حب بطعم النوتيلا

الحلقة 16

جت نور على وجه السرعه
نور. وووك لما يبدا في موضوع هكي تحسي الطريق طويله
انا. هههههه هوا هذا الا فالحه فيه
نور. اي احكيلي
انا. هذا ي حنه ...(وحكيتلها )
انا. "ماتتوقعوش درجه الدراما والشهقات والعياط"
نور. ااه ي حليلي والله كنت حاسه وراه حاجه مايطلع منه الكلب امجد
انا. باهي قوليلي شن الحل
نور . واني نقول الفم المفتوح وهوا طلع يجري وديما سرحان
انا.  نوور هيا قوليلي شن الحل
نور. باهي انتي شني تحبيه كيف تشوفي فيه
انا. بجد بجد لما نشوفه نحس قلبي بيطلع من مكانه نحس في روحي في دوامه وديما نبي نشوفه
نور. للللولي مبروك عليك مرت خوي طلعتي مكبده
انا. تي اخرطي امجد رااه
نور. خيره امجد طلع يحبك
انا. اسمعي جو الحماه الواعره بري بيه بعيد
نور. قوليلي تحسي بنفس شعور لما تشوفي في احمد والا قصي
انا. لا
نور. خلاص معناها مبروك عليك
انا. ااه يا راسي باهي اني مش مقرره نحب ولا نرتبط عندي احلام وطموحات باهي فرضا حق حبيته بعدين يسيبني شن ندير بعدين
نور. ابكي شن بديري يعني
انا. لا في حل احسن مافيش احلى من النوتيلا
نور. لا لا اني لما سيبني اسلام كليت سنكرز
انا. نفكر بعدين ساهل
نور. اي واللهي
انا. نوضي بالك بلا تفاها
نور. شن جو الطرف التاني
انا. شكوون
نور. المستقبل للانتاج والتوزيع الفني
انا. بلا بسالتك توا
نور. تي الولد الا معاك في البرنامج
انا. مصعب خيره شن ناقصه حسيت بيك حاطه عينك عليه فوتي حمادي ماتجرحيش قلبه بليز
نور..هههههههههه تافها والله
انا. اي نوو ي قلبي
نور. هيا اني خليني نتوكل راجلي ومفرخه يبوا يتسمموا ووووك منهم سحيقه
انا. اي والله ملا حاله مانا الاعندي بطنه زي البرميل ها ها مايعياش من الرصان امشي جدري
نور. ي حقيره تتكلمي علي خووي
انا. هههههه بري بري
انا. "مشت نور نضت صليت المغرب خشيت للكوجينا درت سندوتش ورقدت "

#ثاني يوم الصبح

انا. "كنت مقعمزه فطرت سمعت شويه من حلقة مصعب اليوم شويه واتصل تليفوني "
ايه . صبتحك ورد
انا. الله الله ايووته عاش من سمع صوتك
ايه . سلمك تي وين مغيبه قعدنا غير نسمعوا فيك في الراديو
انا . هههه شن جوكم شن اخباركم
ايه. تمام الحمد لله شن جو خالي ومرت خالي
انا. بخير شن ذكرك فينا
ايه . والله مستاحشاتك انتي والكلبه نور نبيكم تجوني غدوه كلمت البنات مازال انتي ونور
انا.""خللي نعرفكم ايه بنت عمتي مواليد 1997عندها اخت ايلاف مواليد 1995ووعندها زوز خوت اياد مواليد 1993 وجهاد مواليد 1994 وعمتي اسمهان ""
انا. تمام ايوته من عيوني لو لقينا من يجيبنا حاضر
ايه . وخيتي سلمها تهبللي والله لو مالقيتيش من يجيبكم نكلملك اياد والا جهاد اوكي وديري في حسابك بتباتي
انا. ايوته والله مانقوللك علي البيتان علي حسب ماما وبابا
ايه . خليهم عليا اسمعي جايات صاحباتي نبيكم تفتلكوا انتي والمتشرده التانيه نور
انا. ههههه حاضر
ايه . خلاص سلام
انا . سلام
انا.""صكرت من ايه الله لينا قداش عليها الجمعات هاذي مشيت لماما ""
انا. اووو نبع الحنان شن اديري
ماما. هيا زودي ابدي معاي
انا. الله رشده انتي ديري التسقايه واني ندير الرشده
ماما. امالا خلاص
انا. ماما كلمتني ايه بنت عمتي عازمتنا غدوه وقالت البنات ملتمين وتبيني نبات اني ونور
ماما. عادي لكن شوفي بوك شن حالها عمتك
انا. قالت باهي شن نرفع معاي
ماما. غدوه عندك حلقه
انا. لا لا غدوه لا
ماما. خلاص ديري حاجه حلوه وديري حاجه حاره
انا. حتى فكرت هكي
انا. "فات الوقت تغذينا واذكرت نكلم نور علي المشيه نتصل بيها مقفل خايفه نمشيلها نشوف امجد توكلت علي ربي ولبست وطلعت "
انا. "خشيت لحوش عمي نمشي بالشويه بالشويه شفت الصاله مالقيت حد ركبت جري لدار نور"
نور. بسم الله العظيم خيرك هاده شني مكابحه مخدرات
انا. يا بقره خيره تليفونك مقفل
نور. مافيش شحن والشحن رافعه احمد
انا. تي ماهو حمار
نور. حسستيني حوشنا بعيد عليكم
انا. تي خايفه يشوفني امجد
نور. شن بياكلك امجد
انا. لا واللهي مبرده اعصابك هكي قاللي نحبك تي كيف بنحط عيني في عينه
نور. بالله نوضي بلا تفاها
انا. كلمتني ايه عازمتنا غدوه وملتمين عندها البنات وتبينا نباتو وجايينها صاحباتها وقالتلي البسي باهي انتي والمتشرده نور
نور. احلفي
انا. ههههه والله
نور. شفتيها البقره والله لمانوريها
انا. لازم نديرو حاجه نرفعوها
نور. اي اكيد
انا. باهي شن ندير اني
نور. اقعدي معاي نديروا مع بعض
انا. لا لا فوتي انتي تعالي معاي
نور. تي هيا عادي ديري معاي حاجتي بعدين نمشي معاك ندير معاك
انا. اوكي هيا نوضي وقت
انا. ''خشينا للكوجينا اني ونور ونزلنا فيها جهاد "
انا. اسمعي خايفه
نور. من شنو
انا. امجد يا همي "وفجاة"
احمد. خيره امجد
انا. "شبحت لنور لقيتها تشبحلي "
انا. امم امجد خيره امجد
احمد. انتو الا قولو خيره امجد
نور. ولاشي كنا نحكوا بس
احمد "بشك مع شبحه تخوف ". اممم براحتكم شن اديروا
انا. ماشيين لحوش عمتي اسمهان
احمد. امتى وعلاش
انا. غدوه عازمتنا ايه
احمد. باهي الابديروه نبي منه ولازم نعرف خيره امجد
انا. ههه خيرك انت قلنالك كنا نحكوا حكينا حتى عليك
احمد. خيرك انتي خاشه بعضك
انا. عادي غير برا خلينا نشتغلوا
احمد. اوكي اني طالع
انا. اااه يا قلبي زوديلي بنطيح
نور. احرف منك والله
انا. خووك هذا بجنني
انا . "وهكي فات الوقت ماشفتش امجد روحت بعد المغرب درنا الحاجات مع بعض ورحت رقدت طول "
.
.
.
يطبببببع 🙈❤
كاتبة الرواية لوليانا 😍
اعطوني رايكم