حب بطعم النوتيلا

الحلقة { 12 }

الحلقة { 12 }

#ثاني يوم 10:30

انا. صباح الخير
ماما. صباح النور
انا. نبي نفطر
ماما. اهو كل شي قدامك
انا. ماما وين فازو النوتيلا الا جابه محمد
ماما. تكسر
انا. كيف !؟😢
ماما. طاح من الدولاب وتكسر
انا. احلفي
ماما. شني بنكذب عليك
انا. "وهني صارلي ستك جتني حالة صمت قويه حتى الفطور نسدت نفسي عليه اااه ي قلبي 😭😭😭""
_______________________

((هذا الصباح الكئيب كان الاكثر حزنا وكئابتا في حياة بطلتنا فقدت بطلتنا اجمل ماتملك في هذه الحياة فقدت عبوة الشوكولاتة الاجمل والاروع في هذا الصباح لم تتناول بطلتنا وجبة فطورها بسبب حزنها الكبير جلست لفترة في صمت ثم اخذت تقوم بكل اعمال المنزل للتخلص من عصبيتها لديها الحق في ذلك ليس من السهل فقدان "فازو نوتيلا🍫"
وخاصة انه كان ((#حب من اول نوتيلا))
______________________🌷

((بعدت ماتفلسفت شوية خللي نشوفو شن صار مع الاء ...))
انا. معاش عندي نية نفطر شديته جهاد في الحوش والصراحه فرغت الشحنات الا داخلي وماكملت الا على اذان الظهر خشيت تريحت شوية وتفرجت علي التلفزيون بعدها نادتني ماما للغذي
ماما. الاء
انا. نعم
ماما. هيا تعالي وتي معاي الطاوله
انا. بابا روح
ماما. قريب معاش يعطل
انا. مني جاينا
ماما. محمد خالك هيا بسرعه
انا. شوفي الكلب ماقاليش
انا. "شويه ونسمع فيه "
محمد. "من البرا يعيط". فرخه الاء
انا. فرخه في عينك
محمد. امتى بتقصي لسانك
انا. لما ادير عقل
محمد.ووك منك شن دايرتلنا غذي
انا. مش شغلي اسأل اختك
محمد.شن هالبايره هاذي
انا. تو نشوفو الا بتاخذها
محمد. شن صايرلها بنتك
ماما. خليها بتهبل اصلا خلاص
محمد.علاش
ماما. علي خاطر فازو النوتيلا الا جبته تكسر
محمد. هههههههههههههههههههههههههههه
انا."لما ضحك لدرجه اني نخلعت قعدت مصدومه فاتحه عيوني ونشبحله ".بلاش هبال مش لهدرجه
محمد. اللهم لا شماته سخفتيني بنت اختي
انا. اسمع فكني منك هيا تعالى الغذي واتي وبابا روح
انا. "التمينا كلنا علي طاولة الغذي محمد وبابا يهدرزو مره علي الشغل ومره علي القرايا وهكي فات الوقت درت قهوم ودرت معاها طروف مالفي وطلعت اني ومحمد للجنان "
محمد.شن صار بتمشي غدوة
انا. اي اكيد غدوه مش اول يوم لكن حيفهموني وهكي
محمد.خلاص اول ماتنوضي كلميني
انا. مرات مش الصبح
محمد.نحس فيه اكيده الصبح
انا. تو نشوف وخلاص . قوليلي
محمد.انعم
انا. امتى ناوي اديرلنا عرس
محمد. والله كان عندك مانقولش لا
انا. غير بجديات
محمد. والله مامفكرر حاليا اني مازلت صغير ونبي نهيج
انا. ماصحك صغير حق باهي انت معقوله ماعندكش كبيده
محمد.والله ماعندي مقضيها معاكسات وجو من الاخير
انا. وتقول فيها ي فرحتي بيك ماهو كله بولي عليك
محمد. بالله فكيني من اسطوانه العزايز هاذي
انا . عندك دماغ وفكر بيه مش غير حاطه زينه
محمد."كنا مقعمزين علي كراسي زي الكنبه في مخده حذفني بيها ". مبردك باهي وانتي
