الحلقة التاسعــ°•'ــة
"مشيت اني ونور لحوشنا كانوا حياشنا جنب بعض لكن حبيت نطلعها من الجو الا هيا فيه وخاصة انها في وضع لا تحسد عليه ربي يصبرها ..
لقيت ماما موتية الغذاء قعمزنا تغذينا ودرت كابتشينو وخشينا لداري "*
انا. الله ما احلى الراحه
نور. اي
انا. نواره خيرك هكي فوتي انسي
نور. ترا قوليلي انتي ساهل الوضع هذا
انا. والله عارفه مش ساهل لكن انتي قاومي هوا عايش حياته ولا مفكر فيك وانتي اضيعي في حياتك
نور. باهي علاش دار ...(وبدت تبكي )
انا. نور ي روحي والله مايستاهل دمعه من عيونك هيا اغسلي وجهك وتعالي الكابتشينو بيبرد
نور.باهي
انا. **جت نور قعمزت جنبي كنت متكيه علي السريرج وسعتلها وخشينا تحت الورغان ومشينا فيها نومه ""
((بطلتنا تحب مخيلتها عايشه حياتها كلها بخيالها ومخططاتها واكيد مافيش حد مايفكرش قبل مايرقد فكان تفكير بطلتنا في اختها وتوأمها وصديقتها وشن حيصير فيها وخاصة ان عارفتها انها حساسه هللبا💔وقداش تحب اسلام اما في الجهة التانيه من السرير كان في قلب مكسور وجرح جديد قعد ينزف بغزاره عندنا نور كبرت علي حب اسلام وبعد 3سنين تخلى عليها وضع ماتحبش اي حد يكون فيه وبعدها ناموا بسلام ))
مع الساعه 12في الليل
انا. روحت نور لحوشهم وتوا العيله كلها راقده واني مكسده علي الفيس جاني طلب صداقه كان من واضح انه ايميل بنت فقبلته وشويه وخشت علي الخاص
البنت. السلام عليكم
انا. وعليكم السلام
البنت. انتي الاء عيسى ال... صح
انا. اي صح تفضلي
البنت. اني مديرة مدرستك
انا.ااه اهلا ابلة رويده
المديره. اهلين بيك
انا. كيف الحال
المديره. الحمد لله كويسه بنسألك
انا. تفضلي
المديره. انتي كنتي مشرفه علي قروب الاذاعه
انا. اي صح
المديره. اوكي جاني طلب من الاذاعه المحليه للمدينه انهم محتاجين مذيعه ولازم تكون محترفه ومالقيتش احسن منك
انا.هههه شكرا هذا من ذوقك وليا الشرف اني نكون وان شاء الله نكون عند حسن ظنك لكن نسألك ماما وبابا قبل مانقدرش ندير حاجه بدونهم
المديره. ليك الحق حبيبتي نتمنى انهم يوافقوا لان انتي صوتك وتقديمك روعه وبشهادة هللبا ناس
انا. صحيتي هذا من ذوقك بجد
المديره. قبل شويه كنت نكلم في المشرف متع الاذاعه ويستنى فيا نكلمك
انا . اوكي قوليله مبدئيا موافقه ومااعتقدش يكون عندهم مانع
المديره. خلاص ردي عليا الصبح
انا. تمام
انا. ""صكرت منها واني الدنيا مش سايعتني من الفرح 😊😍على فكره هذا واحد من احلامي الصراحه اني نشتهر في حاجه نحبها وشكله حلمي بدي يتحقق اتكيت علي سريري واني مبتسمه ورقدت والابتسامه علي وجهي ونضت كذلك مبتسمة 😊🙈💜""
#ثاني يوم ....
ماما. ان شاء الله خير الابتسامه
انا. صباحو ورد وفل وياسمين ي احلى ام
ماما. بسم الله خيرك شن فيك
انا. فرحاااااانه ❤
ماما. ان شاء الله ديما علاش
انا. حلمي الصغير كبر وبدي يتحقق
ماما. وبرضو مافهمتش
انا. كلمتني مديرتنا و.....(حكيتلها )
ماما. باهي حاجه حلوه لكن شورك انتي وبوك
انا. ههههه بابا ساهل كلمتين مع شويه دلع منك ي نبع الحنان يمشي الجو
ماما. والله ماتتحشمي
انا. قوليلي كذب والا لا
ماما"ناضت ومابتش ترد عليا"
انا."قلت بصوت عالي"معناها صح زبطيلنا الجو ي ست الكل نحبك😂💋
((خشيت للكوجينا لقيت وووك فازو نوتيييلاااا😍❤ي حليلي خذيته ومعاه كاشيك ومشيت لماما في الصاله ))
انا. ماما من جابها النوتيلا
ماما. فات خالك محمد وجابها لقاك راقده
انا. حقاا❤ الله خساره الكلب مقاليش
ماما. تحشمي خالك
انا. اسمعي بابا توا قريب يطلع شوفيه بالله تستنى فيا المديره ذ منح
ماما. باهي تو نشوفهولك
انا. تشكرراات 💜
((استنيت ماما وبعدها سمعت بابا نداني مشيتله )
انا. نعم
بابا. شن قصه الاذاععه
انا."حكتله "
بابا. باهي حلو شن رديتي عليها
انا. مزال
بابا. خلاص قوليلها باهي
انا. شكرا ي بابا "وقربت بست علي راسه"
بابا. ربي يحفظك ارفعيلي راسي
انا. ان شاء الله
((اذكرت نور من امس معاش كلمتها اتصلت بيها مرتين ماردتش عليا كلمت ماما ومشيتلها))
انا. "واني طالعه من الحوش جاني صوت رساله طلعت تليفوني من الجيب وفتحته كان محمد باعتلي
<<صباح الورد ي ورده شن رايك في النوتيلا توقعت نلقاك نايضه لقيتك خميرة نوم خالك العزيز >>
انا.😂😂ضحكت وخشيت لحوش عمي لقيتهم مقعزين في الصاله ماعدا نور
انا. صباح الخير شن اللمه الحلوة هاذي
مرت عمي . صباح النور
احمد. اوو الشينه ليا قداش معاش شفتك
انا. "تجاهلت احمد وتجاهلت نظرات امجد "
انا. عميمه وين نور
مرت عمي . قعده راقده مش عارفه خيرها بالك انتي تعرفي احكيلي والله حالتها حاله
انا. تو نشوفها
احمد . اشبحي ملا هيا شيطت
انا"ركبت لنور فتحت الباب لقيتها راقده فتحت الروشن "
نور.مني فتح الروشن
انا. نوضي ياسرك بلا نكد
نور. وووك منك صكري الروشن
انا. طلعلك لسان الامور طيبه شكلها هيا نوضي
نور. باهي
انا. اسمعي عميمه تسأل فيا عليك
نور. شن قولتيلها
انا. مارديتش عليها هيا اغسلي وجهك بسرعه
انا. طلعت نور اذكرت محمد اتصلت بيه ووو
.
.
.
انتزروني نيكست حلقه
كاتبة الروايه لوليانا 💜💋
YOU ARE READING
حب بطعم النوتيلا
Randomرواية ليبية بقلمي الكاتبة الاء عبد الستار فتاة لا تؤمن بالحب وفجأة يظهر لها الهيام بذاته واسرها .. في كل مرة يهمس لها ب احبك يكاد قلبها ان يتوقف ظلت اسيرة عشقه .. حتى نهايتها ...
