في كلل مدينة في كل شارع وكل حوش مساءكم منور وحلو حلقة جديدة اكيد حنكون معاكم اني الاء كالعاده موضوع جديد خفيف وحلو موضوع او شعور كلنا نحسوا بيه في لحظات قمة في السعاده موضوعنا السعاده ناخذوا فاصل غنائي ونرجعوا
انا.''شرين تليفوني لقيتها نور''
انا. الو نور
نور. للوووشتي في الحوش انتي
انا. لا علاش
نور. وين
انا. في الاذاعه عندي حلقه
نور. كذابه خيرك ماقولتيليش
انا . هيا بديت وتوا فاصل
نور. اوكي صكري ولما تروحي فوتي عليا نبيك
انا. تمام
#عند نور
نور""صكرت من الاء مشيت لامجد خشيت للدار لقيته راقد ماتفهميش كيف راقد تقول في حرب عالمية فتحت الضي"
نور . مجووود
امجد....
نور. امجد"مشيتله "امجددد
امجد. هممم
نور. نوض نبيك
امجد. شن تبي اطلعي وصكري الباب
نور. غير هيا وراس وخي تنوض والله يفوت عليك
امجد. "ناض شبحلي "خيرك
نور. هاك اسمع
((اللـه السعادة شعور خيالي مش بالضرورة تكون السعادة شي مادي او موقف ممكن تكون السعادة شخص كل ماتشوفه تكون قمة السعاده شخص تحس بقربه جنة شخص يكون كل الدنيا نسمعوا النغم الحلو هذا ونرجعوا
انـا لحبيبي وحـبـيبي لإلي
يا عـصفّوره بيــضاء لا بئى تسألي ...
انا. "خذيت فاصل ورجع التليفون يرن تاني "
انا. اوووف ان شاء الله مش نور
انا. "مجودتي شفت الاسم قلبي رجع يدق تاني مش متخيله اني اعترفتله من جتني الجرأة رديت "
انا. الو
امجد . نقدر نقول ان اني هوا الشخص
انا. اي شخص
امجد . الشخص الا عبارة عن كتله من السعاده
انا . عمو الواثق اي ممكن مثلا يوم الا جبتلي نوتيلا واليوم التاني الا جبتلي فيه نوتيلا و..
امجد. نوتيلا نوتيلا ماتفكريش الا فيها
انا. لا من قال مش هيا الا جمعتنا والا نسيت
امجد. هههه بفضلها
انا. ايوا توا انت صكر واني بنرجع لحلقتي
امجد. نحبك
انا. اوكي سلام
امجد."تلك هي فتاتي بريئة في قوقعة الحب تتورد وجنتاها خجلا فترغمني علي الاستسلام لبقية حياتي عاشقا لها "
________________٤*'______
انا. "كالعاده روحت من الاذاعه بعد ماكملت قريت شويه ورتبت حاجاتي اذكرت نور وشويه ولقيتها تتصل اذكر القط "
انا. ايوا
نور. وين يا طير
انا. في الحوش
نور. بالله عليك تو مش قولتلك لما تروحي فوتي عليا
انا. سوري نسيت
نور. هيا نستنى فيك
انا. "كلمت ماما ولبست وشاحي وطلعت خشيت للحوش هدووء مافيش حد ركبت لنور فوق "
نور. اهلا اهلا
انا. شن جوك
نور. مليح شن جو المدرسة اليوم
انا. كساد مشيت للاذاعه بكري سمعتيني
نور. اكيده نوضت امجد من النوم علي خاطرك
انا. كذابه وناض
نور. اكيده فيها انتي ومايبيش ينوض حقا قوليلي
انا. نعم
نور. يا كلبه من امتى ماحكتيليش شن صار فيكم
انا. في مني
نور. تستعبطي في مني يعني
انا. اليوم الصبح كلمني واني طالعه للمدرسه
نور. غير قبل فهميني يكلم فيك بالتليفون
انا. اي
نور. يا سلام عليكم باهي كملي
انا. كنت مانكلمش فيه لكن تعرفي يانور اول مره قلبي ينبض لحد اول مره نحس شعور الحب هذا تعرفي من اول مانشوفه مش عارفه شعور حللللو
نور. حرام عليك قوليله والله يحبك خوي ونعرفه