انا. اني شنو
محمد . تستعبطي يعني مش مكبده معندكش كبيده
انا. ولا فكرت نخشه وجيج
محمد. اسمعي معقوله طرف هكي وماعندهاش
انا. عادي
محمد. تي اصلا انتي وجهك وجه نكد
انا. اصلا عارفه
محمد.واللهي !؟
انا. والله 😂😂😂😂
انا."وشويه خشت علينا نور قعدت نشبح لنور ونرجع نشبح لمحمد كان محمد مبهور من المنظر نور جذابه وجميلله هللبا كانت لابسه تيشرت حلوي مع سروال اكحل واسع ولافه شعرها كعكه وبعض الخصلات طيحات علي وجهها ونور كانت مصدومه اول ماخشت وشافت محمد لفت وولت نضت وراها طول "
انا. نوور
نور. شن هذا
انا. تي هذا محمد خالي خشي خيرك
نور. والله حي علي العار شوفي شكلي
انا. والله تهبلي اصلا شكله طاح مبروك عليك مقدما
نور. شوفي الحقاره هيا اقلبي
انا. "مشت نور واني خشيت نضحك "
انا. سوري عطلت عليك
محمد. الاء من الطرف هاذي
انا. باللهي
محمد.غير قولي
انا. تحشم بنت عمي نور
محمد . سنقل والا مرتبطه
انا. مخطوبه
محمد. كذابه !؟_😬
انا. بجديات
محمد.اني بنروح
انا. خليك
محمد.لا لا ماشي
انا. ماتقوليش كبدت
محمد "طلع وسيبني "
انا "عرفته تعفلق هههه يضحك فيا مرات لكن مابيتش نعدل عليه "
((خشيت ضربتها نومه رائعه بمأنها عطله ولا خدمه لاشي واكيده النوضه على اذان المغرب نضت درت نسكافي وبعدها تعشيت يعني خلطته وجلطته فتحت النت بعتت مسج لمحمد ((كنت نبصر نور مش مرتبطه يعني لو تبي تلعب فوتها لانها حساسه وهللبا ))
شويه هكي ورد عليا
محمد. احلفي
انا. والله
محمد.تي منوره بكل
انا. حمادي انت متعرفهاش واني نعرفك انك تتسهوك وبتعلب وخلاص
محمد. عادي نتعرف والبنت بجديات عجبتني
انا. طول هكي
محمد. والله جديات غير افتحي معاها الموضوع
انا. تو نشوف
محمد. مش تشوفي نفدي
انا. اوكي
محمد. هيا طيري بنرقد
انا. "معاش رديت عليه لان بجديات عفلقني واستفزني نور حساسه وطالعه من تجربه فاشله وهوا ولا مره كان جدي في اي علاقه خفت يلعب بيها شويه هكي جاني مسج كان من مصعب "
مصعب. مساء النور
انا. اهلا
مصعب.
مصعب. كيف الحال
انا. تمام وانت
مصعب . مليح
انا. غدوه نجي للاذاعه
مصعب . اي اكيد اصلا قاعد علي احر من الجمر
انا. علاش
مصعب. نبي نشوفك الكل يشكر فيك وفي اسلوبك وشخصيتك عجبتني وصوتك حلو
انا. 'ابتسمت لا اراديا '. مااتعبش روحك لو اضايقت وماعجبنيش الجو حننسحب
مصعب. ان شاء الله لا لكن اكيده حنقعدوا اصدقاء
انا. اي لو سخر ربي
مصعب. غدوه اول حلقه في البرنامج
انا. حق !!ماكنتش متوقعه انه غدوه اول يوم ماجهزت شي
مصعب. عادي اني موتي الموضوع
انا. اها اوكي امتى الوقت
مصعب . مع 9:٣٠
انا. اوكي نستأذن منك بنرقد
مصعب. اذنك معاك تصبحي علي خير
انا.((نكلم فيه واني خايفه ومتردده هوا كل ليليه يكلم فيا الصراحه خفت حسيته جرئ شويه فحاولت نكلمه عادي وواضح اسلوبي معاه كان جاف ))
.
.
.
زي عادتنا يطبع للحلقة الجايه 🍫🍬
كاتبة الرواية لوليانا 😍🙈