#حنين
الجزء الاول
يلا يا بنات سريع قبل ما تفوتنا الطياره
حنين اديني الباسبورت حقك ومعاهو التأشيرة سريع عشان ندخل ، ،
حنين !
حنيييين !!!
: ايوه ايوه يا أمي في شنو ؟
"يابت انا لي ساعه بنادي فيك ما سامعاني سرحانه وين ؟
عرفناك مع التلفون والسماعات ما بتسمعي هسي ماشايلاهم سرحانه وين ؟
: امي ماسرحانه ياخ بس مع جوطة مطار الخرطوم دا في زول بسمع شي ؟ ولو ملاحظه الناس المسافره اليوم كتار شديد .
"خلاص تمام خلي النقه دي وخلينا ندخل صالة المغادرة الباقي على الطيارة كلها ربع ساعة .......
طبعا اسمي اتوضح من كلام امي معاي 😂
يلا انا حنين 17 سنة مواصفاتي تقريبا كده بنت طويله جسمي مليان شوية كدا بس ما سمينه😂شعري ما طويل شديد ولا قصير يعني تحت كتفي بي أشبار 😍 ، لوني اسمر على حنطي كده (قمحي زي ما بتقولو ) طبعا شوية كدا حتلاقوني بشطح (بنط😂) لي اللهجه السعوديه لانو انا انولدته وعشته ولسه عايشه هناك 💕 بقرا في ثانية ثانوي شخصيتي وحده كدا بتحب الونسه والضحك والهظار 😂وما يخفى عليكم بحب الهجيج والاغاني زي عيوني 😍يعني سماعاتي دي نهائي ما بفكها من اضنيني 😂 بقولو علي طيبة 😂😍 وحساسه نوعا ما 😑بحب اقرا روايات 😍وشااطره في المدرسه بس ما بحبها 😑😑 ، واضح من المحادثة الفوق انو نحنا في السودان ومسافرين على السعودية بعد اجازتنا السنوية المدتها شهرين ، طبعا بنقضيها مع اهل امي وابوي في الجزيرة ،،
صح صح نسيت اعرفكم على امي وابوي 😅
ماما : اسمها كيان 42 سنة ، دكتورة في مستشفى من المستشفيات الفي السعودية 💕.
بابا : اسمو حاتم 48 سنة ، شغلو حتعرفوهو لبعدين💕.
مااما بت عمة بابا 💜 يعني هو ولد خالها 💜.
نحنا عامة كدا في اسرتنا الكبيرة عندهم مشكلة في الاسامي وبحبوو الالقاب زي عنونهم😍😂 الواحد فيهم بكون عندو اسمين علأقل😂
مثلا امي دي اسمها الحقيقي كيان بس نحن عامة كدا واهلها واصحابها بنادوها بي هنادي😍 لأنو زمان لما انولدت جدو قال يسموها كيان 😍اما حبوبة قالت يسموها هنادي 😍 فعلى كدا اتفقو انو في الشهادات الرسمية وفي المدرسه والمجتمع العام يكون اسمها كيان، اما في البيت بين اهلها وصحباتها ينادوها هنادي😍😍. 😂
وعندكم انا ☺ زمان امي وابوي من بعد ما جابوني ابوي قال يسموها وتين وامي قالت يسموها حنين😂
وابوي استعجل واتحمس ومشى سجل جوازي السوداني بي اسم وتين ☺😂وطبعا امي اصصرت قالت حنين فسجلتني في الاقامة السعودية بي اسم حنين ☺ فاللخبطه حصلت وبعد نقاشات ومناوشات 😂😂 قررو يسموني حنين ويعدلو الجواز السوداني لاكن اصحاب ابوي بيعرفوني بي اسم وتين😂
المهم عندي اختين واخ 💕 طبعا انا البكر 😊💕
بعديني في ولد اسمو
محمد💕عمرو 11 سنين بقرا في خامس ابتدائي (أساس)
بعدين الين 💕عمرها 8 سنين بتقرا في سنة ثالث ابتدائي
بعدين الحتالة 😂 جوري💕 عمرها 5 سنين بتقرا في الروضة
..
