انا. طلعت نور اذكرت محمد اتصلت بيه ....
محمد. ي هلا
انا. هللو حمادي شنجك 💋😍
محمد . مليح شن جوك
انا. كسودي ميرسي علي النوتيلا
محمد. ولو عارفك تحبيها
انا. مش نحبها نمووت فيها شن ادير
محمد. في الجامعه
انا. ي سلام ماشاء الله عليك
محمد.والله طروف ماتفهم شي
انا. اسمع
محمد . ووي
انا. تعالى تغذى عندنا
محمد. والله معزوم خليها يوم تاني
انا. ماشي تمام وعد لكن
محمد. خلاص وعد
انا. اوكي سلام
نور.((طلعت من الحمام كان جنب الدار مش بعيد لقيت امجد خوي واقف جنب الباب وكأنه يسمع في حاجه وبعدين خش ))
امجد. في من كنتي تكلمي
انا. "كنت نقدر نقولله محمد خالي لكن حبيت نستفزه شويه لان من النادر لما يسألني امجد"
انا. ولا حد
امجد. سبحان الله تتكلمي مع روحك
انا. اي عادي
امجد . الاء بدون لف ودوران في من كنتي تكلمي
انا. تبي الحق
امجد. اي
انا. كنت نهدرز اني وصاحبتي في حاجه
امجد. بندير روحي صدقت اوكي
نور"خشيت وراه ووقفت نشوف فيه وفي طريقة كلامه وواضح انه يتكلم بعصبيه وماسك اعصابه ومن النادر امجد انه يدخل في حاجه "
نور . خيرك ي مهبوله في من كنتي تكلمي
انا. كنت نكلم في محمد خالي
نور. وخيره هذا
انا. مانعرفش خشلي زي الثور الهايج يسحابني نكلم في حد
نور. هيا تعالي بنفطر
انا. هيا اسمعي
نور. انعم
انا. بنحكيلك علي حاجه
نور. قولي
انا. جاني عرض (وحكيتلها )
نور. كذابه
انا. والله زي مانحكيلك
نور. حي ع الجو شن شعورك
انا. خياال شعور مانقدرش نوصفه كانت مدرسة بس تسمع فيا وتوا بيسمعوني هللبا ناس
نور. اي نعرف هذا كان واحد من احلامك يا خيتي والله والله فرحتلك
انا. هههههه فكرتيني عندكم نت
نور. اي
انت. اوكي ((فتحت نت ولقيت المديره باعتتلي رقمها في حالة لو لقيتها مصكره اتصلت بيها ))
انا. ايوا السلام عليكم
المديره. وعليكم السلام من معاي
انا. ابلة رويده اني الاء الا كلمتيها البارح
المديره. الاء اهلين بشريني شن صار معاك
انا. وافقوا بس نبيك تشرحيلي
المديره . اها هاذا مش شغلي حيكلمك المشرف او واحد من الشباب الامعاك ويفهمك علي التفاصيل
انا.اوكي ""اول ماتكلمت علي اتصال من شاب وجو زي هذا خفت من الموضوع لكن هذا حلمي والفرصة جت لعندي لازم نكافح من اجلها ""
انا. ((صكرت منها وكملت هدرزتي اني ونور حسيتها متحسنه شويه وبدت تتعود وبعدها رونور))
انا. خشيت رقدت نوضتني ماما للغذاء وليت رقدت ونضت علي اتصال من رقم رديت بدون مانشوف
الرقم . الو السلام عليكم
انا.'واضح اني راقده لكن لما سمعت صوت غريب نطيت بسرعه"
انا. وعليكم السلام من معاي
الرقم. الواضح انك كنتي راقده وازعجتك
انا. تفضل شني المطلوب
الرقم. معناها صح انتي الاء عيسى ال...
