#ثانــي_يوم_الصبح
انا.((كنا ملتمين كلنا علي سفرة الفطور اني ونور واية وايلاف وعمتي وجهاد واياد راجل عمتي كان مسافر))
انا. الله يا عميمه يهبللل السفنز من ايدياتك
نور. اي والله يجنن
عمتي. كولوا صحيحه قوليلي ي الاء
انا. انعم
عمتي. حق بديتي في الاذاعه
انا. اي يا عميمه قصدك ماسمعتينيش
عمتي . لا والله ماندري علي حاجه اني
انا. اي كنت في اذاعة الثانويه كلمتني المديره وعرضت عليا وافقت برنامج صباحي في الاذاعه نمشي يومين في الاسبوع
عمتي. حلو موقعه معاهم عقد
انا. اي
جهاد. نسمع فيها ماتقوليش هيابكل
نور. لكن حلو
ايه. اي صح تقدم حلو
اياد. علي اساس تناقش في الدكتوراة
انا. لا لا الدكتوراة مخلينهالك انت
جهاد. قصفاتك ريح روحك
اياد."برم وجها وماعدلش عليا الانسان هذا كتتتتللله من ثقالة الدممم "
انا."كملنا فطور وضمينا الحوسه كلمت محمد"
انا. صباح الخير
محمد. صبا النور
انا. ماتقوليش راقد
محمد. اي شن في
انا. توا توا تنوض توصلني للاذاعه وقت عليا وعلى فكره معاي نور في حوش عمتي
محمد. احلفي
انا. والله جدياات هيا وقت
انا. "صكرت منه كلمت نور وتينا روحنا كنت دايره في حسابي البرنامج جبت الاوراق واللاب توب وكل شي كانت الساعه ممكن 8 لانه نايضين بكري وشويه وجي محمد على جناح السررعه .."
انا."سلمنا عليهم وطلعنا ركبت من القدام ونور ومن الخلف .."
انا."سلااام قولل من ربي الرحيم هذا شن هذا اللبببسه والله ماعرفته كااان كااان طارح طرحه وواااااووو يعجز اللسان علي وصفها والنظراات والرائحه ووووه نخنقت وشوشتله "
انا. امتى لحقت
محمد. نعجبك
نور. السلام عليكم
محمد. وعليكم السلام
انا. "اسيادنا الشيوخ"
محمد. كيف حالك نور صح
انا"وشوشتله"على اساس ماتعرفش
نور. اي صح
محمد. تشرفت
نور. اني اكتر
انا. وهني ساد الصمت لكن عيونه الا في قلب راسه زي مايقولو بودرونا " .لو سمحت الطريق
محمد. اهوو وصلنا
انا. نور تجي معااي والا كيف
نور. اي عادي
محمد. خلاص نستناكم
انا. اوكي في كفتيريا تقدرو تقعدو فيها
محمد. اي عادي
انا."خشينا "اعقل وفكنا من هبالك
محمد. لا بالله عليك
انا. اني بنمشي
نور. اوكي تمام
انا.((خشيت لغرفة التقديم حطيت اوراقي واللاب توب قدامي كنت مستعجله حسيته وقت وخاشه بعضي خش عليا مصعب ))
مصعب. صباح الخير
انا. اهلا صباح النور
مصعب. شن جوك
انا. زي ماتشوف حوسة قبل الحلقه
مصعب. ربي يسهلك
انا. انت بتقدم معاي اليوم والا كيف
مصعب. لا اني نجي ديما حتى بلا حلقه
انا. كويس شن الوقت نبدا والا كيف
مصعب. تو نشوفهم
انا. تمام
انا. ""طلع مصعب جهزلي كل شي وبديت ..))
________________________
في مكان ثاني في اجواء مختلفة في ضغط الشغل والاوراق كان وراء مكتبه اذكر برنامجها الصباحي علق سماعاته وفتح علي حلقتها وصفن في كلماتها
""الاصرار انك تكون شخص عنده هدف يبي يوصله لازم تكون شخص مصر مهما كان هذا الهدف الاصرار حلو ويجيب نتيجه والاحلى من هكي محاولاتك واصرارك على شئ معين حتكون انت الكسبان في الموضوع يعني كون مصرر لابعد الحدود وصدقني حتوصل علي الحاجه الا في بالك يعني توا لو انت او انتي مقعمزين ومش عارفين شن اديروا نوضوا وخليكم مصرين علي حاجتكم وابدو في خطواتكم لانكم حتفرحواا وهللبا ❤..""
