((وهكي فات الوقت موضوع يفتح التاني روحت نور كسدت بروحي وزياده راقده خشيت للكوجينا ديما لمانكسد تجي الحاله عليها درت كيكه حطيتها في الكوشه نسمع في تليفوني يشرين خذيته لقيته نفس الرقم الا اتصل بيا يوم الاذاعه رديت ))
انا. الو
امجد. ايوا
انا. ((اول ماسمعت الصوت عرفته طول امجد عرفتوا شعور لما قلبك يدق فجأة وتسخن ومش لاقيه نفس هذا كان شعوري❤)) امجد
امجد. اي شن الجو
انا. ماشي شن جوك انت
امجد. تمام شن اديري
انا. مش حتصدق
امجد. شني
انا. كيكه
امجد. توا!؟احلفي
انا. اي توا
امجد . متعوده تسهري
انا. يعني مش هللبا لكن اليوم راقده
امجد. ااه قولي هكي من الاول خاطري نذوقها كيكتك الا في عقاب الليل
انا. حتطلع تحفه متأكده ومع ذلك ماتغلاش عليك
امجد. عا..."قصيت عليه "
انا. ااااااه امجد امجد (نسيت الكيكه في الكوشه)
امجد. خيرك
انا. كله منك (طلعتها من الكوشه لقيته مافيها شي )
امجد. الاء خيرك فيك حاجه
انا. نسيتها في الكوشه كله منك طلع مافيها شي
امجد. ههههههههههههههههههه اللهم لا شماته قولي الحق كيف شكلها
انا. ((الضحكه ياناس ياعالم بنطيييح بنسييييخ صوته الرجولي وضحكته ياربي نحبببه زي ماقالت نور ))
انا. بلا براده امجد والله ماصارلها حاجه
امجد. والدليل من بيعرف انك حرقتيها
انا. تي بلا جو ماصارلها شي قعده تهبلل😍واني نديرلها في صوص
امجد. الصراحه ماصدقتش لازم نشوف بعيوني
انا. وشوف من شدك
امجد. خلاص افتحيلي الباب دقيقه ونكون عندك
انا. تييي لا يا مهبوول مش هكي قصد..(صكر عليا)
انا. ((ياحليلي شن درت في روحي مانبيشي يجي كان حد شافنا ووه عليا قصيت طرف من الكيكه ودرت معاه شوكه وطلعت كنت خايفه فتحت الباب بشويه وطلعت راسي لقيته جاي ))
امجد. شن مطلعه راسك زي الحرباء العفو
انا. واللهي
امجد. نبصر اصلا انتي عسل (وقرصلي خدودي )
انا. نحييي ماابسلك
امجد. عيونك يهبللوا
انا. ههيي هذي كيكتك وجرب واحكم
امجد. خايف نبات في المستشفى
انا. بعيد السو
امجد. شني خايفه والا كيف نفهمها
انا. الباين خذيت وجه هيا بنعدي نرقد
امجد. بنعدي !؟ باهي عدي نذوق ونكلمك
انا. اوكي تصبح علي خير
امجد. قلت بنكلمك بلا جو توزيع
انا. باااهي
انا. ((ياربي قللبي من السعاااده ماعمري توقعت حد يحبني بالشكل هذا كان منظره بالشورت والفانيليا يهبلل وشعره المشفشف وضحته وعيونه يهبلل خشيت الداخل نحيت وشاحي وخشيت للدار بدلت حوايجي وامتديت علي السرير كنت نعسانه لكن استنيته لين يتصل شويه وخذاني النوم لكن نضت مخلوعه بعد شويه علي صوت تليفون يتصل ..))
