انا. "مافاتتش 5 دقائق ووصلنا جيت بننزل من السياره كلمني امجد .."
امجد. غزالتي
انا. 'تلفتله '
امجد. هاذي ليك "مدللي السلسله "
انا. الله محلاها شن المناسبه
امجد. حبيبتي بلا مناسبات تطلب عيوني نعطيهملها
انا. شكرا
امجد. بشرط ماتنيحاش بكل
انا. حاضر
امجد. وهاذي هديه من ولد عمك
انا. والله مافي داعي لكن نوتيلا مش حنقوللك لا
امجد. هههههه والله مهبوله
انا. ""الله نظرات عيونه وضحكته وقيمة حاجبه كله علي بعضه يهبللل"" . هيا بااي
امجد. سلام
انا. "نزلت من السياره واصله درجه من السعاده ماتوصفش خشيت للحوش .."
________________________
امجد. "نزلت حبيبتي وعمري وروحي حياتي وخلت قلبي وعقلي وعيوني هايمات في عشقها ملكت قلبي وروحي ضحكتها عيونها عفويتها برائتها شخصيتها تفكيرها كل شي فيها هو الا خلاني نحبها ونزيد نعشقها ."
نزلت من السياره خشيت للحوش لقيت امي
امجد. السلام عليكم
امي . اهلا وعليكم السلام شن وجيهك ناير فرحنا معاك
امجد. شن مايجيش علينا
امي. وعلاش لا غير مش من عوايدك ان شاء الله ديما فرحان
امجد. ان شاء الله امي اني بنرقد ماينوضني حد
امي. استنى اتغذى
امجد. لا لا تعبان نبي نرقد بوي قعد
امي . لا مروحش
امجد. واحمد روح
امي. احمد جي ماندريش عليه طلع والا قعد
امجد. تمام زي ماقولتلك ماينوضني حد
امي . حاضر
امجد ""خشيت للدار بدلت حوايجي ورقدت علي السرير نحس في جسمي مكسر لكن الفرحه مافارقتنيش فرحه ماتوصفش ..
____*"٪٥'-٧٪"&___________
انا. "خشيت للحوش لقيت ماما في الكوجينا ."
ماما. اهلا شن الجو
انا. ماشي مامتي نبي نرقد ماتنوضنيش
ماما. والغذي
انا. لا لا مانبيش
ماما. جت نور سألت عليك
انا. تو نشوفها بعدين
ماما. باهي
انا. (خشيت للدار بدلت حوايجي امتديت علي السرير تعباانه لكن الفرحه ماليا قلبي مطيرتني في السماء ..)
<<اجساد انهكها التعب داخلها مشاعر العشق هي التي ترغمها على الاستمرار لتبدأ غد جديد بطعم العشق بطعم علبة #نوتيلا اهداها لها عشيقها >>
((وناموا بسلام بطلتنا بالرغم من مبدأها الا ولا مره حبت بسبب هذا المبدأ الا كان ينص على انها مستحيل تحب لا نها حتنجرح وهللبا وبدون اي سابق انذار مش حبت عشقت وبجنون .
اما في الطرف التاني عندنا امجد او خلينا نقولوا حبيب بطلتنا او فارس احلامها المنتظر البنت الا حبها وعشقها وكان من المستحيلات عنده انها تحبه او يكون قريب منها بالشكل هذا قبل لحظات كان يهدرز ويضحك معاها تعتبر معجزه عنده وبعد دقائق من التفكير غفوا والبسمه علي وجوهم في نفس اللحظه وزي مايقولوا (القلوب عند بعضها ) هو يفكر فيها وهيا تفكر فيه ..
#الساعــه 5:30مسـاءاً
انا. نضت من النوم درت قهوه وصحصحت عليها شويه مالقيتش ماما في الحوش شكلها طالعه شويه واتصلت بيا نور ..
انا. الو
نور. صحه النوم
انا. الله يسلمك
نور. تعالي نبيك
انا. نور كيف نايضه من النوم مش رايقتلك
نور. اسمعي فكيني من الطروح الا اديري فيها وتعالي توا بسرعه
انا. باهي
انت. "خشيت للدار كنت لابسه جمبسوت لونه وردي هادي لبست فوقه ماليا ووشاح وطلعت خشيت لحوش عمي لقيت ماما واعميمه في الجنان "
انا. السلام عليكم
اعميمه . ماما. وعليكم السلام
ماما. نضتي
انا. اي كيف نضت كيف حالك اعميمه
اعميمه . الحمد لله شن حالك انتي
انا . ماشي شن رايكم في الحلقه اليوم
اعميمه. لا مشاء الله عليك
ماما. اي مشاء الله اي حق من هيا البنت الا اتصلت بيك
انا. نغم
ماما. نغم نفسها صاحبتك قبل
انا . اي نفسها
ماما. صوتها تبكي لما تتكلم
انا. اي مش عارفه خيرها
ماما. المفروض تتصلي بيها تشوفيها
انا. ماعنديش رقمها اعميمه نور وين
اعميمه. شوفيها فوق اكيده
انا. "ركبت لنور فوق "
____*____*____*___*____*_
نور."اتصلت ب الاء نبي نشوفها شن جوها اني عارفتها اكيد ه اليوم بكت وخاصة بعد مكالمة نغم اني عارفتها ان البنت هاذي نقطة ضعفها شويه وركبتلي
انا. السلام
نور. وعليكم السلام شنجك
انا. تعباانه
نور. نغم الا اتصلت بيك بكري
انا. اي دوختني البنت هاذي
نور. معليشي انسي الا صار فات
انا. استاحشتها
نور. باهي كلميها تفهمك وتفهميها
انا. من وين بنجيب رقمها
نور. مش اتصلت بالاذاعه بكري
انا. اي عارفه
نور. خلاص كلميهم يعطوهولك
انا. ....
عارفه الحلقة قصيره بس معليشي تفاعلكم ضعييف شكرا للكل حد شارك بتعليق والله اراكم وتعليقاتكم علي راسي لكن تعبت هللبا مانستحقش تعليق طويل وحلوو لبولي امنيتي حبايب قلبي ❤
أنت تقرأ
حب بطعم النوتيلا
Randomرواية ليبية بقلمي الكاتبة الاء عبد الستار فتاة لا تؤمن بالحب وفجأة يظهر لها الهيام بذاته واسرها .. في كل مرة يهمس لها ب احبك يكاد قلبها ان يتوقف ظلت اسيرة عشقه .. حتى نهايتها ...