أحكي ليكم قصتي قبل في الاجازة الفي السودان 💕
انا قبل سنة تقريبا في الاجازة الفاتت كانت عندي زي مشاعر كدا لي ولد خالي (عدنان)💔 في الفترة ديك هو كان في اولى جامعة بقرا طب النيلين 💕 معلومة كدا عن جامعة النيلين دي😂 اولاد وبنات اهلى تقريبا محتلينها احتلال 😂
عندي اولي شي ولد عمتي بقرا فيها ادارة اعمال 💕 اسمو ايهم ، وتاني عندي بت حبوبتي خالة ماما وعمة بابا 😂 طبعا هي ما كبيرة لي درجة اقول ليها خالتو او عمتو عشان كدا بناديها بي اسمها ساي 😁 اسمها عهد بتقرا ادارة اعمال كمان 💕 وعندي بررضو ولد اهلي دا شوية بعيد يعني هو امو بت خال امي واعم ابوي 😊 ، راسكم لففا صح ؟😂 دا طب اسمو محمد 😂💕 والثلاثه ديل بيقرو في سنة ثالثه 💜
وكمان عندي بنت خالتي دي الحووووب ياخ اقرب وحدة لي من بنات اهلي وصحبتي وفردتي شديييد 💕 دي الزيييت ياخ😂💜💜 بتقرا طب سنة ثانية برضو النيلين وعندي بت عمتي وخالتي في نفس الوقت دي برضو بتقرا النيلين صيدلة اسمها الاء 💜😂 وياهو عدنان دا بيقرا طب سنة اولى وياها النيلين الزيييت 😍
نرجع لي قصتنا انا وعدنان 💔 كانت عندي اتجاهو مشاعر اعجاب بسيطة وما اتوقعتا في يوم تتحول لي حب💜
وهو نفس الشي تقريبا 💕
كانت بس العارفه القصة دي ربا بس (بت النيلين😂) ولما شافت قدر شنو نحن كنا بنحب بعض حاولت قدر ما تقدر انو تخلينا نعترف لي بعض ، لاكن عذبناها شديد معانا لانو هو تقيييل شديد وانا اتقل منو 😂 لكن بعد مدى كدة ومواقف خلتنا نعترف لي بعض بتذكر كان بعد ما رجعنا السعودية وبدت علاقتنا من الوقت داك 💜 كنا بنتكلم مع بعض عن طريقها هي وبي جوالها بس مع انو كان كل واحد فينا بي جوالو بس ممكن تقولو كنا صغار وبنخاف وما حبينا فكرة التواصل البيناتنا دي💕 فاكتفين بي جوال ربا 💜💜 بعد ما جينا الاجازة الهسي كنا بنتكلم عنها دي واتلاقينا وكده في البداية كدا كان في زي حاجز خوف بيني وبينو او خوف او حاجه زي كدا
(طبعا كان هو دخل الجامعة وانا في لما ارجع السعودية كنتا حا ادخل ثاني ثانوي ) المهم في البداية كانت علاقتنا سطحية شديد وما كان في حاجات بنخبيها او كده ، يحدي ما الموضوع اتطور ووصل لي احضان والبعدو وكدة 💔 طبعا الموضوع دا انا ما كنت عايزاهو بس هو شبه بجبرني عليهو 💔 يعني هو ما بجبرني بي طريقة مباشرة كدة بس بجيني فجأة وانا تاني زي البتخدر وما بقدر أمنعو 💔💔 وهو النصيح لي الله قررض لمن بي هناك ومكسر بنات دفعتو 😂 وكان في واحدة كدا بتحبو لمن بي جن ونفسنة كدا المهم دخلت بيناتنا وزيادة على اسبابنا الذكرتها فوق دي 👆💔 حصلت بيناتنا مشاكل كتيرة وانا بي طبعي وحدة بنفعل كثير وهو كان متحملني شديد وانا كل مره شبه بظلمو 💔💔 فكتر عليهو الكلام وبتذكر اخر شي قالو لي ( حنين انا وعدتك اني ما اخليك ولا اسيبك بس انتي براك الخليتيني وكترتيها علي )😢😭😭😭💔
ومن بعدها كان زي الليله وبعد اسبوع السفر يعني خلاص اجازتنا كانت شبة خلصت بس في الاسبوع دا كان اكتر اسبوع سيئ وتقيل على قلبي زي السم لانو اتخيلو بس هو بقا حتى اسمي ما عايز يسمعو ووشي ما عايز يشوفو 😭😭 كان بتجنب يشوفني ولما يشوفني كانو ما شايفني 💔 المشكله انو معانا في البيت (بيت حبوبتي في الجزيره في قرية كدا هناك اهل امي وابوي ف بنقضي اجازاتنا هناك بس بنمشي نقضي اسبوع او اسبوعين في بيتنا في الخرطوم وهم اساسا عايشين هناك مع حبوبتي بما انو خالي دا قال عايز يكون مع حبوبتي هو وخالتي ومعاهم خالي التاني💙) ف بالتالي نحنا قاعدين في بيت واحد والكلام دا بيفرض علينا انو نشوف بعض💕(عشان كدا ما انصحكم تحبو من اولاد اهلكم لانو اذا حصل اي شي وانفصلتو تاني مستحيل ترجع علاقتكم مع بعض زي اول واحتمال تصلو للحالة الوصلنا ليها انا وعلي 💔💔) المهم انو نحنا لما وصلنا للحالة دي بقت بت خالتي (ربا) بما انها اقرب ناس لينا نحن الاتنين تتكلم معانا وكدة وانا كنت بقول ليها انا ماعندي اي مشكلة في انو نكون عاديين زينا زي اي اهل ما بالضروره نرجع نحب بعض وطبعا كنتا ببكي💔💔 بس هو الرافض الشي دا ولأن عدنان بي طبعو كان حساس شوية وزعلتو مني دي كانت قوية شديد💔 فكان بقول ليها انا ماعيز حتا نكون اولاد اهل 💔💔💔💔👆 اتخيلو بس الكلام دا انا نفسن بي قدر شنو ودخلني في حالة تانية💔 بقيت وحدة انطوائيه شديد على عكس عادتي واغلب الوقت سرحانة وما بتكلم مع زول💔 يحدي لما سافرنا كانت دي حالتنا 💔💔
يتبع ........
