انا. "وهني وفي هذي اللحظه تلاقت عيونا كأنه يبي يقوللي حاجه ومش قادر حسيت قلبي بيطلع من مكانه عيونه جذابات ويهبلللوا فجأة ناض امجد وجي وقف قدامي قعد يشوفلي لفتره بعدين قال
امجد. الاء اني نحبك
نور. شن تهدرزوا بدوني
انا. "لحظه يعجز اللسان عل وصفها"
نور. تي خيرها هاذي فمك الا فاتحاته شن قصته شن كان يقوللك امجد
انا. 'علي نفس الوضع "
نور. ههييي نكلم فيك ي حماره
انا. "نضت روحت من الصدمه خلاص "
نور. الاء الاء خيرها هاذي والله ماتطلع الا مكبده علي امجد خوي
_'_'_'_'_'_'_'_'_'_'_'_'_'_'_'
((ااه واخيرا جي دوري الكاتبه واخيرا نطق الجوهره دهشني الله يدهشه درهلي كبدي😤 عاد توا بنبدوا في الجو مع انه بطلتنا مشت ساحت ذابت خلاص عليها غبارتي الا ماجت لحد شن بردلها عقلها ااه اديا وجعوني خللي نرجعوا💋 ))
انا "خشيت طول لداري جبدت فازو النوتيلا🍫 الا تحت السرير متع الاحتياط وقعمزت كليت كليت لين دهشت انتم مصدقين اااه ي قلبي امجد يحبني هذاكا الولد الا مايهزه شي يحبني نعرف انه امجد مش متع وجيج وعلاقات معناها يحبني اااه "
امجد . "كنت مقعمز جنبهم وفجأة خشت كانت تضحك وتحرك في ايديها وتتكلم واني بناكلها بعيوني بعد ماناضوا الكل لا اراديا ضعفت قدامها ومن وين جتني الجرأة انه نعترفلها طلعت بسرعه ركبت السياره ودرست قدام البحر "
انا."دخت من التفكير او بالاصح من فازو النوتيلا استلقيت علي السرير ومشيت فيها نومه "
#ثاني يوم الساعه ٨:٠٠ص
انا. نضت لان اليوم حلقتي المنفرده ماما وبابا قاعدين راقدين درت كابتشينو وحيييي من بيرفعني مافيش غير حمادي كيف بنصالحه يا همي اذكرت موضوع نور مع الساعه 9اتصلت بيه وقولتله تعالى ارفعني وخذيت تابي وهاتفي وطلعت لنور اول ماخشيت بشويه خايفه نشوف امجد والله نمووت بعدها ركبت جري لنور ""
انا. نوووور نوووور
نور. همممم
انا. نوضي صحصحيلى نبيك في موضوع
نور. خيرك
انا. اسمعي سمعتي حلقتي امس كانت علي النسيان
نور. اي باهي
انا. باهي نسيتي اسلام
نور. الله يرحم نسيت خلاص
انا. اوكي شفتي محمد خالي اول امس
نور. اي خيره طرف
انا. اوكي قاللي كلميها يبي يتعرف عليك واعجب بيك ونفخلي راسي بالموضوع
نور. مستحيل هذا الباب صكرته خلاص
انا. غير جربي والله الا جاد شكله
نور. شكله!؟
انا. قصدي جربي حتى صداقه مرات يصر نصيب
نور. خليني نفكر
انا. لو كان علي موضوع اسلام راهو عايش حياته فوتي وانسي وعيشي حياتك حتى انتي
نور. نفكر
انا. اوكي تسلميلي يا عسل
انا. "طلعت نجري وقت عليا ومحمد يتصل لقيته يستنى فيا ركبت "
انا. صباح الفل احلى حمادي في العالم
محمد. صباح النور
انا. شنجك
محمد. باهي
انا. حمادي
محمد. خيرك
انا. قالتلك خللي نفكر
محمد. من هيا
انا. حبيبة القلب
محمد . كذابه كلمتيها
انا. كيف طلعت من عندها ونوضتهالك من النوم
محمد. منوره يا احلى للوش
انا. صافي يا لبن
محمد. صافي
__________''''':'*''"________
نور. "بعد ماطلعت الاء قعد عقلي فكره ترفعني وفكره تجيبني اني معاش عندي ثقه في اي حد فمانقدرش نرتبط تاني ومن ناحيه تانيه علاش نوقف في حياتي بالرغم من ان اسلام عايش حياته وهوا الا خسرني شن الحللل ياربي مش عارفه "
_________💜💙💜💙______
امجد . كان مقعمز في مكتبه وهوا فكره تجيبه وفكره ترفعه وقدامه ورقه يخربش ويلوح ففتح الراديو وسرح في كلماتها الا جوه علي الجرح كانت تقول ..
انا. وهاذي اول رساله لحلقتنا تقول صباحك ورد حبيبتي الاء برنامجكم حلو وانتي احلى موضوع حلقتك حلو انتي يا اما طالعه من تجربه فاشله او انتي قلبك قاسي سامحيني لكن هكي الباين
انا. هههه صباحك فل انتي ا حلى اكيد اني ولا مره عشت تجربه من النوع هذا يعني لا فشل لا نجاح وقلبي مش قاسي لكن اني هكي رأيي علاش تعيشي روحك في وهم الحب خليك حره طليقه بدون اي قيود ...
امجد . ابتسمت تلقائيا لكلمة انها ولا مره عاشت تجربه وباقي كلامها مادورتاشي لانها لو حبتني حتغير رايها
انا . كملت حلقتي كنت فرحانه بديت ننشهر شويه وكل الرسائل مشجعات ويدعموا فيا طلعت من الحلقه اتصل بيا مصعب
انا. الو
مصعب. هلا بمقدمتنا صباحك ورد
انا. اهلين مصعب
مصعب. رووعه الحلقه بجديات روعه
انا. تشكرات هيا توا سلام
انا. ""بالرغم من اني جايه من مكان مختلف تماما عايشه حياه بسيطه ولا مره فكرت ننشهر مصعب ولد حباب وبرئ ومثقف يعني طريقة تفكيره حلوه وغريبه شويه لذلك ارتحتله "
انا. كلمت محمد وروحت للحوش اتغذيت وقعمزت علي اللاب توب وتيت حلقتي الجايه الناس بدت اتابع فيا اكتر مع انه تاني حلفه لكن الفرق واضح شويه هكي كلمتني نور
نور. للوش
انا. انعم
نور. حلقتك اليوم روووعه
انا. جديات
نور. والله تهبللل
انا. شن صار فكرتي
نور. في شنو
نور. تي مازال مش توا لين يجي وقته بعدين ساهل
نور. قوليلي خيىك امس
انا. قصه طويله اسمعي تعالي تو نحكيلك
نور. خمس دقائق
انا. "صكرت من نور فتحت شويه علي التعليقات متع الصفحه كلهم ايجابيات وهذا وين تأكدت انه حلمي تحقق بعد دقيقه ممكن جت نور على وجه السرعه
نور. وووك لما يبدا في موضوع هكي تحسي الطريق طويله
انا. هههههه هوا هذا الا فالحه فيه
نور. اي احكيلي
. . .
.
.
يطبــ🙈💋ـع
كاتبة الروايه لوليانا 💙👤
أنت تقرأ
حب بطعم النوتيلا
Randomرواية ليبية بقلمي الكاتبة الاء عبد الستار فتاة لا تؤمن بالحب وفجأة يظهر لها الهيام بذاته واسرها .. في كل مرة يهمس لها ب احبك يكاد قلبها ان يتوقف ظلت اسيرة عشقه .. حتى نهايتها ...
