انا. جي امجد ركبنا السياره وكنا طول الطريق ساكتين كان واضح عليه انه معصب ڨولتله علي خاطري ووجعتني منه انه معدلش عليا #وصلنا "
نور. الاء تعالي معاي ارفعي حاجاتك
انا. نور تعبانه نبي نرقد وغدوه عندي حلقه خليها بعدها
نور. اوكي علي راحتك
انا. "مشت نور اني كنت بنخش لباب حوشنا الخارجي امجد كان واقف علي السياره ويشوفلي"
امجد. ماتبي تقولي شي
انا. تعبانه وماعنديش نيه
انا. ""كيف جي بيتكلم خشيت وصكرت الباب خشيت للحوش لقيت ماما مقعمزه علي الصالون "
انا. مامتي ❤
ماما. اهلا شن جو العرس
انا. ماشي حاله كان تشوفي كلهم يعرفوني ويحبوني ويسمعوا فيا كان تشوفي فرحتي ماتوصفش
ماما. تستاهلي يا روحي ومع هذا نحس في جوك مش تمام
انا. نحيت كندرتي ورقدت علي رجلها علي الصالون "
انا . تعباانه وغدوه عندي حلقه
ماما. الله قداش نفرح لما نسمع كلام الناس عليك وعمرك صغير ومع هذا حققتي نجاح
انا. الله بابا وين
ماما. خليته عنده اوراق يشتغل عليها
انا. اني خلاص هي تصبحي علي خير
ماما. وانتي من اهل الخير
انا. ""خشيت لداري بدلت حوايجي رقدت علي السرير حسيت وكأني في دوامه معاش عرفت الاندير فيه صح او غلط مافقتش الا علي صوت تليفوني يتصل لقيته مصعب استغربت علاش متصل توا والوقت متأخر ""
انا. الو السلام عليكم
مصعب. وعليكم السلام واخيرا رديتي وين كنتي
انا. قعده شن الاخبار خيرك
مصعب. تمام من الصبح ونبعتلك علي الفيس وانتي لا حياة لمن تنادي
انا. اسفه اليوم مافتحتش ان شاء الله خير
مصعب. خير غدوه بنقدموا مع بعض عندك موضوع
انا. عادي لا لا كيف بنوتي توا
مصعب. اني وتيت خلاص حنتكلموا على ذكريات صداقتنا
انا. الله شوقتني الصراحه موضوع حلو وعندي هللبا كلام نحس في قلبي معبي
مصعب. اتفقنا معناها
انا. ""نتكلم مع مصعب وامجد خاش في الانتظار "" اوكي ع 9
مصعب. اي 9 نبدو سلام
انا. "صكرت من مصعب لقيت امجد يتصل الصراحه خفت نرد عليه عارفاته عصبي هللبا ويغار هللبا وحتصير مشكله شويه ووصلني مسج ""
((اوكي خليك هكي الساعه 12 ومشغول وماتبيش تردي ))
((الاء الزززفت ردي مع من كنتي تحكي ))
انا . ""وجعني قلبي عاود يتصل رديت عليه "*
امجد . باهي الا رديتي مع من كنتي تحكي جاوبيني راه شاد روحي بالسيف
انا. اقسم بالله تعبانه ونبي نرقد
امجد. بجديات شن البرود الا عندك هذا
انا. امجد اسمعني هما كلمتين من الاول مافيش احترام مافيش تفاهم مش لازم على مااعتقد فرصه واعطيتك احترم الفرصه على الاقل
امجد. تسحابيه لعب صغاار هوا اعقلي واكبري تمام
انا. تصبح علي خير
امجد. .."صكرت "
انا. ""مع انه مكانش غلطي لكن حسيت بتأنيب ضمير كبير درت الهاتف ع الصامت كان يتصل حوالي 5 مكالمات بعدين بعت مسج ""
{ ديري الا تبيه والا يريحك تمام وصكري عليا }
غطيت وجهي بالبطانيه ومشيت فيها نومه ومافقتش الا علي صوت ماما '
ماما. الاء نوضي وقت
انا. ههممم
ماما. محمد يستنى فيك نوضي
انا. هيا نضت
انا. ""نضت غسلت وجهي طلعت سروال اكحل ومعاه قميص ابيض وماليا بيج ووشاح ليكرا بيج داكن شويا لبست وطلعت لقيت ماما ومحمد مقعمزين علي طاولة الفطور قعمزت "
انا. صباح الخير
محمد. صباح النور شن مازال
انا. شويه نحس في راسي بيتفجر ناخذ قهوه
انا. "فطرت وطلعنا هدرزنا شويه وكانت مسافه مش بعيده فوصلنا بسرعه "
انا. شن بتروح بيا والا كيف
محمد. عندي مقابله شغل مانعرفش امتى اتم
انا. خلاص معناها قوللي شن يصير معاك وتو نكلم بابا
محمد. تمام ديري بالك علي روحك
انا. هيا موفق
انا. "خشيت للاذاعه لقيت مصعب "
انا. صباح الخير
مصعب . صباح النور
انا. شني مازال
مصعب. خشي للغرفه جهزي روحك شويه ونبدو
انا. تمام(خشيت لغرفه التقديم جهزت اوراقي وبدينا ..)
__":-:"٥-)&"_____$$&-&____
في مكان تاني واجواء تانيه كان امجد مقعمز وراء مكتبه وهوا يفكر في عالم اخر يفكر فيها هيا وشن ادير وعلاش في الفتره الاخيره قست عليه يفكر في اخطاءه ويحاول يصحح منها كان سرحان لين قطع عليه منه تليفونه الا معدله علي موعد برنامجها شاف للمنبه ابتسم من الفرحه واخيرا حيسمع صوتها
امجد. كنت في الشغل رن المنبه كنت معدله علي برنامج حبيبتي ركبت السماعات وفتحت الراديو في الاول جاني صوت ولد يتكلم استغربت وخاصة انها امس قالت لنور عندي حلقه غدوه
________________________
انا. "بدينا في البرنامج في البدايه تكلم مصعب "
مصعب. موضوع حلقتنا اليوم مميز كل وحد اكيده عنده مايقول بخصوص الموضوع هذا اليوم كانت حلقة زميلتي الاء لكن المفاجأة اننا حنقدموا مع بعض
انا. صباح الورد صباح الامل صباح التفائل صباح الذكريات الحلوه موضوعنا اليوم على الصداقه ذكريات صداقتنا ناخذو فاصل جهزولنا مسجاتكم ومكالماتكم ..
____*____*____*____*_____
امجد. بعد ماكنت مستغرب لفتره سمعتها تتكلم صدمتي مانقدرش نوصفها حسيت وكأن نار ركبت فيا كلمته وهوا يقول حنقدموا مع بعض تلف في راسي قربعت الدنيا الا قدامي وطلعت الى وين مش عارف
_____
في مكان ثاني
.
.
.
يتبع 🍫💙
كاتبة الرواية لوليانا ❤🎵
ΔΙΑΒΑΖΕΙΣ
حب بطعم النوتيلا
Τυχαίοرواية ليبية بقلمي الكاتبة الاء عبد الستار فتاة لا تؤمن بالحب وفجأة يظهر لها الهيام بذاته واسرها .. في كل مرة يهمس لها ب احبك يكاد قلبها ان يتوقف ظلت اسيرة عشقه .. حتى نهايتها ...