انا. ومن قاللك ماقولتلاش
نور. قولتيله ياكلللبا
انا. تعرفي سخفني قعد يقوللي اني نحبك واني نتعذب وهكي وعلاش مانقوللاش هوا يحبني واني نحبه لكن خلاص قريب نجلطت مش عارفه كيف قولتله
نور. استغربت فيك بكري اتصل بيك
انا. اي لما في الاذاعه
نور. لزني الكلب تفي بعد مانوضته
انا. هوا الصراحه تستاهلي حاشيه راسك علاش
نور. نوضي جدري ياكل كبدك تفي
انا . هههههه هوا وين توا
نور. ها بدت في جو الغيره والقصقصه
انا. والله نسأل عادي
نور. طالع اكيده
انا. اني بنوض
نور. ماابردك اقعدي شويه
انا. غدوه مدرسه بنوض بكري
نور. باهي
انا. "طلعت من نور نمشي بالشويه بالشويه الصراحه ماعنديش وجه نقابله نزلت من الدروج وطلعت من الباب شفت سيارته مدرسه عرفته روح شويه وشفته كان متكي علي السياره وشاد تليفون كانت بعيده شويه ومكانش مركز طلعت بالشويه بالشويه وندعي ان شاء مايشوفنيش لما قريب نوصل للباب بديت نجري وفي اللحظه هديكا قام راسه وطااااف صكرت الباب وراي قعمزت علي الطاوله في الجنان لقيته يتصل "
امجد. قدرتي تهربي لكن تو نشدك
انا. هههه صقع عليك اصلا نمشي علي روس صوابعي
امجد . المهم شفتك
انا. لحقتش عليا لكن
امجد. المره التانيه
انا . شن جوك
امجد. كويس وين كنتي انتي
انا. عند نور
امجد. وااك ديما وانتو حاشين روسكم في بعض مش عارفه الاخبار العالميه الا تقولوا فيها
انا. اللهم لا حسد
امجد. كانا اني تهربي مني
انا. هههههه يا ظالم غاير من اختك
امجد. مش هكي شن بندير نحبك
انا. احمم
امجد. من امتى الحشم
انا. شن قصدك نزعلل راه
امجد. عادي نعرف بشن نرضيك
انا . هها ياواثق اي حقا قوللي
امجد. انعم تفضلي اؤمري عيوني ليك
انا. ماتحاولش شن كنت ادير البرا وشاد التليفون
امجد. علاش
انا . هكي فضول
امجد. فضول والااا
انا. لا لا حب استطلاع بس "اي واضح وك
وكان لقيت مشيت فترشته التليفون "
امجد. نطمن قلبك مستحييل نشوف لحد غيرك في الدنيا هاذي قلبي نبضلك انتي وحبك انتي فما دخليش في راسك حاجه تانيه يا مهبوله
انا. ههه نحبككك
امجد. الله الله يا قلبي ياربي شن دارت فيا عاودي نبي نسمع
انا. هههههه لا لا خلاص مش ديما عيد
امجد. تو هكي مانستحقش كلهم 4 حروف يا ظالمه
انا. هيا وراي مدرسة
امجد. يعني يهون عليك
انا. اووف يا امجد والله عندي مدرسه بكري
امجد. باهي زيدي وكثري
انا. ههههههه والله ماك طبيعي
امجد. باهي
انا. هههههه مهبول
امجد. باهي
انا. نحبكككك
امجد. لا لا مش معقوله تنازلتي ياربي قلبي واني نموووت فيك
انا. ههه تصبح علي خير
امجد. تصبحي علي خير وحب وسعاده انحبككك
انا. "الله ياقلبي صكرت منه واني ذايبه بكل ماتحمل الكلمة من معنى ياربي نحبه الحنيه والدفء الا في صوته لما يقوللي نحبك ضحكته كل شي اسر قلبي .."
يطبع 😙🙈
كاتبة الروايه لوليانا 💓🎶
أنت تقرأ
حب بطعم النوتيلا
Randomرواية ليبية بقلمي الكاتبة الاء عبد الستار فتاة لا تؤمن بالحب وفجأة يظهر لها الهيام بذاته واسرها .. في كل مرة يهمس لها ب احبك يكاد قلبها ان يتوقف ظلت اسيرة عشقه .. حتى نهايتها ...
