حنين .

الجزء 29

حسام : واكثر من مابتتخيل

د.خالد ابتسم : ماتخاف عليها هي كويسه حاليا وحالتها مستقره الحمد لله .

حسام : الحمد لله

بهنااك بعد ودوني الغرفة العاديه دخلوو كلللهم وكانت ماما جمبي وبابا مع الدكتور برا ، بديت اصحصح شوويه كدا بس راسي دا تقيييل وماقادره ارفعو فتتحت عيووني واول زوول شفتو كان .....
كان ماما 😶 ( انتو متخيلينو حسام صح 😅😝)

ماما : حنين ؟

انا فتحت عيووني شوويه شوويه وقلت بصووت شبه مسموع : ماما مم ماما

ماما : حنين حبيبتي فتحي عيونك كويس

انا فتحت بصعوووبة كدا وعايزه اقووم اقعد فالسرير بس ماقادره نهاائي راسي ماقادره اشيلو ( وطبعا لحدي هسي ماحاسه انهم قصو لي شعري !!)

حسام : ارتاحي ارتاحي ومافي داعي تقومي هسي لما تحسي انك قادره تقومي بعدين حاولي

انا ختيت يدي في راسي ورجعتها ثاني وغمضت عيوني

شوية كدا جا د.ستيف وقال : كيف اصبحت الان يا حنين .. يجب ان افحصك فحصا اخيرا ثم من بعدها ستكونين بخير .. ولكن اود اخبارك بشيئ مؤسف قليلا .. لقد صعب علينا اكمال العمليه مع تواجد شعرك الطويل وقلقنا من ان يسبب لنا مشاكل في العمليه لذلك قمنا بقصه .. لم نستطع اخبارك لاننا اكتشفنا هذه المشكله بعد تخديرك من قبل ال د.باسل .. استشرنا والداك ووافقو على ذلك .

اما انا رفعت راسي بدوون ما احس وقلت ليهو : What ??!!!!!
انا مع رفعت رااسي دي حسيت بألم فظييع نزلت راسي ومسكتو بيديني الاثنين وغمضت عيووني ،

د.ستيف : سيؤلمك لفتررة من الايام التي ستبقين فيها هنا فالمشفى ، انها الآم طبيعيه بسبب الخياطه والعمليه .. لكن ستختفي بالتدريج لذا لا تقلقي

انا : ميمي اديني مرايه

ميمي عاينت لي وماما قالت ليها : جيبي ليها

ميمي جابت لي المرايه انا مسكتها شفت شعري لقيتو واصل نهاية رقبتي بقيت بببكي 😂💔 ، ياجماعه انا من حقي ابكي لكن ، شعري كان فوقتها واصل نهاية ظهري ولا مرره فكرت سااي اقصو

طبعا كللهم بقو يضحكو حتى ماما زااتها

ابوبكر وهو بيضحك : حنونه المبكيك شنو هسي كل عشان شعرك

انا : انت حتحس من وين ماشعرك كل اسبوع بتقصو ماتتكلم معاي

ماما : لا انا كده اتاكدت انك كويسه يلا يا حاتم نمشي البيت ونجي

بابا : يلا 😂😂😂

ريان :والله حاااسه بيك يابت امي

انا : كذااااابه انتي ياداب اول امس دي قصيتي شعرك خلي حاسه بيك قال حاسه بيك قال