نقدر نعنقك ونشم ريحتك تانشبع عامين وانا كنقلب عليك وأخيرا نقدر نعتارف ليك كنواعدك عمرني نخليه يقرب ليك(شاد سنسلة فايدو كارز عليهاوعينيه فيهم شرارة الانتقام)
**فديبو مظلم ** شخص مربوط فكرسي وعينيه مغمضين
...: فكوني شكون توما
الراجل: تؤ تؤ حنا بغينا ندويو معاك مزيان ماشي...
كثر من 2000 كلمة...بزاف د الأحداث شنو رأيكم.. شكون الشخص الجديد لي بان و علامن تيقلب..
متنسااااوش فووووط
