Already Gone

End of part two

  Sorry for the slow update. Busy lang talaga. Anyway, enjoy this chapter.

    | IX. End of season 2 | long chapter |

Ilang linggo na ang nag daan. Nasa kalsada pa rin silang lahat. Nag titiis at nag sisiksikan sa loob ng sasakyan. Walang mainom. Ang mga pagkain nila ay mga nilutong hayop na paikot-ikot sa lugar nila. Ayaw man nilang galawin ito, pero wala silang magagawa.

'Survival of the Fittest. '

Yan ang nasa isip nila. Ayaw man nila sabihin ito ng malakas, naipapakita naman nila ito sa kanilang mga kilos.

"Hanggang kailan pa yang supply?" tanung ni Daniel.

"Ang itanung mo, 'hanggang kailan na lang...' " sabi ni Wade.

Pinapanuod kasi nila ang pag aayos ng mga babae sa mga pagkain na nakukuha nila. Maswerte na lang sila pag may nakukuha silang dalawa hanggang tatlong pagkain.

Dalawang sasakyan. Dalawang kahon ng pagkain. Tatlong galon ng tubig.

Hanggang kailan na lang kaya ang kanilang kagamitan?

***

"I'm hungry..."

"We all are."

Palipat-lipat ng bahay ang grupo. Sa proseso ng gawain nila, namatay ang isa sa kanila, si Patricia. Napuruhan naman ang braso ni Julia at Zeus dahil sa isang pagkakamaling aksidente. Kamuntik na namang mawala si Catherine at si Lucas ay unti-unting nag babago.

"Saan tayo ngayong gabi?" tanung ni Daniel kay Enrique na naka tingin sa binoculars.

"Wala ba kayong nakita na bakante kanina?" tanung pabalik ni Enrique.

Tinitingnan niya kasi kung naka sunod ang herd sa kanila. Yun kasi ang pinaka dahilan nila kung bakit sila palipat-lipat.

"Wala eh. May mga bakante pero hindi ligtas. Masyadong open." paliwanag ni Daniel pagka baba nila mula sa RV. Kakasikat lang ng araw.

Sumilip sila sa mga sasakyan at nakita na mahihimbing ang tulog ng mga kasama nila. Pinag papawisan ang mga kasamahan nila at nag sisiksikan. Pero ang importante, mag kakasama sila.

"Hindi ka ba nagugutom bro?" tanung ni Enrique kay Daniel.

"Hindi naman." saktong pag sagot niya ay kumalam ang kaniyang tiyan.

Natawa silang dalawa. Pumunta sila sa isang sasakyan na nasa gitna ng van at RV na may mga gamit nila. Sinilip nila ang box. Napawi ang mga tawa nila.

Nag tinginan silang dalawa. Napakagat sa labi si Daniel. Hindi niya alam kung anu ang sasabihin. Hindi nila alam kung anu ang sasabihin. Halos kalahating karton ng pagkain ang natitira at isang galon ng tubig.

"Anung gagawin natin?" nag aalalang tanung ng binata.

"Kung anu ang tama." sagot ni Enrique at kumuha ng isang biskwit. Binuksan niya ito at nag hati sila ni Daniel. Bawat piraso ng pagkain ay mahalaga. Kaya kahit papaano, nag titipid sila. Tig isang piraso lang sila at sinauli na nila ang natitira.

Buong gabi silang nag bantay. Kahit kumakalam ang sikmura nila, at mahahapdi na ang mga mata, patuloy lang sila sa pag babantay.

Pasikat pa lang ang araw ay bumangon na si Kathryn at Julia. Medyo tuyo na ang sugat ng dalaga. Nag kamali kasi siya ng bagsak kaya nahiwa ang kaniyang braso. Si Zeus naman ay bumagsak sa semento.

"Magandang umaga..." bati ni Daniel habang nag kukusot ng mata.

Mabilis humalik ang dalawang babae sa magkabilaang pisngi niya at tsaka bumati pabalik. Si Enrique ay naka tulog naman sa ibabaw ng RV. Naririnig nila ang pag hilik nito.