للكاتبة لوليانا ..
""مساءا عند بطلتنا راقده علي رجل امها وامها تلعبلها بشعرها ويتفرجوا حلووو التناغم بين الام وبنتها نتمنى في اللحظه هاذي ناخذلهم صوره قطع لحظتهم تليفون امها ...
ماما .وعليكم السلام .. الله !؟.. امتى .. باهي ماشاء الله. الحمد لله على سلامتها .. تتربه في عزكم ان شاء الله .. اي ان شاء الله .. حالها باهي توا. باهي سلميلى عليها ..مع السلامه
ماما. حلومه جابت
انا. الله شن جابت ياربي بنيه ياربي
ماما. تي باهي.. اي بنيه كيف طلعوها توا
انا. الله اكيده حلوومه فرحاانه
ماما. اي قالو غدوه بتروح بنمشولها
انا. الله نغير جوي مليت من الحوش
ماما. الا يسمع يقول حق وانتي نص النهار في الكليه وتمشي للذاعه
انا. نمشي ندهور في الكليه تي نقعد في الحوش احسن والاذاعه من امتى مامشيتلهاش
ماما. خيره نور معاش تجي
انا. هوا امتى اول امس جتني الصبح لقتني نسيق في الجنان هدرزت وروحت
ماما. والله امجد وليد ماشاء الله عليه عقل ورزانه وادب وخلاق علاش فسختي ماك كتني ميته فيه وهو ميت فيك
انا. عارفه واللهي عارفه نصيب هذا نصيبنا حني مش لبعض
ماما. تتغلي عليه تسحابيه بيقعد طول عمره يستنى امتى ترضي عليه ماهو صيوره يتزوج ويجيب صغار بعدين ماتقوليش كيف مافيش حد موقف حياته علي حد .. ومرت عمك تسحابيها ساهله تغيرت عليا هللبا تقوليها في وجهها حني فسخنا .. بوك وعمك ماتكلموش في الموضوع وقالوا هما لبعض يبوا والا مايبوش وتو يرضوا هذا كلام عمك
انا. "قعمزت"شنييي . .
ماما. بنتي ونعرفك متسرعه ومتهوره واكيده فسخة الخطوبه من تحت راسك . . وبوك وعمك قالوا هما لبعض اكيده متزاعلين وطيش صغار .. والولد اوني سافر ودوره ويروح يقول لامه اخطبيلي
انا. شني من هوا الا سافر
ماما. امجد
انا. امجد سافر ووين
ماما. مش عارفه ماقالش قاللهم مسافر وطلع
انا. "نضت حسيت روحي بندوخ دواامه من جهة كلام ماما ومن جهة امجد سافر مشي وخلاني سافر معاش بنشوفه.. باهي علاش سافر .. اني حتى ماشوفتاش ياريي يرجع والله مانخليه . باهي اني شن ذنبي نحبه .. "
"___""____'"
للكاتبة لوليانا ..
ليال. هلا والله ب سمسوم
سما. هههه هلا بيك
ليال. شنجك
سما. الحمد لله شنجك انتي
ليال. قبل ماتجي كساااد قريب قتلت روحي
سما. حاااله وتشدي تقري عيونك يطلعوا حاجه تفدد
ليال. مانحكيلكش
سما. وينها ليلى
"خشت ليلى بصفرة العصير "سمعت اسمي
سما. ابن الحلال عند ذكروا ببان
ليال. اذكر الحمار يجيك طيار
ليلى . اشي الكلبه "وسلمت عليها "
هلا والله بسمسومه
سما. هههههه شن متغذين انتم مش طبيعين
ليلى و ليال "شبحوا لبعض "زعما في الغذي
سما. ههههه شن جوك ليلى
ليلى . الحمد لله ماشيه وانتي شنج القرايه
سما . نفس الوضع جو الطب عاد
ليال. ليث خوي ولا كأنه في الطب تقول بطل قرايه الوقت كله وهوا راقد
سما. "وشادها تهدريز على الماسنجر"
"فات الوقت وهما يهدرزوا وسما بتروح طلعت وعمك ليث كان يستنى فيها قدام الحوش "
ليث. اهلا اهلا نور حوشنا يا جارتنا
سما. ترا حول من قدامي لنفش غلي فيك
ليث. خيرك والعه
سما. والا يشوف وجهك يقعد طبيعي
ليث. اي حقا بنقوللك
سما . شني
ليث. نبي شيت محاضرة بكري
سما. والله وعلاش ماخذيتاش
ليث. مامشيتش
سما. غدوه تو نعطيهولك
ليث. منوره يا جارتنا
سما. خذي وجهه "ومشت "
أنت تقرأ
حب بطعم النوتيلا
Randomرواية ليبية بقلمي الكاتبة الاء عبد الستار فتاة لا تؤمن بالحب وفجأة يظهر لها الهيام بذاته واسرها .. في كل مرة يهمس لها ب احبك يكاد قلبها ان يتوقف ظلت اسيرة عشقه .. حتى نهايتها ...
