#حنين
الجزء 9
المهم ابوبكر لاحظ لي واستغرب ، عاين لي ورا وشاف المنظر الشفتو 💔 ، المهم عهد لاحظت وشافتهم قامت رفعت يدها ليهم 🙌
وقالت : اووو شوفو عدنان قاعد هناك ياسبحان الصدف ، عدنان🙌 ، المهم كلهم انتبهو واتضايقو طبعا (عهد ماعارفه بي علاقتنا من اساسها ) المهم لماشافها جا وجات معاهو البنت دي ، اول ما شاف عهد انا ماشافني لاكن لما قرب من الصدمه لما اتجمد في محلو ، وانا ماكنت قادرة احط عيني في عينو لأنو كنت عارفه انو لما اعاين ليهو حا اضعف ، وطبعا كلهم كانو منتبهين معاي شدييد وانا دا وترني زيادة 😣 ، المهم قامو عشان يسلمو وكدا وطبعا قمت معاهم ، سلمت اول شي على البت المعاهو طبعا عررفنا بيها طلع اسمها رنيم 😷 ، ياخي مايعه بطريقه فيها نوع من المبالغه حتى السلام دا بي طرف الاصبع ( طلعت سودانيه طبعا ، اللهجه فلل ماشاء الله😂) ، المهم بعد سلمت عليها وجا دور عدنان ، سلم علي بالكتف 😥 عااد انا قمت اتراجف ، ياخ الولد حضني عدييل كدا ، يعني انا كنت ماده ليهو يدي ساي بس ، ولما جا يفكني رفع لي الطرحه في راسي😨 ، اتخييلو بس ! ، انا وشي دا اتلون بطريقه ماعادية 😱 ، يعني اتخيلو معاي زول يكون شبه حاضنك ويرفع ليك طرحتك في شعرك ويكون مكشر في وشك زي البعاتبك😥 ، طبعا كللهم استغربو من حركتو دي وهو ياكافي البلا خشمو مافتحو عمل حركتو دي وعاين لي نظرة كدا انا فهمتها غايتو😪 ، المهم رنيم التقول دخلت في النار وطلعت منها وسألتو قالت ليهو دي منو قال ليها بعد مسااااافه بنت عمتي 😭 ، انا لما قال كدا قلبي دا عمل شححح لانو زماان قال انو انا لا بت عمتو ولا بعرفو 😭💔💔 ، ورنيم بقت مكششرة😂 ، المهم قعدنا كداا وهو قعد مقاابل لي طوالي ،
عهد سألتو : عدنان ما تعرفنا على جكسويتك دي ياخ 😍
عدنان قعد يضحك وبيعاين لي (حررركة بتغيظ)
عهد : رنومه اخبارك ؟
رنيم بمياعه لمما غلط : تمام ولله الحمد لله ماشي الحال
عهد : بتقري وين ؟
رنيم : في النيلين مع عدنان حبيبي وبقرا صيدلة سنة 2 😊
(ملاحظين لي حبيبي دي 😷)
انا لما قالت كدا ختيت يدي في وشي في قلبي قلتا (النيلين ؟😷 الللزمنا الصبر ياربب ) ، وكنت كل ما ارفع راسي بلقاهو بيعاين لي بي طريقه تلفت نظر بالجد 😪😔 ، بعدين رنيم لاحظت مسكت يد عدنان !! (تخيلو قداامنا وهو كان خاتيها في الطربيزة ، غايتو لا حياء ولا احتشام😥) قالت ليهو : بيبي يلا ناخد صور 😍
عدنان حسيتو اتضايق شويه كدا وقال : تمام
يلا اتخيلو قعدو قدامنا يتصورو وكدا ، طبعا الجو اتكهههرب شدييد وكل زول قعد ساكت ، انا في اللحظه دي انهزيت شديد والدموع وقفت لي في عيوني 💔 شعور لما يكون زولك قدر ينساك ويلقى غيرك وانتي لسه ماقادر تنساهو💔💔 شعور انكسار وخذلان ولوم على نفسك انك لسه متعلق بي زول مامتذكرك حتى 💔💔 اااااخ ياربي تعينني 💔 ، طبعا بقيت ماقادرة اتحمل ، قممتا طوالي
وقلتا : عن اذنكم عايزه امشي الحمام
طبعا الصدمه كانت في انو نبرة صوتي قلبت 360 درجه لما انا زاتي اتخلعت ، العبره كانت خانقاني شديد ومامتخيله انو ممكن اضعف بالطريقه دي💔💔 ، المهم ماكان في زول عارف محل الحمام غير محمد ،
المهم قال لي : اا اا ت تعالي انا بوريك الحمام (يحليلو هو زاتو اتوتر معاي😖)
هزيت ليهو راسي بمعنى (طيب) ، المهم قمتا ومشيت معاهو وانا حالفه ما اغمض عيوني لانو عارفه حيحصل شنو💔 (وانتو عارفين كمان 😥) انا من كثرة الدموع الفي عيوني ماشايفه القدامي وضربت بي كرسي 😤 بس لحظتها محمد قال لي انتبهي ومسكني من يدي ، لما وصلنا الحمام كان جمبو كراسي دخلتا جووه جرري وفكيتها بكيه لدرجة البنات الجوه استغربو انا ببكي كدا ليه ، محمد كان منتظرني برره (نسيت ماوصفتو ليكم 😂 ، طووييل وابيضضااني وشعرو ماشاااء الله تبارك الرحمن مغغطي جبهتو 😂😍، عيونو ك س ا اا ر ر ه ، ، ، وظرييييييييييييييييف ظرافه تههههد جباال 😍😍 ياخي الزوول دا الزيييت صحبي شدييد واحلى شي فيهو بيفهمني شديد ) بعد ما خلصت بكيتي غسلت وشي طلعت لقيتو قاعد لي في الكرسي جا قعدني وقعد قدامي في الارض ، ونننننفس المحاضره ديييك البدوني ليها ربا وابوبكر ، انا كنت ببكي بس وهو بيهدي فيني شوية كدا جا ابوبكر وبدا يهدي فيني ، بعدين انا اتمالكت اعصابي دخلت تاني غسلت وشي ، وكانت في بت من ما دخلت اوول مره وههي بتعاين لي جات سألتني قالت : السلام عليكم
