مرت 5 سنوات على الحادث...(الحوار بالتركية)
ايثار ناضت من فراشها كتعكزتحل عينيها و تسدهم بطفولية ناضة عند وعد لي فسرير للي حداها: وعد وااااعد
وعد حلات عينيهاو لاحت الفراش على راسها: اش بغيتي تاني...باقي الحال اووف
ايثار: شي حاجة فشعري كتحكني
وعد😨:المخلوقات العجيبة انها آتية(غطات راسها)
ايثار: عفااك😢 ..غنقولها لمامي
وعد لاحت الفراش و مشات عندها..رغم انهما بجوج بنات الا ان وعد مرجلة مكتخافش و جبايهية .. جلسات وعد و شدات ايثار قدامها جبدات ليها شعرها المذهب كتقلب فيه و جامعا فمها: مم قميلة.. لا لا
ايثار دفعاتها: مفياش نتي للي فيك القمل
وعد: نتيي... متبقايش تفيقيني اوووف ياله نعست
ايثار: نمشي نقولها لمامي و عمي
وعد كتعيب فيها : نننن نقولها لمامي ..شافتها خرجات و هي تبعها: وااجي غير ضحكت معاك مفيكش..تبعاتها كتجري لقاتها نزلات عندهم للصالة نزلت وعد كتجري فالدروج شدتها فآخر درجة..
وعد: عفااك غير ضحكت معاك مفيكش قميلة انا للي فيا هانتي شوفي...العائلة سمعو التوشويش تلفتو جيهت الدروج لقاو دوك الشقرات..وسط نقاشهم وقف عليهم يوسف هزو البنات عينيهم فيه و بداو كيتقارصو
ايثار: عمي وعد قالت
وعد بركت ليها على ايدها: لا والو الواليد غير
يوسف: ايثار سيري عند ماماك..دار عند وعد مطلع حاجبو نزل عندها: الواليد!!! منين جبتي هادي
وعد: نتا كتقولها لبا سيدي
يوسف ضربها لراسها: ياله دخلي
ياسر: وعد حبيبا علاش فايقا
سلمى: وينو على الصغيورة باقا سهرانا
سهيل: فين عهد و سليم
وعد : امالكم دورتوني انا كنت ناعسا راه ديك الخوافا هي للي فيقاتني وانا بزز باش نعسة اه خالي اخر مرة تقوليا حبيبا
شاف فيها مستغرب: علاش
وعد: حيت
....: انا بوحدي للي نقولها ليها
تلفتو كلهم فللي داخل مع الباب
وعد: جيتييي توحشتك ا زيكو
زاك: حبيبة شتك فيقا .. تلاحت عليه وعد عنقاتو
زاك: اوا انا كتر
وعد: لا انا كتر .. زاك: انا كتر
سهيل: تلاقيتو..زاك على سلامتك
زاك: الله يسلمك كبقات جدة
جنة: الحمد الله
زاك: ممم شتكم اليوم كاملين مجموعين
نسمة(جاندي):البنات بيتكم ياله و نتي (ايثار) متبقايش تفيقيها ياله اوعد شربي دواك و نعسي غدا خاصك تفيقي بكري باش دوزي للامتحان ديال المدرسة
وعد: اوكي طاتي..باست زكرياء فخدو و بتاسمات ليهم و طلعات وصلات لبيتها غطات ايثار و نعسات ولا نقدرو نقولو كتحزر النعاس باش يديها و كتحاول تنعس بلا متشرب الدوا
عند زاك: مالها وعد بانت ليا مبدل هادي اول مرة كنشوفها هاكا
جاندي: نتا مكنتيش هنا طراو بزاف الحوايج فهاد 4 شهر الاخرة
غيتا:عمر يوسف مكان مهموم هكا خاصة من بعد متجاوز المرحلة ديال موت سارة
زاك: انا سولتكم على وعد مالها مبدلا
علي: سمعني ا زكرياء دوك الناس لي كانو سباب فحزن نسمة و موت بسمة و اكتئاب يوسف رجعوبانو
زاك: كيفاش😲
مراد: هوما خطفو وعد ملي كانت خارجة من الروض ويوسف مشا يتسطا قلبنا عليها انقرة كاملةو بدون جدوى بنت صغيرة ملاك فعمر 6 سنوات اش بغاو منها كتر من شهرين و نص و هي محبوسة عندهم نهار غترجع حطوهافنفس البلاصة لي هزوها منها
زاك مصدوم من هادشي لي كيسمع شفق على هاد البنت الصغيرة : كيدارت ترجعات للدار و اشمن دوا لي كتشرب و انا امتحان غدوز؟؟
يوسف ضحك من بين غوباشتو.. ديك البنت عندها واحد العقل ..
*فلاش باك*
الرجل1: بنتي مالكي اش واقع ليك
وعد: اش عندو مايوقع ليا غير فوتني عليك
المرأة1: بنتي فين هوما واليديك
وعد: علاش كتسولي عليهم
مرأة2: وعد واش هادي نتي
وعد تلفتات: 😏 خيالي
مرأة2: ولله الى نتي فراسك يوسف كيقلب عليك
وعد: جيجي فوتيني عليك
جيهان: ياله نديك للدار
وعد: اوكي بشرط..جهان شافت فيها باستغراب
وعد: نمشيو على رجلينا
جيهان بقلة حيلة عارفاها عنيدة: اوكي ياله
*الواقع*
يوسف: مبقات كتيق فتحد لدرجة معلمتها مبغاتش تطلع معاها فلوطو وجابتها الطريق كاملا على رجليها كوصلت طلعات لعد خالتي ميريتيا و نعست هاديك اخر مرة تنعس مزيان ديما كيجيوها الكوابيس وتبقى تعيط على سارة كنت كنحس بقلبي كيتقطع تحرمو من مهم وهما رضع فأمس حاجة ليها كل مرة تمشي عند جداها و لا خالتها وتطلب منهم يعاودو ليها على ماماها تخيل معايا بنت قدها كتعلم ترسم و تلعب القيتار هه و كتدوي بنفس الطريقة ديال سارة و اكفس حاجة باغا تقرا داخلي مبغاتش تبقى معانا ..
فرت دمعة من عين يوسف بزربة مسحها: بغات تخليني كيف مشات ماماها تاهيا باغا تخليني بوحدي منقدرش وخا كين عهد ومكنتفارقوش مي هي مكانتها بوحدها كلشي فيها كيفكرني فحبيبتي ضحكتها تقليقتها عصبيتها كلشي كتخليني متفاءل
هز تليفونو كيشوف فتصاورها تطاح على فوطو جامعا وعد مع التوين ديالها عهد
(الصورة☝)
ملي كانت عندهم حفلة رسمية فالشركة كأي بنت ظن ان وعد غتبغي كسوى بالفرافر و الوريدات مي نهار سولها شنو بغات تلبس ناضت جبدات ليه دفتار تاع ماماها فيه الرسومات و التصاميم و راتو شنو بغات .. كيشوف كيفاش عهد مكيرفضش ليها شي حاجة كتعاملو بحالا هي كبر..