امجد. ((تفاءلت من كلماتها حسيتها حتعطيني فرصه صح اني اعترفتلها لكن في خاطري هللبا كلام نبي نقوللهولها نضت زي ماقالت لميت الاوراق الا قدامي وطلعت حنقوللها كل شي..))
_________"'"::؛؛::__________
محمد. نور عادي تعطيني فرصه
نور. محمد نبي نكون صريحه معاك من الاول اني طالعه من تجربه فاشله صح نسيت لكن صعب اني نوثق من اول وجديد
محمد. اوكي متفهم الموضوع كلنا نقعوا في اخطاء لكن تعرفي عليا ونتعرف عليك على الاقل نبدو اصدقاء بس
نور. مش عارفه الصراحه اني مش متعوده علي حاجه زي هكي لكن اوكي نعطيك فرصه لكن حافظ عليها
محمد. من عيوني 😍
نور. اوكي اصدقاء بس
محمد. خلاص اصدقاء💓
__//__//__//__//__//__//__
انا.((كملت حلقتي طلعت كنت واقفه علي الريسبشن فجأة لمحت امجد اي اي صح امجد كان جاي جيهتي"
امجد. اهلا
انا. اهلين امجد
امجد. كيف الحال
انا. تمام شن ادير هني
امجد. الاء نبي نكون صريح معاك ونبيك تسمعيني
انا. اوكي عادي خلينا نطلعوا برا
انا."طلعت اني وامجد برا كان في حديقه قعمزنا حسيت انه حيكلمني على نفس الموضوع قلبي بيطلع من مكانه ومرتبكه وكان واضح عليا ""
امجد. مش عارف من وين نبدا وشن نقول الاء اني من قبل قولتلك اني نحبك والله والله نموت فيك ومش من امس او اليوم من سنين انت الانسانه الوحيده الا سكنتي قلبي وعقلي وروحي ماكنتش عارف شعوري اتجاهك شن هوا بالزبط كنت لما نشوفك نحس بفرحه لا توصف اكيد تحسي اني شخص قلبه قاسي لكن قلبي حن يوم حبيتك وعشقتك ماقدرتش نكتم اكتر من هكي اني نبيك تكوني حلالي وملكي نبيك تكوني ليا اني وبس وصدقيني مش حنرخي بيك الاء اني نحبك
انا . ((قلبي يا عاااالم يا ناااس قلبي اي قلبي بيوقف مش مصدقه المشاعر هاذي كلها والكلام هذا كله ليا اني اي ليا اني قاللي نحبك نبيك تكوني ملكي حلالي ااه ))
انا. امجد ولا اني عارفه شن بنقوللك مشاعرك صادقه بس
امجد. الاء مافيش بس اعطيني فرصه حبيني لو بنص حبي ليك بس
انا. امجد لو حبيتك صدقني حنحبك اضعاف حبك ليا بس حتى انت قدر واعطيني فرصه نحبك فيها
امجد.((واخيراااا بعد سنين اعترفتلها وقولتلها كل الا في خاطري كأن جبل وانزاح من عليااا والاحلى من هكي انها تفهمتني والله نحببببهاااا ❤))
امجد. خوذي راحتك تروحي معاي
انا. سوري محمد يستنى فيا في الكافي
امجد. من محمد
انا. بالشويش عليك ولد عمي محمد خالي
امجد. هيا سلام
انا.((طلع امجد من هني واني الدنيا مش سايعتني من الفرح علاش مش عارفه جاني شعووور حلوووو كلام يهبللل عيونه الجذابات الا يسحروا يهبلووو كل شي فيه يهبلللل ..))
_____******_____******___
امجد. طلعت ركبت السياره واني الدنياااا مش سايعتني من الفرح عارفها طيوبه وحتقبل وتعطيني فرصه حتكووون ملكي وحلاليي اااه ..))
____***___***___***___**_
<<
.
.
.
يتبع للحلقه الجايه مازال الخييير جاييي ❤
كاتبة الروايه لوليانا 🙈😍
YOU ARE READING
حب بطعم النوتيلا
Randomرواية ليبية بقلمي الكاتبة الاء عبد الستار فتاة لا تؤمن بالحب وفجأة يظهر لها الهيام بذاته واسرها .. في كل مرة يهمس لها ب احبك يكاد قلبها ان يتوقف ظلت اسيرة عشقه .. حتى نهايتها ...
