انا. اهيييييي خلعتني صباح يافتاح
امجد. ومن زيك تصبحتي في وجه اكتر انسان يحبك في العالم كله
انا. ههههه بالشويه عليا اي من زيني
امجد. شن هذا كله قرايه
انا. اااه يا بطني بالله علاش تذكر فيا
امجد. ها بدينا
انا. امجد...
امجد"قاطعني يقلد في صوتي "نحس في روحي مش حنجاوب بطني توجع فيا وقلبي يوجع فيا متوتره خلاص بنمووت اني عارفه مش حنجاوب امججددد قوللي شن نديييير
انا. هههههههههه اني هكي ندير
امجد. واحرررف واني ساكت ونصبر ليل نهار
انا. مش انت حبيبي خلاص تحمل
امجد. والله والله مهما يصير من نسيبك ولا نخليك دقيقه وحده حنوقف معاك في كل شي
انا. "شهقت"هيييييي
امجد. خيرك
انا. وقت "طلعت بسرعه وطلع وراي بالسياره كنت نقرا طول الطريق ونراجع .."
________________________________________________
<نرجعوا بالزمن لاسبوعين 💔
(لكل قلب حكايه ليس بشرط ان يكون لكل القوب نفس الشعور فاحدهما في قمة السعاده والاخر في قمة الالم كقلبي توأم احبا نفس الفتاة )
احمد. اني شفت نظرة الحب في عيونه هوا توأمي اني متأكد انه يحبها اني نعرف كل شي فيه امجد انت تعرف امجد ولا عمره اهتم بحد كان صعب ومايهدرزش شفته توا ديما فرحان ديما يضحك اني اكتر وحد نعرفه واخر حاجه كنت نتوقعها انه يحبها هيا بالذات
صاحبه . اصبر ياصاحبي الامايحلها ربي في يوم
احمد. شن تبيني ناخذها منه اني ماصدقت شفته فرحان بسببها بسبب البنت الا كتمت حبها في قلبي سنين الا حلمت بكل لحظات حياتي معاها شفت خوي يحبها شفت نظراته ليها كان موس في قلبي لما ندير روحي راقد ونسمع فيه يكلم فيها ويطمن عليها كنت نموت في الثانيه الف موته
صاحبه . ربي يعينك والله مانقدر نواسيك واني نعرف انت قداش تحبها من سنين
احمد. قلبي يا محمد قلبي خلاص تعبت تعبت كنت شايل هم اللحظه الا بنعترفلها فيها وتوا رااح كل شييي خلاص انتهيتتت
محمد. لا يا احمد انت راجل واني نعرف انه ايمانك بربي كبير ارجع احمد الا كان ديما يضحك وجوه مليح ربي يعوضك خير منها حتلقى في يوم وحده تقدرك وتصونك وتحبككك
احمد . قلبي اختارها هيا كيف ينساها قلبي
محمد. نوض ياراجل تعوذ من الشيطان ووحد ربي وياسر من النكد توكل علي ربي وخلاص خوك يحبها وهيا تحبه خلاص تم الموضوع انساها وتناساها واشغل نفسك بأي شي
احمد. نفكر نطلع برا ليبيا جايتني دعوه لمؤتمر وكنت رافض لكن شكلي بنقبل منه نغير جو ونحااول ننسى
محمد. اي واللهي فكره خلاص قتلتني وانت تنكد عليا
احمد. نوض نوض وانت هذا الاهامك الضحك وخلاص
((سبحان الله توأم في نفس البطن وتربوا مع بعض عاشوا مع بعض ضحكوا وفرحوا وعاشوا نفس الظروف وحسوا نفس الاحساس وفي الاخير حبوا نفس البنت رابطتهم قووويه وفجأة توقفت هذي الرابطه لما كان امجد كاتم حبه وهوا يموووت لما يشوف فيها كيف ديما تهدرز وتبصر مع احمد وهوا ولا مره حسباته كان احمدفرحان لما يناشابها ويضحك هوا وياها ولما كان امجد عايش احلى لحظات عمره لما قالتله نحبك ويهدرز معاها في الليل ويطمن عليها يواسيها ويفرحها كان احمد يبكي تحت بطانيته جنب توأمه ديما سعادة شخص علي حساب شخص ...
