حب بطعم النوتيلا

29

انا. "وطلعنا وفات يوم مش زي اي يوم بالرغم من جو العيله واللمه والضحكه والفرحه كان عقلي في مكان تاني وقلبي مهموم اني انسانه كنت عايشه بالبركه من ناحية الحب لانعرفه ولا يعرفني اهم حاجه مستقلبي قرايتي ماكنتش مؤمنه بالحب وفجإة حبيت وكل يوم نزيد نتعلق ب امجد اكثر ونشوف في حبه وخوفه عليا في عيونه لكن في حاجه مانعتني من اني نعترفله خايفه يجي يوم ويسيبني ويجرحني خاايفه واليوم كأنه المراة الافي الحلمه اكدتلي انه النهاية جرح كبييير .."

بعد مرور شهر

(من الواقع الذي اراه امامي ان تلك العجوز في الحلم لم تفعل خيرا فبطلتنا الجميلة على وشك الدخول في حالة اكتئاب شديده اخذت اجازة من الحياة لشهر ظنا منها ان قصة حبهم الغريبة انتهت بتلك الحلمة اما العاشق الولهان يكاد ان يموت لا ترد على مكالماته ولم يراها لمدة شهر  اما بطلتنا المكتئبه ظلت شهر تحت لحافها وبجانبها برطمان النوتيلا ..)

الصباح 8:00
انا. "نضت من النوم كان اول يوم في المدرسة فات شهر ممل كنت خايفه من الحلمه وخايفه نحبه ويسيبني بدلت حوايجي متشوقه للمدرسه ولشوفت صاحباتي وبداية عام جديد كانت المدرسة مش بعيده نمشي علي رجليا خذيت حاجاتي وفطرت وطلعت لقيت حوش عمي ابراهيم مفتوح استغربت في العاده ملسنضوش بكري لكن اكيده احمد وامجد وعمي طالعين للشغل طلعت للشارع ..

امجد. "بنمشي للعمل اخذيت قهوتي وطلعت واني واقف جنب السياره لمحتها كانت كيف طالعه الله قداش مااستاحشتها ليا شهر كامل ماشوفتهاش سرحت فيها  ركبت للسياره وطلعت وراها .."

انا. "حسيت وكأنه في سياره تمشي جنبي بالشويه ووقفت ..
امجد. غزالتي
انا. "قلبي وقف "...
امجد. توا معقوله هكي شهر مانشوفكش وماترديش عليا
انا...
امجد. الاء خيرك فيك حاجه درتلك حاجه
انا. امجد والله ماهو وقته
امجد. "يتكلم وواضح انه معصب ". وقت شني فهميني وقت شني اعطيني سبب واحد انك ماترديش عليا قولتيلي من الاول مانبيكش وخلاص
انا. واطي صوتك في الشارع حني
امجد. نواطي صوتي فهميني انتي بعقلك شهررر شهررر ماترديش ماتطلعيش من الحوش بدون سبب حد ضايقك حد كلمك فهميني
انا. وغلاوتي عندك هدي شويه خليني نمشي ونروح نكلمك
امجد. علي خاطر غلاوتك لكن حسابك مازال
انا. "ابتسمتله كان عروق رقبته بيطلعوا وواضح انه تعبان ."
امجد. حيه عليك نتصل وماترديش
انا. فهمنا خلاص برا
انا. "ركب االسياره قعد يمشي وراي لين وصلت للمدرسة ومشي تلاقيت اني وسما وصحباتي وفات الوقت تم الدوام طلعت من المدرسة لقيته مدرس قدام المدرسة يبي يحصل عليا باش نرد عليه ضحكت وطلعت ومشي وراي لين وصلت للحوش درس السياره ونزل "
امجد. هيا احكيلي خيرك مكنتش قد الفرصه الا عطيتيهالي
انا. امجد ماتصعبش الامور وتفسر غلط
امجد. باهي فهميني الصح
انا. امجد قبل شهر كنت نايضه وجوي حلو شويه وغفيت علي درجيحه في الجنان حلمت بيك تقوللي حبيبتي وانتي اغلى حاجه في حياتي وكلام زي هذا وفجأة طلعتلي مراة وبدت تقوللي في كلام مش حلو انتم مستحيله تكونوا لبعض ولازم تفترقوا وهكي "حسيت بغصه في صوتي قريب بكيت "
امجد. "يشوفلي وبيضحك "
امجد. باهي نسألك
انا. اسأل
امجد. تحبيني
انا....
امجد. قوليلي ريحي قلبي ربي يريحك كان تحبيني نبي نسمعها منك
انا. "ابتسمتله وفي قلبي خلاص نبي نعترفلها فديت ملليت " اي نحبك
امجد. "يشوف ومش مصدق "عاودي
انا. اي اني نحبك
امجد. تي اقسم بالله انتي احلى واغلي واجمل واحسن حاجه صارت في حياتي نحبككك ونموووت فيك الله هذا قلبي وين ارتاااح نحبكككك
انا. هيا بااي "وطلعت بسرعه قبل مايتكلم قلبي بيوقف اعترفتله مش مصدقه نظرات السعاده الافي عيونه ثبتتلي حق انه يحبني خشيت للحوش بدلت حوايجي واتغذيت من الفرحه خلاص لقيت اتصال من مصعب ورساله
<<اليوم عندك حلقه جهزي روحك وموضوعك نفس البرنامج متع قبل تغير الموعد علي خاطر القرايه علي الساعه 4تلقيني في الاذاعه ردي عليا شن يصير معاك >>
رديت عليه <<تمام نتلاقو >>
خشيت للدار فتحت اللاب توب ووتيت موضوعي كنت في قمة السعاده ..

في مكااان تاااني اذا كانت بطلتنا في قمة السعاده فالعاشق الولهان فااات القمه بمجرد مانطقت ب4حروف وقالت نحبك طااار من القمه ونشوفوا وين وصلل

امجد. "خشت لحوشهم بسرعه مالحقت نقوللها شي لو جبت العالم كله مش حيقدر يوصف فرحتي
قالتلي نحبككك هههه مش مصدققق  خشيت للحوش بدلت حوايجي واتغذيت ورقدت

الساعه ٤:٠٠م
انا  . "كنت في الاذاعه وبالتحديد داخل الاستيديو
لقيت مصعب هوا الا مشرف علي الحلقه استنيت شويه وبعدها قررت نبدأ متحمسه للحلقه
انا. مصعب نبدأ
مصعب . كان جاهزه هيا ابدي
انا. تمام

انا. "احلى مساء علي متابعينا ففي كلل مدينة في كل شارع وكل حوش مساءكم منور وحلو حلقة جديدة اكيد حنكون معاكم اني الاء كالعاده موضوع جديد خفيف وحلو موضوع او شعور كلنا نحسوا بيه في لحظات قمة في السعاده موضوعنا السعاده ناخذوا فاصل غنائي ونرجعوا

يتبع 🎶😊
كاتبة الرواية لوليانا 💓
رايكم هبايبي❤