انا اتخلعت قلت الولد دا كمان عاوز يعمل شنو
حسام : حنين ماسامعاني انتي
انا : كك ككويس ماشه
مشيت المطبخ مالقيت في الفريزر غير جك مويه باارد لما ماقدرت اشيلو من البروده وديتو ليهو مسكو مني ورشاهو كلللو في وش محمد ، انا لما شههقت المويه على شووبه كانت حتتلج في الفريزر ، مامحمد دا قام كدا ومقلع عيوونو ، سكتت حسام شويه كدا وداك بمسح في وشو بعد شويه قال ليهو محمد : مالك ياحسام والجابك هنا شنو اصلا انت وحنين ؟
حسام عاين ليهو كدا ورفعو واداهو كفف وعدلو بالثاني انا بس واقفه وخاته يديني في خشمي وببكي ،
حسام : داشنو الكنت بالعو دا يامحمد
محمد بس كان منزل راسو وساكت
حسام : محمممد ارفع راسك دا وعاين لي دا الشنو كنت بالعو دا ، لي يا محمد يا اخوي لي عامل كدا في روحك ، الوصلك للطريق دا شنو يا اخوي ، الخلاك تتعاطى شنو ، داحالتك دكتور وعارف خطورة الحاجه دي الوصلك هنا شنو ، ماخايف على نفسك انت ، انت عارف الكميه من المخدرات الفي بيتك دي لو تتقبط اقل شي 15 سنه سجن ، ماخايف على نفسك ، طيب ذنبهم شنو اهلك الحيتمرمطوا في المحاكم والسجو بسببك ، ذنبها شنو المسكينه القاعده ومعلقه امالها فيك وكنت بتقول ليها ح اتزوجك باقرب فرصه
( انا لما بقا يتكلم معاهو كدا قعدت في الكرسي وبقيت ببككييء )
حسام : هسي كنت عارف لو حنين ماقفلت عليك الباب كان ممكن تعمل فيها حاجه
انا رفعت راسي وعاينت ليهم لقيت محمد دا دموعو نازله
حسام بصريخ : الجبرك تعمل كدا شنو اتتتكلم
محمد : ياخ دا ما كان من اختياري ولا جيت بلعتها بارادتي ياخ افهم بلعتها كم مره كدا بالغلط تاني ماقدرت اخليه دا ترامادوول ما اي نووع عشان اقدر اقوامو
حسام سكت مساافه وبقا بعاين ليهو ، شويه كدا قال ليهو : كيف يعني جبروك عليهو ؟!
محمد اتنهد كدا وقعد وقعد وراهو حسام وقال : بتعرف تسنيم ( دي البت القلت ليكم بقا بيقعد معاها )
حسام : مش تسنيم عبد المنعم ؟
محمد : ياها .. بسبيها انا وصلتا المرحله دي .. يوم كان عندي وجع راس عادي وماكان عندي حبوب بندول المهم طلعت لي حبه من الحبات ديل على اساس انها بندول وادتني ليها .. ووحده تانيه ختتها لي في العصير قالت وحده مابتكفي .. وتاني مناليوم داك انا مقدرت اخليهو وكل ما احاول اخليهو مابقدر ياحسام بلقى روحي تلقائيا شلت لي وحده وبلعتها .. ماقادر قدر ماحاولت ماقدرت نهائي
حسام نزل راسو وختا يدينو فيوشو
انا : بس محمد تسنيم مصلحتها شنو من الكلام دا
الجزء 33
Start from the beginning