________________________________________________
في مكان تاني واجواء هاديه ناضت من النوم بكسلل لما سمعت صوت مسج جاها قرت المسج وابتسمت ليهم اكتر من شهرين مشاعرها تحولت لحب كبير اتجاهه ..
نور&محمد
الابطال الثانويين في روايتنا مانذكروش هللبا نشوفوا شن صار معاهم قبل
محمد. نور اني حبك
نور"الصدمه شلت كل جسمها "...
محمد. والله نحبك كنت نسحاب العلاقه الا تربطنا صداقه لكن طلعت غلطان اني نحبك قلبي يدق بشوفتك وسماع صوتك
نور. مش عارفه محمد انت صدمتني
محمد. خوذي وقتك وفكري اني نستناك طول العمر
...............................................
(عدنا )
نور. "ابتسمت بحب وهيا تقرا في رسالته الا كانت تقول "صباح الوردات يا مشفشفه اكيده قعده راقده الله غالب حصلت في مرا خميرة نوم يلا نوضي وصحصحي نبي نسمعك صووتككك مستاااحشك
نحبكككك❤ محمد ❤"تنهدت بحب واني نحبك بس يارب ماتكونش زي اسلام وتكسر ثقتي وتتخلى عليا يارب نزلت منها دمعه حاره عي خدها وتحولت مشاعرها الى خوف مسحتها وناضت ..
///////////////////////////////
انا. "روحت من المدرسة واني خاشه لحوشنا قابلني احمد مقعمز وواضح علي وجها انه مضايق مشيتله
انا. احمم احمم وين سرحان
احمد. اهلا عاش من شافك وين
انا. شوفت عينك قرايه شن جوك
احمد. الحمد لله ع كل حال
انا. غريبه مش في الشغل والا عمي عطيك اجازه
احمد. وين اجازه ممنوع غير تعبان شويه
انا. سلامتك خيرك
احمد. ارهاق
انا. اي صح وجهك اصفر شكلك هامل روحك الشغل يتعوض لكن الصحه لا
احمد. شكله موضوع الاذاعه اثر فيك حكم وجو
انا. هههههه ماابردك
احمد. اس..
انا."احمد كيف بيتكلم سكت استغربت شفت للمكان الا يشوفله وشفت شوفه ياريتني ماشفتها امجددد اووف كان يشوفلنا بنظرات حسيت روحي قريب نحرقت من قوتها "
امجد. شن اديروا
اانا. نهدرزوا
امجد. في شن تهدرزوا
انا. عادي يعني في شن بنهدرزوا
امجد . باهي خشي
انا"شفتله بنظره متع مافهمتش"
امجد. "اشرلي اني نخش "
انا. "خشيت لحوشنا الغريب في الموضوع انه احمد ماتكلمش نهائي ومش من عادته وخصوصا انه مايعرفش بعلاقتنا مرات مضايق من حاجه وماركزش ومرات متعارك هوا وامجد ...
احمد. "ابشع شعور في العالم مر عليا في الدقيقتين الا فاتوا شفت نظرات امجد وخوفه وغيرته علي البنت الا حبيتها مني كان غاير عليها واول ماكلمها فهمت عليه ومشت وطلع وراها ...
((فاتوا ايام ..
يتبع كاتبة الرواية لوليانا ❤
اعطوني رايكم بلا بخل زايد حراام عليكم حبوباتي 😢😂
YOU ARE READING
حب بطعم النوتيلا
אקראיرواية ليبية بقلمي الكاتبة الاء عبد الستار فتاة لا تؤمن بالحب وفجأة يظهر لها الهيام بذاته واسرها .. في كل مرة يهمس لها ب احبك يكاد قلبها ان يتوقف ظلت اسيرة عشقه .. حتى نهايتها ...
