في مكان ثاني مختلف تماما علي اجواء الطبخ والنفخ الا فيها بطلتنا مكان هادئ وحلو كان مقعمز امجد علي كرسي قدام البحر وكان جنبه صاحبه فراس
امجد. والله والله نحبها يافراس
فراس. باهي صارحها كلمها عبرلها
امجد. تي قلتلها ومش عارف كيف ضعفت قدامها وفي ملامحها حسيت روحي منهار قدامها
فراس . باهي كيف كانت ردة فعلها
امجد . تي المشكله اني من هذاكا اليوم ماشفتهاش
فراس. هيا نفسها الا في الراديو
امجد. اي نفسها
فراس. نيالك يا راجل
امجد. تي تحشم الزحح
فراس. يغار خونا
امجد. والله معاد عرفت شن ندير
فراس. وكل ربي لو كانت من نصيبك حتاخذها
امجد. يستر الله يا صاحبي
_______________________
((ما ابشع ذلك النصيب الذي يدفعنا لمن لاتهوى قلوبنا ليقتلها حزنا ..))
________________________
#ثاني يوم الصبح
صباح جديد وامل جديد حظ جديد وفرحه جديده 💜
انا. "نضت من النوم صليت وفطرت ضميت المطبخ والحوش بعدها طلعت قعمزت في الدرجيحه في الجنان اتصلت بيا سما
انا. صباحك ورد
سما. صباح الفل شن الجو
انا. ملييح وانتي
سما . تمام شن اديري
انا. مكسده كساااد لين خلاص
سما. نسحاب اليوم حلقتك نسمع في زوز لولاد
انا. اي مصعب واياد
سما. شن اخر الاخبار
انا. شن تبي تعرفي تو نقوللك
سما. شن جو ولد عمك المكبد
انا. من هوا
سما. تستعبطي الاء
انا. لا جديات
سما. تي البلي ولد عمك المغرور
انا. ااه خيره
سما. شن خيره قعد مكبد
انا. اعترفلي
سما. قولي والله
انا. والله قاللي نحبك
سما. لللللووووولللييي واخيرااا نطق الجوهره ألبي كان حاسسني من الاول
انا. ههههه شن الحل
سما. تي حل شنو انتي مفروض تزغرطي ترقصي تفرحي
انا. وعلاش هذا كاه
سما. مبرد اعصابك تي طرف من الاخير ولد عمك
انا. هيا هيا عندي مكالمه انتظار
سما. مني اكيده الطرف ولد عمك
انا. ريحي روحك بنت عمتي
سما. وشن الا يثبت
انا. بااي
انا. ""صكرت عليها ورديت علي ايه ❤""
انا. اهلين
ايه . امتى بتجوا ان شاء الله
انا. بعدين مزال بكري
ايه. قولي والله
انا. اي والله
ايه. فكيني من برودة اعصابك عندك نص ساعه وتكوني مزروعه انتي والفرخه التانيه
انا. تي علاش مزال بكري
ايه. الاء نستنى فيكم
انا. تو نشوف
ايه. نعم ماسمعتش
انا. هههه لا سلامتك
انا."صكرت من ايه اتصلت بنور *
نور. صباح يا فتاح خير
انا. مرايفتلك يا وجه النحس
نور. صدقتك
انا. اسمعي نص ساعه وتكوني واتيه هكي قالت ايه
نور. بالله الفرخه هاذي هكي قالت
انا. تي ايه
نور. و ان شاء الله من بيرفعنا
انا. وان وش دراني
نور. لا واللهي هيا دبري
انا. تي شنو بابا مهناش
نور. حتى بابا مهناش واحمد وقصي مهناش
انا. والحل
نور. نشوف امجد لكن مستحيل يوافق
انا. واللهي بري بروحك مع امجد
نور. تي شن فيها باهي اعطيني شن الحل امجد بيطلع توا يفوتنا
انا. انقوللك وتي الحاجات والبسي نتصل بمحمد نشوفه
نور. لا معليشي مانمشيش مع حد غريب
انا. ترا بري طيري
نور. بنشوف امج...
انا. "صكرت عليها"
انا."صكرت من نور اتصلت بمحمد مره واتنين وعشره لا حياة لمن تنادي نضت لبست نسمع في نور تنادي فيا البرا"
انا. هااا جيت وانتي تعيطي
نور. باهي الا سمعتي شن صار معاك
انا. ماردش عليا
نور. هيا امجد يستنى فينا
انا. مانيش ماشيه
نور. هيا بلا جو مفرخ البنت من بكري تتصل بيا تتصل بيك مشغول
انا. اوووف هيا اني جايه
انا.*خذيت شنطتي وتليفوني وكلمت ماما وطلعت اول ماطلعت كان مقعمز في السياره يستنى فينا كان كان كان كان ❤😍طرررررف قمه في الجمال اللبسه وملامحه الجذابه والنظاره واللحيه وااااو اول ماشافني قام النظاره .."
امجد. "جتني نور كنت طالع للشغل تبيني نرفعهم في البدايه نبي نرفض لكن بعدين وافقت لان الصراحه مستاحشها ونبي نشوفها ونشوف عيونها الا يسحروا ركبت السياره نزلت نور نادتها وبعدها بشويه طلعت كانت كانت كانت قطعه يعجز اللسان على وصفها ملامحها البريئه والمتفائله تهبللل نحبببها كان خاطري نعيط باعلى صوتي ونقوللها نحبك .."
انا. ركبت للسياره وراء نور كنت ملاحظه نظرات امجد كنا ساكتين وماقطعش الصمت الا رنة تليفوني كان محمد "
انا. الو
محمد. شن فني من مات شن صار
انا. "ماقدرتش نشد ضحكتي ".ههههههههههه
انا."مانحكيلكمش علي شبحة نور متع خيرها هبلت وامجد كذلك بس كان واضح انه قاتله الفضول "
محمد. خيرها هاذي
انا. ههههه شن الجو
محمد. تي خلعتيني خيرك متصله
انا. مرايفه حرام
محمد. مش حرام لكن غريبه شن تبي
انا. اصلا خلاص قبل نبيك ترفعني لمكان لان بابا مهناش
محمد. وين
انا. حوش عمتي انت وين
انا. "وهني في السؤال هذا كان امجد بياكلني "
محمد. وين يعني كيف طالع من الجامعه ماشي للمحل
انا. يا سلام عليك
محمد.باهي من رفعك ومن معاك
انا. حمادي مانسمعش فيك
انا. ((صكرت عليه بعتله رساله معاي حبيبة القلب شويه وعاودلي))
انا. نعم
محمد. احلفي
انا. والله
محمد. تي علاش مش اني
انا. لانك مارديتش شن بنديرلك
محمد. صكري صكري
انا. ههههه
نور. واخيرا وصلنا
امجد. ""كنت بنموت من الغ من الغيره كانت تضحك وتقولله حمادي و فرحانه بالمكالمه ياريتني مااعترفتلها شكلها مرتبطه ياربي علاش بس قررت نسأل نور بماأنها اقرب وحده ليها واكيد تعرف "
امجد . نورر نبيك شويه
انا. هاتي تو انزلهم اني
نور. اوكي
امجد. نور
.
.
يطبع 🍫💙
كاتبة الرواية لوليانا ❤
YOU ARE READING
حب بطعم النوتيلا
Randomرواية ليبية بقلمي الكاتبة الاء عبد الستار فتاة لا تؤمن بالحب وفجأة يظهر لها الهيام بذاته واسرها .. في كل مرة يهمس لها ب احبك يكاد قلبها ان يتوقف ظلت اسيرة عشقه .. حتى نهايتها ...