انا. ااه امجد
امجد. ماتقوليش رقدتي
انا. نعست شويه
امجد. خلاص ارقدي
انا. قبل قوللي شن رايك
امجد. حلوه لكن مش احلى من عيونك السمحات
انا. عارفه
امجد. العبد الواثق بري ارقدي لا نطلعلك من التليفون
انا. امجد
امجد . نعم
انا. تصبح علي الف خير
امجد. وانتي من اهل الخير ياروحي
امجد. ((صكرررت منها والدنيا مش سايعتني من الفرحه ضكتها وبراءتها عيونها كل شي فيها حللو كنت مقعمز في السياره قدام الحوش صكرتها ونزلت خشيت بالشويه للحوش شكلهم راقدين خشيت للدار نرقد فيها اني واحمد خشيت بالشويه لقيته راقد بعدها))
احمد. ووين كنت
امجد. خلعتني الززفت مش كنت راقد
احمد. اهوو نضت وشفتك غير قوللي من هيا الاخذت عقلك ومولي مسبوه في جرتها
امجد. ارقد ارقد بلا كلام تافه
احمد. ههههه والله وصار منك يا مجود وكبدت
امجد. (غطيت وجهي بالبطانيه لانه عارفه كان فتح فمه معاش يسكت )
احمد. اهرب اهرب
#ثاني يووم الصبح 💓
صباح جديد🎶 امل جديد 🎼حظ جديد 🎵
نور. انتي يا بلييي نوضييي
نور. الاااااء تي نوووضي ياسرك نوم
انا. هممم خيرك
نور. تي نوضييي نبيك
انا. شن تبي صبح الزفت خيرك
نور. غير نوضي اغسلي وجهك وصحصحيلي
انا. اوووف اووف منك
انا. ""شن هالانسانه المزعجه 😒نضت غسلت وجهي وطلعت للمطبخ لقيتها دايرتلي نسكافي""
انا. وين ماما
نور. خليتها في حوشنا
انا. خيرك مزعجه
نور. يا كللبه نبي قفطانك الاكحل الدانتيل
انا. باهي خذيتيه علاش الازعاج من الصبح
نور. عندي عرس صاحبتي ومادخليش فيك بتمشي معاي
انا. امتى
نور. اليوم لازم نوتوا روحنا بكريي
انا. واللهي وامتى بنوتوا روحنا اصلا مانعرفش شن تقوللي ماما
نور. ريحي روحك كلمتها من بكري
انا. اووف منك الناس توتي روحها بكري وانتي تقولي اخر الوقت
نور. تي ماهو نسيته توا تعالي معاي لحوشنا نديرلك شعرك واديريلي شعري ونلبسوا وبعدين يرفعنا احمد والا امجد وين المشكله
انا. واللهي تبيني نمشي غادي تعالي انتي هني
نور. توا شن بيكركلي الدنيا كلها تعالي انتي وخلاص
انا. باهي باهي
نور. حقا قوليلي خوي المكبد كلمك امس
انا. علاش القصقصه
نور. اصلا واضحه البارح مختفي وسيارته قعدا
انا. واني شن دخلني
نور. مدايره روحك تبي ادسي وعيونك يضحكوا من الفرحه
انا. ووك ووك منك اي كلمني
نور. اكيد قاللک كلام رومانسي
انا. كلامنا كان عادي ريحيلي عقلك
نور. اني بنروح ديري شن بديري وتعالي وجيبي معاك القفاطين وجيبي الفير متعك والاستشوار وباقي الحاجات عندي
انا. اوكيي
انا:ضميت الحوش وطلعت القفطان الاسود لنور وطلعت قفطان حوريه فيه ذيل قصير من الخلف وكان كم لونه بيج من اكمامه دانتيل من الجناب وطلعت :
انا. "خشيت لحوش عمي كانت طالعه مرت عمي وماما لحالة وفاة بحدانا كان الحوش هادئ مافي حد ركبت لنور .."
.
..
.
يتبع 🎵
كاتبة الرواية لوليانا ❤🍫
أنت تقرأ
حب بطعم النوتيلا
Randomرواية ليبية بقلمي الكاتبة الاء عبد الستار فتاة لا تؤمن بالحب وفجأة يظهر لها الهيام بذاته واسرها .. في كل مرة يهمس لها ب احبك يكاد قلبها ان يتوقف ظلت اسيرة عشقه .. حتى نهايتها ...
