في نفس الوقت بعد اذان المغرب
كانت نور متكية علي الكنبه واحمد في الكنبة الا مقابلتها يتفرجوا علي التلفزيون وكان امجد مقعمز علي كرسي جنبهم وباقي الاولاد سامر و قصي ومحمد يلعبوا بلايستيشن في الدار التانيه
نور. احمد
احمد. هممم
نور. غريبه الاء ليها 3 ايام ماجتش
احمد. اي حتى اني فاقدها
نور. اول مره تعرف تغيب هكي بالك مريضه
احمد. اتصلي وشوفيها
نور. اوكي
((خذت نور فونها واتصلت بيا وفاتحه السبيكر و اني كنت راقده زي ماتعرفوا ))
نور. الو
انا"بصوت وحده راقده". هاا
نور. لولي ❤شنجك كلبه معاش جيتي
انا"نكلم فيها لكن راقده يعني ماندري علي شي"
مني انتي
نور. اني نور"كان احمد وامجد جنبي كان احمد يضحك وامجد يسمع باهتمام 😍"
انا. تـي منـي نور الهم
نور. انتي شكلك هابله خيره صوتك مريضه
انا. وواك مايخلوش وحد راقد
نور. فهمت راقده.. الاااااااء💡
انا"عيطت نور عيطه في وذني لين فقت علي روحي "عطيك طرشه ان شاء الله 😢
نور. هههههههه توا صحصح العسل😂😂
انا. شن تبي لخصي
نور. تفي علي وجهك ي حماره متصله نسأل عليك وين انتي
انا. في حوش خوالي اني كيف افتكيت من وجهك ووجه خوك الشين احمد درهلي كبدي ملا فكه اسمعي نواره ردي بالك تعاوديله اوكي🙏😢
نور. هههههههههههههه😂😂
انا. هبلتي
نور. المشكله وين ....(قطع عليا احمد كان يسمع فيها امجد كان يضحك واول مره نشوفه يضحك من قلبه هكي ولحمد كان بيتفجر )
احمد . ملا فكا معاش تجي اقعدي في حوش خوالك واني نقول خيره الجوحلو والدنيا هدوء
انا. أ أنت س سمعتني
احمد. اي سمعتك لكن حسابك لما تروحي
انا. برا ارقد ولد عمي
انا. نووور
نور. نعم
انا. ي كلبه علاش ماقلتيش
نور. تي كنا مقعمزين نتفرجوا
انا. كنتو؟؟انتي ومني👀
نور. احمد و امجد😍
انا. كذابه وسمعوني
نور. اكيد
انا. عااادي😢 طيرتي النوم من عيوني
نور. عادي مازال الوقت شن جوك
انا. مليح وانتي
نور. اهوو كساد
انا. اوكي توا سلام بنولي نرقد واضربيلي احمد وامجد سلميلي عليه هلبات مع انه مش متع سلام لكن يالا ماشي
نور . وصلوا
انا. هيا سلا م وصكرت عليها
((صكرت من نور كان موقف محرج لانه صار قدام امجد مش عارفه علاش بديت مهتمه بأمجد مع انه ولا مره اعطاني فرصه نحكي وندردش معاه زي احمد فكرت شويه ورجعت رقدت ))
_________------_________
((صكرت من الاء ولقيت امجد مركز معااي اكتر من احمد الا كان مع التلفزيون مع اني صكرت السبيكر لكن كان مركز وهاذا الا زاد اكد شكوكي اتجاه امجد نضت ضربت احمد لكن بشويه انتو تعرفو البصاره وخاصه مع الاولاد لان بصراحه مايتبصرش معاهم خفت ينوض يردسني ردستين نمووت😂😂وقلت لامجد تسلم عليك الاءوكانو عيونه قلوب بعدها امجد ناض من جنبنا ))
^•^_____________^•^
(( امجد شخص تقدروا تقولو هادئ اكتر من اللازم او زي مايقولو مغرور حريص علي شغله اكتر من اللازم هوا متخرج من الهندسه احمد توأمه مختلفين علي بعض امجد ياخذفي كل الامور بشكل جدي عكسه تماما نرجعوا...))
"بعد ماسمع صوت معشوقته او صوت البنت الا
يحبها من سنين ومش قادر يعترف حتى لنفسه
وويكابر وغروره مانعه من الشي هذا مع انه دقات
قلبه لما يشوفها ماتفوقهاش اي سرعه في العالم
ويشتعل غيره لما تتكلم مع اي حد غيره ويكابر انه
يعترفلها ويعترف لنفسه انه يحبها بسبب غروره
خش لغرفته وتمدد علي سريره وهوا يشوف للسقف
ويتخيل في صورتها قدامه ورقد علي صورتها""
-------++++-----+++++---٠
""عند بطلتنا ""
(مكانش حالها احسن من حاله رجعت تمددت علي فراشها فكرت في حياتها صحباتها امها بوها كل شي فكرت في فارس احلامها الا ولا مره جربت تشوفه فكرت في كل شي يخصها وكان من ضمن تفكيرها امجد لكن مافكرتش انه يكون هوا الفارس المنتظر ونامت بطلتنا الحلوه)
.
.
.اكيد تعودتوا يطبـّـ😗ـبع
كاتبة الرواية لوليانا🎼💜
YOU ARE READING
حب بطعم النوتيلا
Randomرواية ليبية بقلمي الكاتبة الاء عبد الستار فتاة لا تؤمن بالحب وفجأة يظهر لها الهيام بذاته واسرها .. في كل مرة يهمس لها ب احبك يكاد قلبها ان يتوقف ظلت اسيرة عشقه .. حتى نهايتها ...