انا. اي اني
الرقم تشرفت بيك اني مصعب اني عضو البرنامج الاذاعي الاحتكوني فيه كلماتك عليه ابله رويده ووصتني نشرحلك ونفهك
انا. اسفه بجديات استاذ مصعب اي كلمتني عليه
مصعب. لا عادي اوكي بدون استاذ مافيش فرق كبير بيناتنا سمعت انك تقري ثانيه ثانوي
انا. اي صح
مصعب . اوكي اني اخر سنه في اللغات المهم برنامجنا مركز علي الشباب من مختلف الاعمار طبعا حني 3 اشخاص اني وانتي ومزال في اياد معانا يعني انتي بس البنت حيكون كل يوم يقدم وحد فينا وفي يوم نقدموا فيه حني التلاته مبدئيا حنقدموا مع بعض يعني في البدايه المهم ليك حرية اختيار الموضوع الا حتتكلمي عليه في حلقتك الخاصه اما في باقي الحلقات حنعطوا افكار واراء بعض وحنبدوا من الاحد الاسبوع القادم تعرفي المكان !؟
انا. اي اكيد
مصعب. عندك اي خبرات قبل !؟
انا. لا كنت مشرفه علي الكادر متع المدرسه وتوا الثانويه
مصعب. اوكي مش مشكله نتلاقو
انا. اوكي نتلاقو سلام
مصعب. سلام
((صكرت من مصعب واني خلاص من الفرحه الله واخيرا حلمي الصغير بدي يكبر😍❤ ))
_______________________
(( مااجمل ذلك الشعور عندما ترى شجرتك الصغيره تزداد وسامتا بأزهارها الارجوانيه كشعور حلمك الصغير يزداد ضخامتا بطموحك الجبار ))
_______________________
((وهذا الاصار الطموح حاجه حلوه ميزة الانسان الطموح انه مصر تحس ان الاصرار يجري في دمه حتى لو كانت تجاربه السابقه فاشله تحس انه الفشل يزيده طاقه فنقوللكم كلمه خليكم متفائلين ومصرين علي قراراتكم الطموحه الطموح ميزه مش كل انسان يمتلكها ...))
._._._.
#ثاني يوم الجمعه
انا. نضت بحيويه ونشاط درت نسكافي وقعمزت نشرب فيها وقدامي اللاب توب كنت نتصفح لقيت طلب صداقه من وحد اسمه مصعب عرفته نفسه الاكلمني قبلت الطلب وبالصدفه كان فاتح خشلي خاص
مصعب . صباح الورد
انا. اهلين
مصعب. كيف حالك اليوم
انا. الحمد لله كويسه
مصعب. شن قررتي بتكملي معانا
انا. اي اكيد ان شاء الله
مصعب. نتمنى والله علي حسب كلام بعض الناس انك محترفه
انا . هذا من ذوقك ومن ذوقهم اكيد وتوا نستأذن منك
مصعب. اذنك معاك
انا."صكرت منه حسيته انه جنتل وذوق الصراحه خشيت علي صفحته لقيته منزل كم صوره وواضح انه طرف 😂درت دوره وبعدين خشيت
خشيت علي محمد ديما الجمعه الصبح يكون في الحوش واكيده فاتح واني ماخذيتش رايه في موضوع البرنامج ""
انا. صباحو عسل
محمد. اهلين
انا. شنجك
محمد.ماشي وانتي
انا. فرحااانه بنطييير
محمد.فرحيني معاك
انا. "حكيتله علي الموضوع "
.
.
.
استنوني في الحلقه الجايه
كاتبة الروايه لوليانا 💓💙
أنت تقرأ
حب بطعم النوتيلا
Randomرواية ليبية بقلمي الكاتبة الاء عبد الستار فتاة لا تؤمن بالحب وفجأة يظهر لها الهيام بذاته واسرها .. في كل مرة يهمس لها ب احبك يكاد قلبها ان يتوقف ظلت اسيرة عشقه .. حتى نهايتها ...
